സാറയ്ക്ക് മാതാപിതാക്കളുടെ വിലക്ക്!
ഹിന്ദി സിനിമയിലെ മുന്‍നിര താരമായ സെയ്ഫ് അലി ഖാന്റെയും അമൃത സിംഗിന്റെയും മകളാണ് സാറാ അലി ഖാന്‍. ബോളിവുഡിലേക്ക് കാല്‍വെയ്പ്പ് എടുത്ത് വയ്ക്കുന്നതിന് മുന്‍പ് തന്നെ സാറ പോപ്പുലര്‍ ആയിക്കഴിഞ്ഞിരുന്നു. പാപ്പരാസികളുടെ സ്ഥിരം നോട്ടപ്പുള്ളി ആയിരുന്നു സാറ.
മകള്‍ ആണ്‍ സുഹൃത്തുക്കളുമായി സൗഹൃദം പുലര്‍ത്തുന്നതിനോട് കടുത്ത എതിര്‍പ്പിലാണ് സെയ്ഫ് അലി ഖാനും അമൃതയും. ഇക്കാര്യത്തിന് മകളുടെ മേല്‍ അമൃത സിംഗ് വിലക്കുകള്‍ ഏര്‍പ്പെടുത്തിയിരിക്കുകയാണെന്നാണ് പറയുന്നത്.
സിനിമയിലെത്തിയാല്‍ യുവതാരങ്ങളുടെ പേരില്‍ ഗോസിപ്പുകള്‍ പ്രചരിക്കുന്നത് സര്‍വ്വ സാധാരണമാണ്. അതിനാല്‍ അത്തരം പ്രശ്‌നങ്ങള്‍ മകളുടെ പേരില്‍ ഉണ്ടാവാതിരിക്കാനുള്ള ശ്രമത്തിലാണ് സാറയുടെ മാതാവ്.
അടുത്തിടെ സാറയുടെയും ഒരു യുവാവിന്റെയും പേരില്‍ ഗോസിപ്പുകള്‍ പുറത്ത് വന്നിരുന്നു. ഇരുവരും പ്രണയത്തിലാണെന്ന തരത്തില്‍ വാര്‍ത്തകള്‍ പ്രചരിക്കുകയും ചെയ്തിരുന്നു.
നിലവില്‍ താരപുത്രിയ്ക്ക് വലിയ ആരാധകരുടെ നിരയാണുള്ളത്. അതിനാല്‍ തന്നെ പാര്‍ട്ടികളിലും മറ്റും പങ്കെടുക്കുന്ന പലരുമായി ഒന്നിച്ചിടപഴകുന്നതും പാപ്പരാസികള്‍ക്ക് ഊര്‍ജമായി മാറിയിരിക്കുകയാണ്.
https://www.facebook.com/Malayalivartha
