പ്രണയത്തിനും റൊമാൻസിനും പുതിയ മുഖവുമായി ആമസോണ് പ്രൈം വീഡിയോ ; അപരിചിതനൊപ്പം ഡേറ്റിങ്ങിനു അവസരമൊരുക്കുന്ന പരിപാടിയുടെ അവതാരകയായി എത്തുന്നത് നടി ശില്പ ഷെട്ടി
കാലം മാറുന്നതിനനുസരിച്ച് പുതിയ പരിപാടികളുമായി എത്തുന്ന ചാനലുകളോട് ഒപ്പത്തിനൊപ്പം നിൽക്കുന്ന രീതിയിലാണ് ഡിജിറ്റല് പ്ലാറ്റ്ഫോമുകളും പരിപാടികളുമായി എത്തുന്നത്. റേറ്റിങ് കൂട്ടാനായി പുതിയ തരം പരിപാടികളുടെ പരീക്ഷണത്തിലാണ് ചാനലുകള്. വിജയ് ടിവിയിലെ ബിഗ് ബോസ്, കളര്സിലെ എങ്ക വീട്ട് മാപ്പിള്ളൈ, ഏഷ്യാനെറ്റിലെ ഡെയര് ദി ഫിയര് തുടങ്ങിയ റിയാലിറ്റി ഷോകള് ഇത്തരം പുതിയ പരീക്ഷണങ്ങളാണ്.
ചാനലുകള്ക്ക് പുറമെ ആമസോണ് പ്രൈം വീഡിയോ, യൂ ട്യൂബ് പോലുള്ള ഡിജിറ്റല് മേഖലയിലും ഇത്തരം ഷോകള് നടക്കുന്നുണ്ട്. പുതിയൊരു പരിപാടി തുടക്കമിട്ടിരിക്കുകയാണ് ആമസോണ് പ്രൈം വീഡിയോ. അപരിചിതനൊപ്പം ഡേറ്റ് ചെയ്യുന്ന ഹിയര് മി, ലവ് മി എന്ന ഷോയാണ് പുതുമകളോടെ പ്രേക്ഷകരുടെ മുന്നിലെത്തുന്നത്.
പരിപാടിയുടെ അവതാരകയായി എത്തുന്നത് നടി ശില്പ ഷെട്ടിയാണ്. ഇതൊരു സാധാരണ റിയാലിറ്റി ഷോ അല്ലെന്നും ഡേറ്റിങ്ങിലൂടെ ആ ബന്ധത്തിന്റെ മൂല്യങ്ങള് പുറത്തുകൊണ്ടുവരാന് സാധിക്കുമെന്നും ശില്പ ഷെട്ടി പറയുന്നു.
ഫ്രെമന്റ്ലി മീഡിയയാണ് ഈ പ്രോഗ്രാം നിര്മ്മിക്കുന്നത്. പ്രണയം, റൊമാന്സ്, ഡേറ്റിങ് എന്നിവയെക്കുറിച്ചുള്ള ജനങ്ങളുടെ തെറ്റിദ്ധാരണ മാറ്റാന് ഈ ഷോയിലൂടെ കഴിയുമെന്ന് ഷോയുടെ സംവിധായകന് വിജയ് സുബ്രമണ്യം അവകാശപ്പെടുന്നു.
https://www.facebook.com/Malayalivartha
