ബോളിവുഡിലെ ഏറ്റവും ക്യൂട്ട് നായിക ആര് എന്ന ചോദ്യത്ത് ആലിയ ഭട്ട് എന്നല്ലാതെ ഒരുത്തരം ആര്‍ക്കുമുണ്ടാകില്ല. എന്നും കുട്ടിത്തവും കുസൃതിയും നിറഞ്ഞ വ്യക്തിത്വമാണ് ആലിയക്ക് ആരാധകരുടെ എണ്ണം വര്‍ദ്ധിക്കുന്നത്.

എന്നാല്‍, ഒരു ഘട്ടത്തില്‍ താന്‍ ആത്മഹത്യയെക്കുറിച്ച് പോലും ചിന്തിച്ച് പോയിട്ടുണ്ടെന്നാണ് താരത്തിന്റെ വെളിപ്പെടുത്തല്‍. ഒരു മാധ്യമത്തിന് നല്‍കിയ അഭിമുഖത്തിലാണ് ആലിയ ഇക്കാര്യം പറഞ്ഞത്. തന്റെ സ്‌കൂള്‍ അനുഭവത്തെക്കുറിച്ച് ചോദിച്ചപ്പോഴായിരുന്നു സംഭവം ആലിയ പറഞ്ഞത്. ആത്മഹത്യയെപറ്റിപ്പോലും ചിന്തിച്ചു പോയി.

നാലാം ക്ലാസില്‍ പഠിക്കുമ്പോഴായിരുന്നു സംഭവം. അന്നു നടന്ന ഓട്ടമത്സരത്തില്‍ തനിക്ക് തോറ്റു പോയി. അന്ന് തനിക്ക് സങ്കടം അടക്കാനായില്ലെന്നും ആത്മഹത്യയെക്കുറിച്ച് പോലും ചിന്തിച്ചെന്നായിരുന്നു ആലിയയുടെ വെളിപ്പെടുത്തല്‍ നടത്തിയിരിക്കുന്നത്.

എന്നാല്‍ അന്ന് പ്രചോദനമായത് ടീച്ചറിന്റെ സാന്ത്വനമാണെന്ന് വിജയത്തെ ഇത്രകണ്ട് ശ്രേഷ്ഠമെന്ന് കരുതുന്ന നീ വിജയത്തിലെത്താന്‍ പരിശ്രമിക്കുന്നില്ലല്ലോ എന്നായിരുന്നു ടീച്ചര്‍ ആലിയയോട് പറഞ്ഞത്.

തനിക്ക് പ്രണയിക്കാന്‍ സമയം ലഭിക്കുന്നില്ലെന്നും ആലിയ പരിഭവിക്കുന്നു. വിവാഹത്തേക്കുറിച്ചും വ്യക്തമായ കാഴ്ചപ്പാട് ആലിയക്കുണ്ട്. 33 വയസിന് ശേഷമേ ഉണ്ടാകു എന്നാണ് ആലിയ പറയുന്നത്. അത് വരെ തനിക്ക് പിടിച്ച് നില്‍ക്കാനുള്ള പഴുതുകള്‍ ഉണ്ട്. ഇപ്പോള്‍ തന്റെ ശ്രദ്ധ പൂര്‍ണമായും സിനിമയിലാണെന്നും ആലിയ ഭട്ട് വ്യക്തമാക്കുന്നു.