മാതാപിതാക്കളായ സന്തോഷത്തിലാണ് ഞാനും ഭര്‍ത്താവ് ഡാനിയെല്‍ വെബ്ബറുമെന്ന് ഇന്‍ഡോകനേഡിയന്‍ താരം സണ്ണി ലിയോണ്‍. നിഷ തങ്ങള്‍ക്ക് വിസ്മയമാണ് സമ്മാനിക്കുന്നതെന്നും സണ്ണി ലിയോണ്‍ പറഞ്ഞു.
നിഷ കൗര്‍ വെബ്ബര്‍ എന്നാണ് കുഞ്ഞിന് പേരിട്ടിരിക്കുന്നത്. അവള്‍ ഞങ്ങള്‍ക്ക് വിസ്മയമാണ് സമ്മാനിക്കുന്നത്. ഞാവും ഡാനിയെലും ഒരേ പോലെ അവളുടെ മാതാപിതാക്കളാകുന്നു. ഞങ്ങള്‍ അവളെ കുളിപ്പിക്കുന്നു, അവളുടെ വസ്ത്രങ്ങള്‍ കഴുകുന്നു, അവളുടെ നാപ്പികള്‍ മാറ്റുന്നു, അവള്‍ക്ക് ഭക്ഷണം നല്‍കുന്നു. അവള്‍ എണീക്കുമ്പോള്‍ ഞങ്ങളും എണീക്കുന്നു. കുഞ്ഞ് വന്നതിനെ തുടര്‍ന്നുള്ള ദിനങ്ങളെ കുറിച്ച് സണ്ണി ലിയോണ്‍ പറയുന്നു.
ഞങ്ങള്‍ അവളുടെ മുറിയിലേക്ക് ഗുഡ്‌മോണിംഗ് പറയുന്നതിനു വേണ്ടി ഒരുമിച്ച് പോകുന്നു. ചിലപ്പോള്‍ ഞങ്ങള്‍ മത്സരിക്കുന്നു ആദ്യമെത്തി ഗുഡ്‌മോണിംഗ് പറയുന്നതിനു വേണ്ടി, ഞങ്ങള്‍ വളരെ സന്തോഷത്തിലാണെന്നും സണ്ണി ലിയോണ്‍ പറഞ്ഞു.
ഈയടുത്താണ് കുഞ്ഞിനെ നടി സണ്ണി ലിയോണ്‍ ദത്തെടുത്തത്. സെലിബ്രിറ്റിയായ സണ്ണിലിയോണ്‍ ദത്തെടുത്തത് കൊണ്ട് തന്നെ ഇക്കാര്യം മാധ്യമങ്ങളിലെ വാര്‍ത്തയായിരുന്നു. കുഞ്ഞും സണ്ണി ലിയോണും ഭര്‍ത്താവ് ഡാനിയേല്‍ വെബറും തമ്മില്‍ നില്‍ക്കുന്ന ചിത്രങ്ങളും മാധ്യമങ്ങളില്‍ പ്രസിദ്ധീകരിച്ചു.
എന്നാല്‍ ഇക്കാര്യത്തെ ചൊല്ലി ദത്തെടുക്കല്‍ ഏജന്‍സിയായ കാറയ്ക്ക് പറയാനുള്ളത് സണ്ണി ലിയോണിന്റെ മനുഷ്യത്വത്തെ കുറിച്ചാണ്. തികച്ചും വ്യത്യസ്തമായ അനുഭവമാണ് സണ്ണി ലിയോണ്‍ സമ്മാനിച്ചതെന്ന് കാറ സിഇഓ ലെഫ്: കേണല്‍ ദീപക്ക് കുമാര്‍ പറഞ്ഞു.
നേരത്തെ ദത്തെടുക്കാന്‍ എത്തിയ 11 കുടുംബങ്ങള്‍ നിരസിച്ച കുഞ്ഞിനെയാണ് സണ്ണി ലിയോണ്‍ ദത്തെടുത്തത്. ഇരു നിറക്കാരിയായ കുഞ്ഞിനെ ഒഴിവാക്കി വെളുത്ത നിറമുള്ള കുട്ടിയെ ദത്തെടുക്കാനാണ് ഈ 11 കുടൂംബവും ശ്രമിച്ചത്. എന്നാല്‍ സണ്ണി ലിയോണിനും ഡാനിയേല്‍ വെബ്ബറിനും അതൊരു പ്രശ്‌നമായിരുന്നില്ല. ലെഫ്: കേണല്‍ ദീപക്ക് കുമാര്‍ പറഞ്ഞു. നിറമോ പശ്ചാത്തമോ ആരോഗ്യ സ്ഥിതിയോ ഒന്നും സണ്ണിക്ക് പ്രശ്‌നമായിരുന്നില്ലെന്നും ലെഫ്: കേണല്‍ ദീപക്ക് കുമാര്‍ പറഞ്ഞു.
കാറയുടെ വെബ്ബ്‌സൈറ്റ് വഴിയാണ് സണ്ണി ലിയോണ്‍ അപേക്ഷ നല്‍കിയത്. സണ്ണി ലിയോണ്‍ വിദേശ പൗരത്വമുള്ള ഇന്ത്യക്കാരിയായതിനാല്‍ ദത്തെടുക്കല്‍ പ്രകിയക്ക് കുറച്ച് തടസ്സങ്ങളുണ്ടായിരുന്നു. ആദ്യം ഇന്ത്യക്കാരായവര്‍ക്ക് കുഞ്ഞിനെ നല്‍കിയതനു ശേഷമേ നല്‍കാവൂ എന്ന നിയമമാണ് തടസ്സമായത്.