പ്രസവശേഷവും തന്റെ ശരീര സൗന്ദര്യം തിരിച്ചുപിടിച്ച് ലോക സുന്ദരി ഐശ്വര്യ റായ്. അമ്മയായിരുന്നപ്പോള്‍ തടി ഉണ്ടായിരുന്നെങ്കിലും തന്റെ പതിവ് രീതികള്‍ തുടര്‍ന്ന് വീണ്ടും അതെ പ്രഭയില്‍ തിരിച്ചു വന്നിരിക്കുകയാണ് താരം. തന്റെ സൗന്ദര്യ രഹസ്യം പലതവണ വെളിപ്പെടുത്താന്‍ താരം നിര്‍ബന്ധിതയായിട്ടുണ്ട്. എന്നാല്‍ ഇപ്പോള്‍ തന്റെ സൗന്ദര്യരഹസ്യം താരം തന്നെ വെളിപ്പെടുത്തുകയാണ്.

'ഇപ്പോള്‍ തുടരുന്ന അതേ ഭക്ഷണരീതി തന്നെയാണ് അന്നും പിന്തുടര്‍ന്നത്. പ്രഭാതത്തില്‍ ഒരുഗ്ലാസ് ചൂട് നാരങ്ങാ വെള്ളം. ഒരു ബ്രൗണ്‍ ബ്രഡും ഒരു കപ്പ് ഓട്‌സും പ്രഭാതഭക്ഷണം. വേവിച്ച പച്ചക്കറിയും ഒരു കപ്പ് പരിപ്പും ചപ്പാത്തിയും ഉച്ചഭക്ഷണം, കനലില്‍ചുട്ട ഒരു കഷ്ണം മത്സ്യവും ഒരു കപ്പ് ചോറുംകഴിച്ച് ലഘുവായ രാത്രി ഭക്ഷണം ഇതാണ് നടിയുടെ ഒരു ദിവസത്തെ ഭക്ഷണത്തിന്റെ ക്രമം.കൂടാതെ ദിവസം എട്ട് ഗ്ലാസ് വെള്ളവും ഉള്‍പ്പെടുത്തും. ജങ്ക് ഫുഡുകളും വറുത്തതും പൊരിച്ചതുമായ ആഹാരങ്ങളും ഒഴിവാക്കി. പഴങ്ങള്‍, കൊഴുപ്പ് തീരെയില്ലാത്ത ആഹാരങ്ങള്‍ എന്നിവ പരമാവധി തന്റെ ഭക്ഷണമേശയില്‍ കൊണ്ടുവന്നുവെന്നും നടി പറയുന്നു.

ഒപ്പം വര്‍ഷങ്ങളായി യോഗപരിശീലിക്കുന്ന ഐശ്വര്യ പ്രവസവ ശേഷം ദിവസം 45 മിനിട്ട് യോഗയ്ക്കായി മാറ്റി വച്ചു. പ്രഭാത നടത്തവും ജോഗ്ഗിംഗിനും പുറമേ ആഴ്ചയില്‍ രണ്ട് ദിവസം ജിമ്മിലും വീട്ടില്‍ തന്നെ ചെയ്യുന്ന കാര്‍ഡിയോ എക്‌സര്‍സൈസുകളും. ഇങ്ങനെ ചിട്ടയായ വ്യായാമങ്ങളും താരത്തിന്റെ ശരീര സൗന്ദര്യത്തിന് പിന്നിലെ രഹസ്യങ്ങള്‍ തന്നെയാണ്.