40 ലക്ഷത്തിന്റെ വാച്ചിനും 27 ലക്ഷത്തിന്റെ കാറിനും നികുതിയടക്കണമെന്ന് ബാളിവുഡ് നടി പ്രിയങ്ക ചോപ്രയോട് ഇന്‍കം ടാക്സ് നിര്‍ദേശം. എന്നാല്‍ തന്റെ കയ്യിലുള്ള ആഡംബര വസ്തുക്കള്‍ സമ്മാനം കിട്ടിയതാണെന്ന് പ്രിയങ്ക ചോപ്ര വിശദീകരിച്ചു. ലക്ഷങ്ങള്‍ വിലമതിക്കുന്ന ആഡംബര വാച്ചും കാറും സ്മ്മാനമായി ലഭിച്ചതാണ്. ടാഗിന്റെ ബ്രാന്‍ഡ് അംബാസിഡറായപ്പോള്‍ എല്‍വിഎംഎച്ച്‌ ടാഗ് വാച്ചും ടൊയോട്ട പ്രയസ് കാറും തനിക്ക് സമ്മാനമായി ലഭിച്ചതെന്നായിരുന്നു താരം അറിയിച്ചത്.

എന്നാല്‍ വാദം തള്ളിയ ഇന്‍കം ടാക്സ് അപ്പലെറ്റ് ട്രിബ്രൂണല്‍ വാച്ചിനും കാറിനും നികുതിയടയ്ക്കാന്‍ പ്രിയങ്കയോട് ആവശ്യപ്പെട്ടു. പ്രിയങ്കയുടെ കൈയ്യിലുള്ള വാച്ചും കാറും നികുതി അടക്കാന്‍ വിലമതിക്കുന്നതാണെന്ന് വ്യക്തമാക്കിയ ഉദ്യോഗസ്ഥര്‍, ആദായ നികുതി ആക്‌ട് 27ാം വകുപ്പ് പ്രകാരം ജോലിയുടെ ഭാഗമായോ ബിസിനസ്സില്‍ നിന്നോ ലഭിക്കുന്ന വസ്തുവകകള്‍ നികുതിയുടെ പരിധിയില്‍ വരുമെന്നും ചൂണ്ടിക്കാട്ടി.