ഭക്ഷണം കൃത്യസമയത്ത് ലഭിക്കാതിരുന്നാല്‍ ആലിയാഭട്ടിന് ദേഷ്യം വരും. അതുകൊണ്ട് താരത്തിന്റെ സെറ്റില്‍ എല്ലായ്‌പ്പോഴും എന്തെങ്കിലും രുചികരമായ ആഹാരസാധനങ്ങള്‍ കാണും. സുഷിയാണ് ഏറ്റവും ഇഷ്ടപ്പെട്ട ഭക്ഷണം. ബ്രാക്കോലിയാണ് ഇഷ്ടമില്ലാത്ത ആഹാരം. ഐസ്‌ക്രീമും ചോക്‌ലറ്റ്‌സും ധാരാളം കഴിക്കാറുണ്ട്. തന്നെ കുറിച്ച് ധാരാളം കിംവദന്തികള്‍ പ്രചരിക്കുന്നുണ്ടെന്നും അത് പലപ്പോഴും തന്നെ അലോസരപ്പെടുത്തുന്നുണ്ടെന്നും താരം പറഞ്ഞു. എന്നെ ഹോളിവുഡ് സിനിമയിലേക്ക് കാസ്റ്റ് ചെയ്തിരിക്കുന്നു എന്ന കിംവദന്തി പ്രചരിപ്പിച്ചാല്‍ വലിയ സന്തോഷമാകുമെന്നും താരം പറഞ്ഞു.

നടന്‍ വരുണ്‍ ധവാനെ ചേര്‍ത്താണ് ആലിയഭട്ടിനെ കുറിച്ച് ഗോസിപ്പ് വരുന്നത്. പുരുഷന്‍ ആയത് കൊണ്ട് വരുണ്‍ ധവാനുമായി അടുത്തബന്ധം സ്ഥാപിച്ചു കൂടാ എന്നുണ്ടോ? വരുണ്‍ തന്റെ അടുത്ത സുഹൃത്താണെന്നും താരം പറഞ്ഞു. വീട്ടിലെ ഇളയകുട്ടിയാണ് താനെന്നും അതാണ് ജീവിതത്തിലെ ഏറ്റവും വലിയ സന്തോഷമെന്നും ആലിയ പറഞ്ഞു. ആദ്യ സിനിമയായ സ്റ്റുഡന്റ് ഓഫ് ദ ഇറിന് വേണ്ടി ക്യാമറയ്ക്ക് മുന്നില്‍ നിന്നതാണ് ഏറ്റവും മറക്കാനാവാത്ത അനുഭവമെന്നും താരം വ്യക്തമാക്കി.

പ്രായം 24 ആയെങ്കിലും ആലിയയെ കണ്ടാല്‍ കൊച്ചുകുട്ടിയാണെന്നേ തോന്നൂ. താരം ഒരു ദിവസം ലണ്ടനിലെ ഒരു ബാറിലേക്ക് ചെന്നപ്പോള്‍ പ്രവേശന അനുമതി നിഷേധിച്ചു. പ്രായപൂര്‍ത്തിയാകാത്ത കുട്ടികള്‍ക്ക് എന്‍ട്രിയില്ലെന്ന് പറഞ്ഞാണ് പ്രവേശിപ്പിക്കാഞ്ഞത്. തിരിച്ചറിയില്‍ കാര്‍ഡ് കാണിച്ചിട്ടും രക്ഷയില്ലായിരുന്നു. താരത്തിന്റെ കൈവശം ഉള്ളത് ഡ്യൂപ്ലിക്കേറ്റ് കാര്‍ഡാണെന്നായിരുന്നു അവരുടെ ആരോപണം. ഇതുപോലെ മറ്റൊരു കുരുക്കിലും താന്‍ പെട്ടെന്നും താരം ഓര്‍മിക്കുന്നു... സ്വാതന്ത്ര്യദിനത്തോട്് അനുബന്ധിച്ച് ആലിയ ഒരു കടയില്‍ പോയി ദേശീയ പതാക വാങ്ങി. ആ സമയം അറിയാതെ, വേറെ കളറുണ്ടോ ഭായി എന്ന് ചോദിച്ചു പോയി. കടയിലുള്ളവരെല്ലാം ചിരിച്ചു. താരം ലജ്ജിച്ച് തിരിച്ച് പോന്നു.