സ്ത്രീ ആവിഷ്ക്കാരങ്ങള്‍ ആഘോഷിക്കപ്പെടുകയാണെന്ന ധാരണയില്‍ ആണ്‍നോട്ടങ്ങള്‍ക്ക് വിധേയമാകുകയും സ്വയം വസ്തുവല്‍ക്കരിക്കുകയുമാണ് ചെയ്യുന്നതെന്ന് ശബാന അസ്മി
ഇക്കിളിപ്പെടുത്താന്‍ വേണ്ടി മാത്രമാണ് സിനിമയിൽ ഐറ്റം സോങ്ങ്സ് ഉൾപ്പെടുത്തുന്നതെന്ന വിമര്‍ശനവുമായി ശബാന അസ്മി. ആണ്‍ നോട്ടങ്ങളിലേക്ക് ചുരുങ്ങുന്നതിന്‍റെ മറ്റൊരു ഉദാഹരണമാണ് ഐറ്റം സോങ്ങ്സെന്ന് നടി പറയുന്നു. ഫിക്കി ഫ്രെയിംസ് 2018 ല്‍ നടന്ന സെഷനില്‍ സംസാരിക്കുകയായിരുന്നു ശബാന അസ്മി. 'എഗെയ്ന്‍സ്റ്റ് ഓള്‍ ഓഡ്സ്; വിമന്‍ ലീഡേഴ്സ് റിവിസിറ്റ് ദേര്‍ ജേര്‍ണി' എന്ന വിഷയത്തിലായിരുന്നു സംസാരിച്ചത്.
കഥയുടെ ഭാഗമല്ല ഐറ്റം സോങ്ങ്സെന്നും ഇക്കിളിപ്പെടുത്താന്‍ വേണ്ടി മാത്രമാണ് ഐറ്റം സോങ്ങ്സിനെ സിനിമയില്‍ ഉള്‍പ്പെടുത്തുന്നതെന്നും ശബാന അസ്മി പറഞ്ഞു. സ്ത്രീ ആവിഷ്ക്കാരങ്ങള്‍ ആഘോഷിക്കപ്പെടുകയാണെന്ന ധാരണയില്‍ ആണ്‍നോട്ടങ്ങള്‍ക്ക് വിധേയമാകുകയും സ്വയം വസ്തുവല്‍ക്കരിക്കുകയുമാണ് ഐറ്റം സോങ്ങ്സിലൂടെയെന്നും ശബാന പറഞ്ഞു.
ഐറ്റം സോങ്ങുകളെ ഇതാദ്യമായല്ല ശബാന വിമര്‍ശിക്കുന്നത്. രണ്ടുവര്‍ഷങ്ങള്‍ക്ക് മുമ്പ് നടന്ന ഒരു പാനല്‍ ഡിസ്കഷനില്‍ ദബാംഗ് 2 വിലെ കരീനയുടെ ഐറ്റം സോങ്ങായ 'ഫേവിക്കോള് സേ' എന്ന നൃത്തത്തെ ശബാന വിമര്‍ശിച്ചിരുന്നു.
https://www.facebook.com/Malayalivartha
