ബോളിവുഡ് താരങ്ങളെക്കാള്‍ പ്രതിഫലം വാങ്ങുന്ന സീരിയല്‍ സൂപ്പർ താരം!
സിനിമാതാരങ്ങളെക്കാള്‍ കുറഞ്ഞ പ്രതിഫലമാണ് മിക്ക ടെലിവിഷന്‍താരങ്ങള്‍ക്കും കിട്ടുന്നത്. എന്നാല്‍ ഇതാ ബോളിവുഡ് താരങ്ങളെക്കാള്‍ പ്രതിഫലം വാങ്ങുന്ന ഒരു സീരിയല്‍ താരത്തെ പരിചയപ്പെടൂ. ഒരു എപ്പിസോഡിന് ഒരുലക്ഷം രൂപയാണ് ഈ താരത്തിന്റെ പ്രതിഫലം. ഈ പഞ്ചനക്ഷത്ര സീരീയല്‍ താരം ആരാണെന്നല്ലേ. ജെന്നിഫര്‍ വിങ്ങറ്റ് എന്ന താരമാണ് ബോളിവുഡിലെ സൂപ്പര്‍ താരങ്ങളെക്കാള്‍ പ്രതിഫലം വാങ്ങുന്നത്.
പല ചാനലുകളില്‍ നിന്നും തനിയ്ക്ക് ഓഫറുകള്‍ വരുന്നതാണ് പ്രതിഫലം ഉയര്‍ത്താന്‍ താരത്തെ പ്രേരിപ്പിച്ചത്. സരസ്വതി ചന്ദ്ര എന്ന ഹിന്ദി സിരീയലിലൂടെയാണ് താരം പ്രേക്ഷകരുടെ പ്രിയങ്കരിയായത്. ഇപ്പോള്‍ ബെയ്ഹാദ് എന്ന സീരിയലില്‍ നായികയായി അഭിനയിക്കുന്നു. മലയാളി പ്രേക്ഷകർക്കും സുപരിചിതയായ താരം ഇപ്പോൾ സൂര്യാ ടിവിയിൽ സംപ്രേക്ഷണം ചെയ്യുന്ന പ്രേമം (ബെയ്ഹാദ് ) എന്ന സീരിയയിലിലെ കേന്ദ്ര കഥാപാത്രമാണ്.
സീരിയല്‍ താരവും മോഡലുമായ കരണ്‍സിങ് ഗ്രോവറിനെ താരം വിവാഹം കഴിച്ചെങ്കിലും രണ്ട് കൊല്ലം മാത്രമാണ് ആ ദാമ്പത്യം നീണ്ട് നിന്നത്. താരത്തിനിപ്പോള്‍ പ്രണയാഭ്യര്‍ത്ഥനകളുടെ പെരുമഴക്കാലമാണ്. മൊഴിമാറ്റം ചെയ്ത് ഇവരുടെ സീരിയലുകള്‍ മലയാളത്തിലും എത്തിയതോടെ കേരളത്തിലെ സീരിയല്‍ പ്രേമികള്‍ക്കും ഇവര്‍ പ്രിയങ്കരിയായിക്കഴിഞ്ഞിരിക്കുന്നു.
https://www.facebook.com/Malayalivartha
