പിറന്നാള്‍ പാര്‍ട്ടി ഒഴിവാക്കി കരീനയുടെ ജന്മദിനം; കാരണം ഇതാണ്..
എല്ലാ വർഷത്തേതിൽനിന്നും വ്യത്യസ്തമായി വലിയ പാർട്ടിയും ആഡംബരങ്ങളുമില്ലാതെയാണ് ബോളിവുഡ് താര സുന്ദരി കരീന കപൂറിന്റെ ഇത്തവണത്തെ ജന്മദിനാഘോഷം. കുടുംബാംഗങ്ങളും അടുത്ത സുഹൃത്തുക്കളും മാത്രമാണ് ഇത്തവണത്തെ പിറന്നാൾ ആഘോഷത്തിന് ക്ഷണിക്കപ്പെട്ടിരിക്കുന്നത്.
പിറന്നാള്‍ അഘോഷങ്ങള്‍ ലളിതമാക്കാന്‍ കാരണം കപൂര്‍ കുടുംബത്തിന്‍റെ ഉടമസ്ഥതയിലുള്ള ചലച്ചിത്ര നിര്‍മ്മാണ കമ്പനിയായ ആര്‍.കെ സ്റ്റുഡിയോ അഗ്നിബാധയില്‍ നശിച്ചതാണ്. കരീനയുടെ സഹോദരിയും നടിയുമായ കരീഷ്മ കപൂറാണ് അഘോഷത്തിന് നേതൃത്വം നൽകിയത്.
സ്റ്റുഡിയോ കത്തിനശിച്ചതില്‍ കപൂര്‍ കുടുംബമാകെ ദുഖത്തിലാണെന്ന് സെയ്ഫ് അലി ഖാന്‍ വെളിപ്പെടുത്തി. സെപ്റ്റംബര്‍ 16നാണ് കപൂര്‍ കുടുംബത്തിന്‍റെ ചലച്ചിത്ര പാരമ്പത്യത്തിന്‍റെ മുഖമായ ആര്‍കെ ഫിലിംസ് ആന്‍ഡ് സ്റ്റുഡിയോയ്‌ക്ക് തീ പിടിച്ചത്.
ബോളിവുഡ് ഇതിഹാസം രാജ് കുമാര്‍ 1948ലാണ് സ്റ്റുഡിയോ സ്ഥാപിച്ചത്. ഒട്ടേറെ ബോളിവുഡ് ഹിറ്റുകള്‍ സാമ്മാനിച്ച ആര്‍കെ സ്റ്റുഡിയോ പുനര്‍ നിര്‍മ്മിക്കാനുള്ള ശ്രമത്തിലാണ് രാജ് കുമാറിന്‍റെ മകനും നടനുമായ ഋഷി കപൂര്‍.
https://www.facebook.com/Malayalivartha
