ഗര്ഭിണിയായ ഇഷ ഡിയോൾ വീണ്ടും വിവാഹിതയായി; എന്തിനാണന്നല്ലേ..?
ഇഷ ഡിയോള് വീണ്ടും വിവാഹിയായി, ഗര്ഭകാലത്തെ ഇഷയുടെ വിവാഹം ബിടൗണിലെങ്ങും സംസാര വിഷയം. ഗര്ഭിണിയായിരിക്കുമ്പോഴുളള വിവാഹം ഏറെ ചര്ച്ച ചെയ്യപ്പെടുമെന്ന് തീര്ച്ചയാണ്. അത് ഒരു താരത്തിന്റെ കൂടിയാണെങ്കില് പിന്നെ പറയുകയും വേണ്ട. അത്തരമൊരു വാര്ത്തയാണ് ബോളിവുഡില് നിന്ന് ഇപ്പോള് വരുന്നത്. ഹേമമാലിനിയുടെ മകളും നടിയുമായ ഇഷ ഡിയോളിന്റെ ഗര്ഭകാല വിശേഷമാണ് ഇപ്പോള് ബോളിവുഡിലെ സംസാര വിഷയം. ഏതായാലും ഞെട്ടും മുമ്പ് കാര്യം പറയാം.
ബേബി ഷവറിന്റെ ഭാഗമായാണ് നിറവയറുമായി ഇഷ വീണ്ടും വിവാഹിതയായത്. ഭര്ത്താവ് ഭരത് ടക്താനി തന്നെയാണ് വരന്. സിന്ധി കുടുംബത്തിലെ വധുവായ ഇഷ ഗര്ഭിണിയാകുമ്പോള് അവരുടെ ആചാരപ്രകാരമുളള ഒരു ചടങ്ങാണ് അനുഷ്ഠിച്ചത്. വിവാഹത്തിന്റെ എല്ലാ ചടങ്ങുകളും ഉത്തരേന്ത്യക്കാര് ബേബി ഷവറിന്റെ ഭാഗമായി നടത്താറുണ്ട്. വധുവായ പെണ്കുട്ടിയെ അച്ഛന് മടിയില് നിന്ന് കന്യാദാനം ചെയ്ത് ഭര്ത്താവിന്റെ മടിയിലേക്ക് മാറ്റുന്നതാണ് ചടങ്ങ്. ഗോത്ത് ബാരിയെന്നാണ് ഈ ചടങ്ങിന്റെ പേര്.
ബോളിവുഡ് ഫാഷന് ഡിസൈനറായ നീത ലുല്ലയാണ് ഇഷക്ക് ഈ ചടങ്ങിലേക്ക് വസ്ത്രം ഡിസൈന് ചെയ്തത്. ചുവപ്പും റോസും ഇടകലര്ന്ന ഒന്നിലധികം ലെയറുകളുളള അനാര്ക്കലിയാണ് ഇഷ അണിഞ്ഞിരുന്നത്. 2012ലായിരുന്നു ബിസിനസുകാരനായ ഭരത് ടക്താനിയെ ഇഷ വിവാഹം കഴിച്ചത്.
https://www.facebook.com/Malayalivartha