ഫോബ്‌സ് മാഗസിന്‍ പുറത്തുവിട്ട ഏറ്റവും കൂടുതല്‍ പ്രതിഫലം പറ്റുന്ന നൂറു പ്രശസ്തരുടെ പട്ടികയില്‍ ഇന്ത്യന്‍ താരങ്ങള്‍. ബോളിവുഡ് താരം ഷാരൂഖ് ഖാനും സല്‍മാന്‍ ഖാനും അക്ഷയ് കുമാറുമാണ് ഇന്ത്യയില്‍ നിന്നുള്ളവര്‍. 38 ദശലക്ഷം ഡോളര്‍ വരുമാനവുമായി ഷാരൂഖ് 65ാം സ്ഥാനത്തും 37 ദശലക്ഷം ഡോളറുമായി സല്‍മാന്‍ 71ാം സ്ഥാനത്തുമാണ്. 35.5 മില്യണ്‍ ഡോളര്‍ വരുമാനമുള്ള അക്ഷയ്കുമാര്‍ 80ാം സ്ഥാനത്തുമാണുള്ളത്.

130 മില്യണ്‍ ഡോളര്‍ വരുമാനമുള്ള അമേരിക്കന്‍ ഗായകന്‍ സീന്‍ കോമ്പ്‌സാണ് പട്ടികയില്‍ ഒന്നാമത്. അമേരിക്കന്‍ ഗായിക ബിയോണ്‍സ് നോള്‍സ് 105 മില്യണ്‍ ഡോളര്‍, ഹാരി പോര്‍ട്ടര്‍ എഴുത്തുകാരി ജെ.കെ. റൗളിങ് 95 മില്യണ്‍ ഡോളര്‍ എന്നിവരാണ് രണ്ടും മൂന്നും സ്ഥാനത്ത്. 93 മില്യണ്‍ ഡോളര്‍ വരുമാനമുള്ള പോര്‍ച്ചുഗല്‍ താരം ക്രിസ്റ്റിയാനോ റൊണാള്‍ഡോ അഞ്ചാം സ്ഥാനത്താണ്.