ബാഹുബലിയെ പിന്നില്‍ നിന്ന് കുത്തി വരുണ്‍ ധവാന്‍; കണ്ടിട്ട് ചിരി നിര്‍ത്താനാകുന്നില്ലെന്നാണ് രണ്‍വീര്‍
ബാഹുബലിയെ പിന്നില്‍ നിന്ന് കുത്തുന്ന വരുണ്‍ ധവാന്റെ ചിത്രം സമൂഹമാധ്യമങ്ങളില്‍ തരംഗമാകുകയാണ്.
ചിത്രത്തിന്റെ അടിക്കുറിപ്പായെഴുതിയ വരുണ്‍ ധവാന്റെ വാക്കുകളാണിത് 'ലോകചരിത്രത്തില്‍ രണ്ടേരണ്ടുപേര്‍ക്കെ ബാഹുബലിയെ പുറകില്‍ നിന്ന് കുത്താന്‍ കഴിഞ്ഞിട്ടൊള്ളൂ. ഒന്ന് എനിക്കും രണ്ട് കട്ടപ്പയ്ക്കും'.എന്തായാലും വരുണിന്റെ ഫോട്ടോ കണ്ടിട്ട് ചിരി നിര്‍ത്താനാകുന്നില്ലെന്നാണ് രണ്‍വീര്‍ സിങ് കമന്റ് ചെയ്തിരിക്കുന്നത്.
ബാഹുബലി തിയറ്ററുകളില്‍ 50 ദിവസം പിന്നിടുന്നതിന്റെ പാര്‍ട്ടി ആഘോഷിക്കുന്നതിനിടെയാണ് രസകരമായ ഈ നിമിഷമുണ്ടായത്. ബാഹുബലി ഹിന്ദി വിതരണം ഏറ്റെടുത്ത കരണ്‍ ജോഹറാണ് പാര്‍ട്ടി സംഘടിപ്പിച്ചത്. ഒരു വാള്‍ കൊണ്ട് പ്രഭാസിനെ കുത്തുന്ന വരുണിനെ ചിത്രത്തില്‍ കാണാം. ഒരുപാട് നന്മകള്‍ ഉളള മനസ്സാണ് പ്രഭാസിന്റേതെന്നും അദ്ദേഹത്തിന് ഇനിയും ഉയരങ്ങളില്‍ എത്താനാകട്ടെയെന്നും വരുണ്‍ ട്വീറ്റ് ചെയ്തു.
പ്രഭാസിനെ കൂടാതെ റാണ ദഗുപതി, ആലിയ ഭട്ട്, രണ്‍ബീര്‍ കപൂര്‍, സിദ്ധാര്‍ത്ഥ് മല്‍ഹോത്ര, അര്‍ജുന്‍ കപൂര്‍, ആദിത്യ റോയ് കപൂര്‍ എന്നിവരും പാര്‍ട്ടിയില്‍ പങ്കെടുക്കാന്‍ എത്തിയിരുന്നു.
https://www.facebook.com/Malayalivartha
