അമിതാഭ് ബച്ചന്റെ ഉടമസ്ഥതയിലുള്ള നാല് ബംഗ്ലാവുകള് സീല് ചെയ്തു!
അമിതാഭ് ബച്ചന്റെ കുടുംബത്തില് നാല് പേര്ക്ക് കൊവിഡ് സ്ഥിരീകരിച്ചതോടെ അദ്ദേഹത്തിന്റെ ഉടമസ്ഥതയിലുള്ള നാല് ബംഗ്ലാവുകള് സീല് ചെയ്തു. ബച്ചന്റെ വസതികളായ ജല്സ, ജനക്, പ്രതീക്ഷ, വത്സ എന്നിവ സീല് ചെയ്തതായി ബോംബെ മെട്രോ കോര്പ്പറേഷന് അസിസ്റ്റന്റ് മുനിസിപ്പല് കമ്മിഷണര് വിശ്വാസ് മോട്ടെ അറിയിച്ചു. ഈ പ്രദേശത്തെ കണ്ടെയ്ന്മെന്റ് സോണാക്കി പ്രഖ്യാപിക്കുകയും ചെയ്തു.
അമിതാബ് ബച്ചന്റെ ജീവനക്കാരില് 16 പേരെ കൊവിഡ് പരിശോധനയ്ക്ക് വിധേയരാക്കി. ഇതില് സെക്യൂരിറ്റി ജീവനക്കാരും വീട്ടു ജോലിക്കാരും ഉള്പ്പെടും. ഇവരുടെ പരിശോധനാഫലം ഇതുവരെ വന്നിട്ടില്ല.
അമിതാബും മകന് അഭിഷേകും ആശുപത്രിയില് ചികിത്സയിലാണ്. കൊവിഡ് പോസിറ്റീവായ ഐശ്വര്യയും മകള് ആരാധ്യയും ഹോം ക്വാറന്റൈനിലാണ്. ഇരുവരുടെയും ആരോഗ്യനില മുംബൈ മുനിസിപ്പല് കോര്പ്പറേഷന് ഉദ്യോഗസ്ഥര് അന്വേഷിക്കുമെന്നും ഇവരുടെ ആരോഗ്യ പുരോഗതി വിലയിരുത്തുമെന്നും അഭിഷേക് ട്വീറ്റ് ചെയ്തിരുന്നു.
https://www.facebook.com/Malayalivartha
