ബോളിവുഡ് കിംഗ് ഖാൻ ഷാരൂഖ് ഖാന്‍റെ പുത്രി സുഹാന ഖാന് ആരാധകർ നിരവധിയാണ് . സോഷ്യല്‍ മീഡിയയില്‍ സജ്ജീവമല്ലാത്ത സുഹാന തന്‍റെ ഇൻസ്റ്റഗ്രാമിലൂടെ പങ്കുവച്ച മൂന്ന് ചിത്രങ്ങളാണ് വ്യത്യസ്ത ഭാവങ്ങൾ കൊണ്ടു ഇപ്പോള്‍ വൈറലായികൊണ്ടിരിക്കുന്നത്. ചിത്രങ്ങൾ സോഷ്യൽ മീഡിയ ഏറ്റെടുത്തിരിക്കുകയാണ്.

സ്വകാര്യമായിരുന്ന ഇൻസ്റ്റഗ്രാം അക്കൗണ്ട് പബ്ലിക് ആക്കി മാറ്റിയശേഷം സുഹാനയുടെ ആദ്യ പോസ്റ്റാണ് ഈ ചിത്രങ്ങൾ . രണ്ട് വശങ്ങളിലേക്കും മുകളിലേയ്ക്കും നോക്കുന്ന സുഹാനയാണ് ഈ ചിത്രങ്ങളിലുള്ളത്. കുസൃതിയും പരിഭവവും നിറയുന്ന ഭാവങ്ങളാണ് ഇവയിൽ . ഒരു പുത്തന്‍ മേക്കോവറാണ് താരപുത്രിക്ക് എന്നാണ് ആരാധകരുടെ പക്ഷം. സുഹൃത്തുക്കൾക്കും സഹോദരങ്ങൾക്കുമൊപ്പമുള്ള ചിത്രങ്ങളാണ് പ്രധാനമായും സുഹാന പങ്കുവയ്ക്കാറുള്ളത്. സുഹാനയ്ക്ക് മാത്രമല്ല താരപുത്രന്മാരായ ആര്യൻ ഖാനും, അബ്രാം ഖാനും ആരാധകർ ഏറെയാണ്. താരങ്ങൾ പങ്കുവെക്കുന്ന ചിത്രങ്ങളെല്ലാം ആരാധകർ ആഘോഷമാക്കാറുണ്ട്.