ഐശ്വര്യയും അഭിഷേകിന്റെ സഹോദരി ശ്വേതയും തമ്മിലുള്ള സ്വരച്ചേർച്ചയില്ലായ്മയിൽ വലഞ്ഞ് ബിഗ് ബി
ഐശ്വര്യയും അഭിഷേകിന്റെ സഹോദരി ശ്വേതയും തമ്മിലുള്ള സ്വരച്ചേർച്ചയില്ലായ്മ ബോളിവുഡിൽ പാട്ടാണ്. ഇപ്പോൾ വിരിഷ്ക ദമ്പതികളുടെ വിവാഹ വിരുന്നിലും ഇരുവരും പാപ്പരാസികളുടെ ഇഷ്ട വിഷയമായിരുന്നു.
ഭർത്താവ് അഭിഷേക് ബച്ചനൊപ്പമാണ് ഐശ്വര്യ എത്തിയത്. അച്ഛൻ അമിതാഭ് ബച്ചനൊപ്പമാണ് ശ്വേത വന്നത്. അഭിഷേക്-ഐശ്വര്യ ദമ്പതികളാണ് വിരുന്നി ൽ പങ്കെടുക്കാൻ ആദ്യം എത്തിയത്. ഇരുവരും ക്യാമറകൾക്ക് മുന്നിൽ പോസ് ചെയ്യുകയും ചെയ്തു. ഇതിനുപിന്നാലെ ബച്ചൻ മകൾ ശ്വേതയ്ക്ക് ഒപ്പം എത്തി. അഭിഷേകും ഐശ്വര്യയും ഒരു വശത്ത് ക്യാമറകൾക്ക് പോസ് ചെയ്യുമ്പോൾ മറുവശത്ത് ബച്ചൻ മകൾക്കൊപ്പം ക്യാമറകൾക്ക് പോസ് ചെയ്തു. ഉടൻ തന്നെ ക്യാമറാന്മാർ അഭിഷേകിനോട് ബച്ചനും മകൾക്കും ഒപ്പം ക്യാമറയ്ക്ക് പോസ് ചെയ്യാൻ ആവശ്യപ്പെട്ടു.
അഭിഷേക് ഭാര്യ ഐശ്വര്യയെയും കൂട്ടി ബച്ചന്റെയും സഹോദരിയുടെയും അടുത്തേക്ക് പോയി. ഒരുമിച്ചുനിന്ന് ഫോട്ടോയെടുക്കാൻ അഭിഷേകും ഐശ്വര്യയും ബച്ചനെ വിളിക്കുകയും ചെയ്തു. ബച്ചൻ ഐശ്വര്യയ്ക്ക് അടുത്ത് മകൾ ശ്വേതയെ നിർത്തി. അഭിഷേകും ഐശ്വര്യയും പുഞ്ചിരിച്ചു കൊണ്ട് ക്യാമറകൾക്ക് മുന്നിൽ നിന്നപ്പോൾ ശ്വേതയുടെ മുഖത്ത് ഐശ്വര്യയ്ക്ക് ഒപ്പം നിൽക്കേണ്ടി വന്നതിന്റെ ചെറിയ അങ്കലാപ്പ് കാണാമായിരുന്നു.
വീഡിയോ കാണൂ
https://www.facebook.com/Malayalivartha