ഗര്ഭകാലത്തെ കുറിച്ചുള്ള വിശേഷങ്ങള് പങ്കുവയ്ക്കാന് കരീന പുസ്തകമെഴുതുന്നു
ബോളിവുഡ് നടി കരീന കപൂറും പുസ്തകരചനയിലേക്ക്. വ്യത്യസ്തമായൊരു വിശേഷം പങ്കുവയ്ക്കാനാണ് കരീന സാഹിത്യരംഗത്തേക്കു കടന്നുവരുന്നത്. ഗര്ഭകാല വിശേഷങ്ങള് പങ്കുവയ്ക്കാണ് ഈ പുതിയ രംഗത്തേക്കും നടി കാലുകുത്തുന്നത്.
ഗര്ഭിണിയാണെന്നറിഞ്ഞ നാള് മുതല് പ്രസവം കഴിഞ്ഞ് 90 ദിവസം വരെയുള്ള അനുഭവങ്ങളാണ് കരീന എഴുതാനുദ്ദേശിക്കുന്നത്. ശാരീരിക മാറ്റങ്ങള്, മാനസിക അവസ്ഥകള്, ഭക്ഷണം, വ്യായാമം തുടങ്ങിയവയെല്ലാം പുസ്തകത്തില് വിവരിക്കും. ഗര്ഭിണിയായിരിക്കെ മുഖ്യധാരയില്നിന്ന് മാറി നില്ക്കുന്ന താരങ്ങളില് നിന്ന് വ്യത്യസ്തയായിരുന്നു കരീനയുടെ ജീവിതരീതി. പാര്ട്ടികളില് പങ്കെടുത്തും മോഡലിംഗ് ചെയ്തുമെല്ലാം താരം ഗര്ഭകാലം ആഘോഷമാക്കിയിരുന്നു. മകന് ജനിച്ചയുടനുള്ള ചിത്രവും ആരാധകര്ക്കായി സോഷ്യല് മീഡിയയിലൂടെ പങ്കുവച്ചു. പ്രസവശേഷം ദിവസങ്ങള്ക്കുള്ളില് പാര്ട്ടിയില് പങ്കെടുക്കുന്ന കരീനയെയാണ് ആരാധകര് കണ്ടത്. തുടര്ന്ന് ഒരു ഫാഷന് വീക്കിലും. ഇപ്പോള് വീര് ദേ ദിവാനി എന്ന ചിത്രത്തില് അഭിനയിക്കാന് തയാറെടുക്കുകയാണ് കരീന കപൂര്. ഗര്ഭം ധരിച്ചതിന് ശേഷമുള്ള ദിവസങ്ങളെക്കുറിച്ച് പലതരം തെറ്റിദ്ധാരണകളും കീഴ്വഴക്കങ്ങളും നിലനില്ക്കുന്നുണ്ടെന്നും അവയെല്ലാം തിരുത്താന് തന്റെഴ പുസ്തകത്തിലൂടെ പ്രേരണയാകുമെന്നും കരീന പറയുന്നു.
https://www.facebook.com/Malayalivartha
