ഝാന്സി റാണിയെ മോശമായി ചിത്രീകരിക്കുന്നുവെന്നാരോപണം ; കങ്കണയുടെ സിനിമക്കെതിരെ ബ്രാഹ്മണ സംഘടന
സഞ്ജയ് ലീല ബന്സാലി ചിത്രം പത്മാവതിന് പിന്നാലെ കങ്കണ റണാവത്ത് റാണി ലക്ഷ്മിഭായിയായെത്തുന്ന 'മണികര്ണ്ണിക'യ്ക്ക് നേരെയും പ്രതിഷേധം. റാണി ലക്ഷ്മിഭായിയെ മോശമായി ചിത്രീകരിക്കുന്നുവെന്ന ആരോപണവുമായി രാജസ്ഥാനില് സര്വ്വ ബ്രാഹ്മിണ് മഹാസഭയാണ് പ്രതിഷേധവുമായി മുന്നോട്ട് വന്നിരിക്കുന്നത്.
റാണി ലക്ഷ്മി ഭായിയെ കുറിച്ചുള്ള ജീവചരിത്രം വളച്ചൊടിക്കുന്ന ചിത്രത്തിന്െറ ഷൂട്ടിങ് തടയണമെന്ന് ബ്രാഹ്മിണ് സഭ പ്രസിഡന്റ് സുരേഷ് മിശ്ര രാജസ്ഥാന് സര്ക്കാരിനോട് ആവശ്യപ്പെട്ടു. രാജസ്ഥാന് ഗവര്ണര് കല്യാണ് സിങ്, രാജസ്ഥാന് മന്ത്രി ഗുലാബ് ചന്ദ് കത്താരി എന്നിവരുമായി ചര്ച്ച നടത്തുമെന്നും അദ്ദേഹം പറഞ്ഞു. റാണി ലക്ഷ്മി ഭായ് ഈസ്റ്റ് ഇന്ത്യാ കമ്ബനിയുടെ ഒരു ബ്രിട്ടീഷ് ഏജന്റുമായി പ്രേമിക്കുന്ന ഗാനം ചിത്രത്തിലുണ്ടെന്നാണ് അറിയാന് കഴിഞ്ഞത്. ഇത് സംബന്ധിച്ച് നിര്മ്മാതാവിന് കത്തെഴുതിയെന്നും എന്നാല് മറുപടി ലഭിച്ചില്ലെന്നും ഇയാള് വ്യക്തമാക്കി.
1857 ല് ബ്രിട്ടീഷ് ഈസ്റ്റ് ഇന്ത്യ കമ്ബനിയും റാണി ലക്ഷ്മിഭായിയും തമ്മിലുള്ള യുദ്ധവും മറ്റ് സംഭവങ്ങളും അടിസ്ഥാനമാക്കി ക്രിഷ് സംവിധാനം ചെയ്യുന്ന ചിത്രമാണ് മണികര്ണ്ണിക. ബാഹുബലിയുടെ തിരക്കഥാകൃത്ത് കെവി വിജയേന്ദ്ര പ്രസാദാണ് ചിത്രത്തിനായി തിരക്കഥയൊരുക്കുന്നത്.
https://www.facebook.com/Malayalivartha