ആ വില്ലയുടെ വാടക കേട്ടാല് ഞെട്ടും... കോലിയും അനുഷ്ക്കയും വിവാഹിതരായ വില്ലയുടെ ഒരു ദിവസത്തെ വാടക എത്രയാണെന്നോ...
കോലിയും അനുഷ്ക്കയും വിവാഹിതരായ വില്ലയുടെ ഒരു ദിവസത്തെ വാടക 13.54 ലക്ഷം രൂപയെന്ന് റിപ്പോര്ട്ടുകള്. ഒരാഴ്ചക്കായി വില്ല വാടക മാത്രം 94 ലക്ഷം രൂപ ചിലവായെന്ന് ചില മാധ്യമങ്ങള് റിപ്പോര്ട്ട് ചെയ്യുന്നു.
800 വര്ഷം പഴക്കമുള്ള ഇറ്റലിയിലെ ഗ്രാമത്തെ പുതിയ രീതിയില് മാറ്റിയാണ് വില്ലയാക്കി മാറ്റിയത്. ബോര്ഗോ ഫിനോന്ഷിറ്റോ ലോകത്തെ രണ്ടാമത്തെ ഏറ്റവും വിലയേറിയ ആഡംബര റിസോര്ട്ടാണ്. ഒരു പഴയ ഗ്രാമത്തെ മാറ്റിയെടുത്താണ് റിസോര്ട്ട് നിര്മ്മിച്ചിരിക്കുന്നത്. 22 മുറികളുള്ള റിസോര്ട്ടില് 44 പേര്ക്ക് താമസിക്കാവുന്നതാണ്.
70 പേര്ക്ക് ഇരിക്കാവുന്ന ഡൈനിംഗ് ഹാളും ഇവിടെ ഉണ്ട്. 60 അടി ആഴത്തിലുള്ള ഓവല് ഷേപ്പ് സ്വിമ്മിംഗ് പൂള്, പൂര്ണ്ണമായി സജ്ജീകരിച്ച ജിം, സ്പാ, ടെന്നീസ്, ബാസ്ക്കറ്റ്ബോള് കോര്ട്ട്, ബോഷേസ് കോടതി, പിയാനോ, ലൈബ്രറി, വൈന് ബാര്, കുതിരസവാരി എന്നിവ ഇവിടെ താമസിക്കുന്നവര്ക്കായി ഒരുക്കിയിട്ടുണ്ട്.
ചൈനീസ് കോണ്ടിനെണ്ടല് രുചി പകരുന്ന വിഭവങ്ങളൊരുക്കാന് വിദഗ്ദ്ധരായ പാചകക്കാരും ഇവിടെയുണ്ട്. 2013 2017 കാലഘട്ടത്തില് ഇറ്റലിയിലെ അമേരിക്കന് അംബാസഡറായിരുന്ന ജോണ് ഫിലിപ്സ് 2001 ലാണ് ഇത് വാങ്ങിയത്. തുടര്ന്ന് എട്ട് വര്ഷത്തെ പരിശ്രമങ്ങള്ക്കൊടുവിലാണ് ഇന്നത്തെ നിലയിലേക്ക് മാറ്റിയെടുത്തത്.
ബോണ്കണ്വെന്റോ നഗരത്തിന്റെ പടിഞ്ഞാറ് ഭാഗത്തേക്ക് നാല് കിലോമീറ്ററും, വൈന് തലസ്ഥാനമായ മൊണ്ടല്സിനോയുടെ വടക്ക് ഭാഗത്ത് കൂടെ അല്പ ദൂരവും, സിയന്നയില് നിന്ന് 30 മിനിട്ടും, ഫ്ലോറന്സില് നിന്ന് ഒരു മണിക്കൂറും,റോമില് നിന്ന് രണ്ടര മണിക്കൂറും യാത്ര ചെയ്താല് റിസോര്ട്ടില് എത്തും.
2014 ലെ ഒരു ഷൂട്ടിനിടയിലാണ് കോലിയും അനുഷ്കയും പരിചയപ്പെടുന്നത്. സൗഹൃദത്തിലായിരുന്ന ഇരുവരും പിന്നീട് പോസ്റ്റുകള് ഫോട്ടോകളും കൈമാറി പ്രണയത്തിലാകുകയായിരുന്നു.
https://www.facebook.com/Malayalivartha