തന്റെ ഭര്‍ത്താവിനെ എങ്ങനെ സന്തോഷിപ്പിക്കാമെന്ന് ജനീലിയക്ക് നന്നായി അറിയാം. നാല്പത് വയസ് തികഞ്ഞു എന്ന യാതൊരു ആശങ്കയുമില്ലാതെ വളരെ സന്തോഷത്തോടെയാണ് റിതേഷ് ദേശ്മുഖ് തന്റെ ജന്മദിനമാഘോഷിച്ചത്. അരകോടിയുടെ ടെസ്ല കാറാണ് ജന്മദിന സമ്മാനമായി ജെനീലിയ ഭര്‍ത്താവിന് സമ്മാനിച്ചത്. ഇലക്ട്രിക് കാര്‍ രംഗത്തെ അതികായരായ ടെസ്ലയുടെ പ്രകൃതി സൗഹൃദ വാഹനമാണ് ജെനീലിയ റിതേഷിന് പിറന്നാള്‍ സമ്മാനമായി നല്‍കിയത്.

ഭാര്യയ്ക്കും ടെസ്ല കാറിനുമൊപ്പമുള്ള ചിത്രം ട്വിറ്ററില്‍ പങ്കുവച്ചാണ് താരം ഇക്കാര്യം ആരാധകരിലെത്തിച്ചത്. ''40 കാരനെ 20 കാരനായി തോന്നിപ്പിക്കുന്ന തരത്തിലാണ് ജെനീലിയയുടെ സമ്മാനം'' എന്നാണ് റിതേഷ് ട്വിറ്ററില്‍ കുറിച്ചത്.

'തുജെ മേരി കസം' എന്ന ചിത്രത്തിലൂടെയാണ് ഇരുവരും പരിചയപ്പെടുന്നതും പ്രണയത്തിലാകുന്നതും. ദീര്‍ഘ നാളത്തെ പ്രണയത്തിനൊടുവിലായിരുന്നു വിവാഹം. കേന്ദ്ര മന്ത്രിയും മുന്‍ മഹാരാഷ്ട്ര മുഖ്യമന്ത്രിയുമായ വിലാസ് റാവു ദേശ്മുഖിന്റെ മകനാണ് റിതേഷ്.

എയര്‍ സസ്‌പെന്ഷന്‍, ക്യാമറയുടെ സഹായത്തോടെ പ്രവര്‍ത്തിക്കുന്ന ആക്ടീവ് സേഫ്റ്റി സിസ്റ്റം, റഡാര്‍, അടിയന്തര സാഹചര്യങ്ങളില്‍; ബ്രേക്ക് താനെ പ്രവര്‍ത്തിക്കുന്ന സംവിധാനം എന്നിവയാണ് ടെസ്ല എക്‌സ് എസ് യുവിയുടെ പ്രധാന സവിശേഷതകള്‍. ഈ വാഹനത്തിന് 4.8 സെക്കന്ഡുകള്‍ കൊണ്ട് മണിക്കൂറില്‍ 100 കിലോമീറ്റര്‍ വേഗമാര്‍ജിക്കാന്‍ കഴിയും