ബോളിവുഡ് താരം സല്മാന് ഖാനെ പരസ്യമായി തല്ലുന്നവര്ക്ക് അഞ്ച് ലക്ഷം രൂപ വാഗ്ദാനം ചെയ്ത് ഹിന്ദു സംഘടന ; സിനിമയുടെ സെറ്റ് അടിച്ചുതകര്ക്കുന്നവര്ക്ക് രണ്ട് ലക്ഷം രൂപ നല്കും
ബോളിവുഡ് താരം സല്മാന് ഖാനെ പരസ്യമായി തല്ലുന്നവര്ക്ക് അഞ്ച് ലക്ഷം രൂപ വാഗ്ദാനം ചെയ്ത് ഹിന്ദു സംഘടന രംഗത്ത്. മുന് വിശ്വ ഹിന്ദു പരിശത്ത് അഖിലേന്ത്യ നേതാവായിരുന്ന പ്രവീണ് തൊഗാഡിയയുടെ പുതിയ സംഘടനയായ ഹിന്ദു ഹൈ ആഗെയുടെ ആഗ്ര മേഖലാധ്യക്ഷന് ഗോവിന്ദ് പരേശാണ് സൽമാൻഖാനെതിരെ രംഗത്ത് വന്നത്.
സല്മാന്റെ പുതിയ ചിത്രത്തിന്റെ പേരാണ് സംഘടനാ നേതാക്കളെ ചൊടിപ്പിച്ചിരിക്കുന്നത്. നവരാത്രിക്കു സമാനമായി ലവ്രാത്രി എന്ന പേര് ചിത്രത്തിന് നൽകിയതാണ് പ്രശ്നങ്ങൾക്ക് കാരണം. ആര്ക്കും സല്മാനെ അടിക്കാം. അവര്ക്ക് അഞ്ച് ലക്ഷം രൂപ നല്കും. സിനിമയുടെ സെറ്റ് അടിച്ചുതകര്ക്കുന്നവര്ക്ക് രണ്ട് ലക്ഷം രൂപ നല്കും എന്നുമായിരുന്നു പ്രഖ്യാപനം.
മുൻപ് വി.എച്ച്.പിയും ചിത്രത്തിനെതിരെ രംഗത്തുവന്നിരുന്നു. സിനിമയുടെ പേര് നവരാത്രിയെ അപമാനിക്കുന്നതരത്തിലാണ്. രാജ്യത്തെ സിനിമാ തിയേറ്ററുകളില് ഈ ചിത്രം പ്രദര്ശിപ്പിക്കാന് സമ്മതിക്കില്ലെന്നും വി.എച്.പി കഴിഞ്ഞ ദിവസം വ്യക്തമാക്കിയിരുന്നു.
ഒക്ടോബറില് ചിത്രം പുറത്തിറങ്ങാനിരിക്കെയാണ് പ്രശ്നവുമായി ഹിന്ദുസംഘടനകള് രംഗത്ത് വന്നിരിക്കുന്നത്.
https://www.facebook.com/Malayalivartha