മകന് ഒരു പണി കൊടുക്കണമെങ്കിൽ അമിതാഭ് ബച്ചൻ അഭിഷേകിന് കൊടുത്ത പോലെ കൊടുക്കണം എന്നാണ് ഇപ്പോൾ ബോളിവുഡിലെ വർത്തമാനം. അഭിഷേകിന്റെ ഭാര്യയും നടിയുമായ ഐശ്വര്യ റായിയും മുൻ കാമുകൻ സൽമാൻ ഖാനും ഒരുമിച്ച് ഒരു ചിത്രത്തിലെത്താനുള്ള നീക്കങ്ങൾ നടത്തുകയാണ് അമിതാഭ് ബച്ചൻ. റേസ് 3 എന്ന ചിത്രത്തിലാണ് മുൻകാല പ്രണയ ജോടികൾ ഒരുമിച്ചെത്തുക. ചിത്രത്തിൽ ബിഗ് ബിയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.

സഞ്ജയ് ലീല ബൻസാലി പോലും വിചാരിച്ചിട്ട് നടക്കാത്ത കാര്യമാണ് ബിഗ് ബി അനായാസേന സാധിച്ചെടുത്തിരിക്കുന്നത്. ബൻസാലിയുടെ പദ്മാവതിയിൽ അഭിനയിക്കാൻ ആഷിനെയും സല്ലുവിനെയും ക്ഷണിച്ചെങ്കിലും സല്ലു വില്ലനായാൽ മതിയെന്ന ആഷിന്റെ നിലപാടിനെ തുടർന്ന് പദ്ധതി ഉപേക്ഷിച്ചിരുന്നു. ചിത്രം നിർമ്മിക്കുന്നതും അമിതാഭ് ബച്ചൻ തന്നെയാണ്. ഇതു സംബന്ധിച്ച് അണിയറ പ്രവർത്തകരുമായി ചർച്ച നടന്നു കഴിഞ്ഞു. 2008ൽ പുറത്തിറങ്ങിയ ഗോഡ് തുസി ഗ്രേറ്റ് ഹോ എന്ന ചിത്രത്തിലാണ് ബിഗ് ബിയും സല്ലുവും അവസാനമായി ഒന്നിച്ചഭിനയിച്ചത്. അമിതാഭ് ബച്ചന്റെ നിർബന്ധത്തെ തുടർന്ന് ആഷ് അഭിനയിക്കാൻ പാതി സമ്മതം മൂളിയിട്ടുണ്ട്. ഇനി പന്ത് അഭിഷേകിന്റെ കോർട്ടിലാണ്. അച്ഛൻ കൊണ്ടു വന്ന അവസരത്തോട് നോ പറയാനും സമ്മതം മൂളാനും കഴിയാത്ത അവസ്ഥയിലാണത്രേ അഭിഷേക് ബച്ചൻ.

അബ്ബാസ് മസ്താൻ സംവിധാനം ചെയ്യുന്ന ചിത്രത്തിൽ സെയ്ഫ് അലി ഖാനും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. 2008ൽ റിലീസായ റേസിന്റെ തുടർ ഭാഗമാണിത്. ആദ്യ ഭാഗത്ത് അനിൽ കപൂറും രണ്ടാം ഭാഗത്ത് സെയ്ഫ് അലി ഖാനുമായിരുന്നു നായകന്മാർ. ഷാരൂഖ് ഖാനായി മാറ്റി വച്ച കഥാപാത്രമാണ് ഇപ്പോൾ സൽമാൻ ഖാനെ തേടിയെത്തിയിരിക്കുന്നത്.