വിവാഹബന്ധം വേര്പെടുത്തിയതിന് പിന്നാലെ കരിഷ്മയ്ക്ക് പുതിയ കാമുകന്
ബോളിവുഡ് നടിയും മോഡലുമായ കരിഷ്മാ കപൂറിന് പുതിയ കാമുകന്. ആദ്യ ഭര്ത്താവ് സഞ്ജയ് കപൂറില് നിന്ന് അടുത്തിടെയാണ് താരം വിവാഹബന്ധം വേര്പെടുത്തിയത്. അതിന് ശേഷമാണ് മുംബയ് ബിസിനസുകാരനായ സന്ദീപ് തോഷ് നിവാളുമായി അടുത്തത്. അടുത്തിടെ വിദ്യാബാലന്റെ ഭര്ത്താവും നിര്മാതാവുമായ സിദ്ധാര്ത്ഥ് റോയി കപൂര് ഒരുക്കിയ പാര്ട്ടിയില് പങ്കെടുക്കാന് ഇരുവരും ഒരുമിച്ചാണ് എത്തിയത്.
ഈ ബന്ധം എത്രനാള് നീണ്ട് നില്ക്കുമെന്ന ആശങ്ക അനുജത്തി കരീനാ കപൂറിനും കുടുംബാംഗങ്ങള്ക്കും ഉണ്ട്. പണ്ട് അഭിഷേക് ബച്ചനുമായി പ്രണയത്തിലായിരുന്നു കരിഷ്മ. ആ സമയത്താണ് ബച്ചന്റെ കുടുംബം വലിയ കടബാധ്യതയില് പെട്ടത്. അതോടെ കരിഷ്മ വലിഞ്ഞു.
മാത്രമല്ല അന്ന് അഭിഷേക് ബച്ചന് വലിയ നടനൊന്നും ആയിരുന്നില്ല. അഭിഷേകുമായുള്ള വിവാഹത്തിന്റെ വക്കില്വരെ എത്തിയിട്ടായിരുന്നു താരം പിന്മാറിയത്. പക്ഷെ, അഭിഷേകിന് വേണ്ടി പിതാവ് ഐശ്വര്യാറായിയെ കണ്ടെത്തി. അതിനും മുമ്പ് കരിഷ്മ ബിസിനസുകാരനായ സഞ്ജയ് കപൂറിനെ വിവാഹം കഴിച്ചു. ആ ബന്ധത്തില് ഒരു കുട്ടിയുണ്ട്. കുട്ടി ജനിച്ച ശേഷമാണ് വിവാഹ ജീവിതത്തില് വിള്ളല് ഉണ്ടായത്. 2014-ല് കരിഷ്മ ഭര്ത്താവിനെതിരെ സ്ത്രീപീഡനക്കേസ് ഫയല് ചെയ്തു. രണ്ട് വര്ഷത്തെ കോടതി നടപടികള്ക്ക് ശേഷം ആറ് മാസം മുമ്പാണ് ഇരുവരും നിയമപമായി വേര്പിരിഞ്ഞത്.
എന്നാല് അതിനും മുമ്പ് രണ്ട് പേരും അകന്ന് കഴിയുകയായിരുന്നു. ഈ കാലത്താണ് കരിഷ്മ സന്ദീപിനെ പരിചയപ്പെട്ടത്. ആ ബന്ധം പിന്നീട് പ്രണയത്തിന് വഴിമാറുകയായിരുന്നു. ആദ്യ ഭര്ത്താവ് വിവാഹിതനായതോടെ പുതിയ കാമുകനുമായുള്ള കറക്കം കരിഷ്മ പതിവാക്കി. അനുജത്തി കരീനയുടെ ഭര്ത്താവും നടനുമായ സെയ്ഫ് അലീഖാന്റെ ബര്ത്ത് ഡേ പാര്ട്ടിക്ക് കഴിഞ്ഞ മാസം 17-ന് കാമുകനുമൊത്ത് കരിഷ്മ എത്തിയത് ഏവരെയും ഞെട്ടിച്ചിരുന്നു.
https://www.facebook.com/Malayalivartha