താനും ഇരയായിട്ടുണ്ടെന്ന് വിദ്യാബാലന്‍, വിവാഹം മണ്ടത്തരമല്ല, ഇഷ്ടമുള്ള ആളെ സ്ത്രീകള്‍ കണ്ടെത്തണം, വിവാഹത്തിന് മുമ്പ് ജോലി നേടണം
നായക നടന്‍മാര്‍ക്കൊപ്പം ഡേറ്റ് ചെയ്താല്‍ പുതുമുഖനടിമാര്‍ക്ക് അടക്കം നിരവധി അവസരങ്ങള്‍ ലഭിക്കുമെന്ന് നടി വിദ്യാബാലന്‍. ഒരുപാട് സിനിമകള്‍, താമസിക്കാന്‍ ഫൈവ്സ്റ്റാര്‍ താമസസൗകര്യങ്ങള്‍ അങ്ങനെ പലതും. ഞാനും ഇതിന് ഇരയാകേണ്ടി വന്നിട്ടുണ്ടെന്നും താരം പറഞ്ഞു. ഇന്‍ഡസ്ട്രി ഇന്ന് സെക്‌സിയസ്റ്റായി മാറിയിരിക്കുന്നു. കരിയറിന്റെ തുടക്കത്തില്‍ പല അപമര്യാദകളും നേരിടേണ്ടിവന്നിട്ടുണ്ട്. സിനിമാ മേഖല മൊത്തത്തില്‍ മോശമല്ല. എന്നാല്‍ പുഴുത്തുത്തുകള്‍ ഉണ്ട്. താന്‍ പുരുഷവിരോധിയല്ലെന്നും പുരുഷന് ഇഷ്ടമുള്ള രീതിയില്‍ ജീവിക്കാനുള്ള അവകാശങ്ങള്‍ സ്ത്രീക്കുമുണ്ടെന്ന് വിശ്വസിക്കാനാണ് ഇഷ്ടം. 40 വര്‍ഷമെങ്കിലും അഭിനയിക്കണമെന്നാണ് ആഗ്രഹം. അതിലൂടെ ആനന്ദം കണ്ടെത്താനാണ് ഇഷ്ടം.
ഒരു നടിമാര്‍ക്കും ഉപദേശങ്ങള്‍ നല്‍കാറില്ലെന്ന് താരം പറഞ്ഞു. പ്രത്യേകിച്ച് വിവാഹം ഉള്‍പ്പെടെയുള്ള കാര്യങ്ങളില്‍. ഓരോരുത്തര്‍ക്കും സമയം ചെലവഴിക്കാന്‍ താല്‍പര്യമുള്ള വ്യക്തിയെ നിങ്ങള്‍ തന്നെ കണ്ടെത്തുക. ഒരാളെ കണ്ടെത്തിയില്ലെങ്കില്‍ ജീവിതം അവസാനിച്ചെന്ന് കരുതരുത്. പെണ്‍കുട്ടികള്‍ ജോലി നേടിയ ശേഷം വിവാഹം കഴിക്കുന്നതാണ് നല്ലത്. ജോലി നിങ്ങള്‍ക്ക് അനുഗ്രഹമാണ്. സ്വന്തം ഇഷ്ടടത്തിന് അനുസരിച്ച് വേണം നമ്മള്‍ ജീവിക്കാന്‍. കല്യാണം കഴിഞ്ഞ ശേഷം നടിമാര്‍ക്ക് പഴയ പോലെ അഭിനയിക്കാന്‍ കഴിയില്ലെന്ന് പൊതുവെ ഒരു ധാരണയുണ്ട്. പ്രത്യേകിച്ച് നടന്‍മാര്‍ക്കൊപ്പം ഇഴുകിച്ചേര്‍ന്ന് അഭിനയിക്കാന്‍. ഒരു പരിധി വരെ അത് ശരിയാണ്. എന്റെ ഭര്‍ത്താവ് സിദ്ധാര്‍ത്ഥ് മറിച്ചാണ് പറയുന്നത്. നീ വിവാഹം കഴിച്ചോ, ഇല്ലയോ എന്നതല്ല മറിച്ച് സിനിമ എങ്ങനെ മാറുന്നു എന്നതാണ് ശ്രദ്ധിക്കേണ്ടത്. വിവാഹം മണ്ടത്തരമല്ലെന്ന് അന്നാണ് തിരിച്ചറിഞ്ഞതെന്നും വിദ്യാബാലന്‍ ഓര്‍മിച്ചു.
https://www.facebook.com/Malayalivartha
