'മലക്കംമറിഞ്ഞ് രാംഗോപാല്‍ വര്‍മ'! ; ഗോഡ് സെക്‌സ് ആന്‍ഡ് ട്രൂത്ത് സംവിധാനം ചെയ്യുന്നത് താനല്ലെന്ന് രാംഗോപാല്‍ വര്‍മയുടെ വെളിപ്പെടുത്തൽ
ചിത്രീകരണത്തിനിടെ തന്നെ വന്‍ വിവാദമായൊരു ചിത്രമാണ് ജി.എസ്.ടി എന്ന ചുരുക്കപ്പേരില്‍ ഇറങ്ങിയ ഗോഡ് സെക്‌സ് ആന്‍ഡ് ട്രൂത്ത് എന്ന ചിത്രം. ചിത്രം ഇന്റര്‍നെറ്റില്‍ എത്തിയതോടെ വീണ്ടും വന്‍ വിവാദങ്ങളാണ് ഉടലെടുത്തത്. എന്നാലിപ്പോള്‍ ഈ ചിത്രം സംവിധാനം ചെയ്യുന്നത് താനല്ലെന്ന് തുറന്നു പറഞ്ഞിരിക്കുകയാണ് രാംഗോപാല്‍ വര്‍മ.
സിനിമയില്‍ അശ്ലീല ദൃശ്യങ്ങളുണ്ടെന്ന് കാട്ടി ഏതാനും വനിതാ സംഘടനാ പ്രവര്‍ത്തകര്‍ നല്‍കിയ പരാതിയില്‍ ഹൈദരാബാദ് പോലീസിന്റെ സെന്‍ട്രല്‍ ക്രൈം സ്‌റ്റേഷനിലെ ഉദ്യോഗസ്ഥര്‍ നടത്തിയ ചോദ്യം ചെയ്യലിലാണ് വര്‍മ ഇക്കാര്യം വ്യക്തമാക്കിയത്.
കേസിന് ആസ്പദമായി പരാതിക്കാര്‍ ഹാജരാക്കിയ ചിത്രങ്ങള്‍ മറ്റൊരു ചിത്രത്തിന്റെ ഷൂട്ടിങ്ങിന്റെ സമയത്ത് എടുത്തതാണെന്നും സിനിമ പോളണ്ടിലും യുകെയിലുമാണ് ചിത്രീകരിച്ചതെന്നും രാംഗോപാല്‍ വര്‍മ പറഞ്ഞു. ചോദ്യം ചെയ്യലിന് ശേഷം രാംഗോപാല്‍ വര്‍മയുടെ ലാപ്‌ടോപ് വിശദമായ പരിശോധനയ്ക്കായി പോലീസ് പിടിച്ചെടുത്തു. അടുത്തയാഴ്ച വീണ്ടും ഹാജരാകാന്‍ ആവശ്യപ്പെടുകയും ചെയ്തു.
https://www.facebook.com/Malayalivartha
