ഇന്ത്യൻ ചാരയായി ആലിയ ; റാസി നൂറുകോടി ക്ലബിൽ
ആലിയ ഭട്ടും, വിക്കി കൗശാലും ചേര്ന്നഭിനയിച്ച റാസി നൂറുകോടി ക്ലബിൽ. തിയേറ്ററുകളില് വിജയകരമായി പ്രദര്ശനം തുടരുകയാണ് ചിത്രം. മെയ് 11 ന് റിലീസ് റിലീസ് ചെയ്ത ചിത്രത്തിന് നല്ല അഭിപ്രായമാണ്. ഹോളിവുഡ് ചിത്രങ്ങളായ അവഞ്ചേഴ്സ്: ഇൻഫിനിറ്റി വാർ, ഡെഡ് പൂൾ 2 , സോളോ : എ സ്റ്റാർ വാർസ് സ്റ്റോറി എന്നിവയെ മറികടന്നാണ് റാസി തിയേറ്ററുകളില് തരംഗം സൃഷ്ടിച്ചത്. പൊളിറ്റിക്കല് ത്രില്ലറായ റാസി സംവിധാനം ചെയ്തിരിക്കുന്നത് മേഘ്ന ഗുല്സറാണ് 7.53 കോടി രൂപയില് തുടങ്ങിയ കളക്ഷന് ഒരാഴ്ച കൊണ്ട് തന്നെ റെക്കോർഡ് കളക്ഷൻ നേടി.
യഥാര്ത്ഥ സംഭവങ്ങളെ ആസ്പദമാക്കി ഇറങ്ങിയ സിനിമ ദേശ സ്നേഹത്തെയാണ് വരച്ചിടാന് ശ്രമിക്കുന്നത്. 1971ലെ ഇന്ത്യ-പാക് യുദ്ധത്തില്, ഇന്ത്യയ്ക്ക് വേണ്ടി പാക്കിസ്ഥാനില് പോയി ചാര പ്രവര്ത്തനം നടത്തുന്ന 19 വയസുകാരി കശ്മീരി പെണ്കുട്ടിയുടെ കഥയാണ് പറയുന്നത്. ഹരീന്ദര് സിക്ക എഴുതിയ കോളിങ് സെഹ്മത്ത് എന്ന ബുക്കിനെ ആസ്പദമാക്കിയാണ് സിനിമ തയ്യാറാക്കിയിരിക്കുന്നത്.
ചുരുങ്ങിയ കാലം കൊണ്ടുതന്നെ ബോളിവുഡില് തന്റെതായ സ്ഥാനമുറപ്പിച്ച നടിയാണ് ആലിയഭട്ട്. ഉഡ്താ പഞ്ചാബ്, ഹൈവേ തുടങ്ങിയ ചിത്രങ്ങള് ആലിയയുടെ കരിയറില് തന്നെയുള്ള പ്രധാന നാഴികകല്ലുകളാണ്. ഇപ്പോഴിതാ പ്രേക്ഷകരെ വീണ്ടും ഞെട്ടിക്കുന്ന മേക്ക് ഓവറിലാണ് റാസി എന്ന പുതിയ ചിത്രത്തില് ആലിയ പ്രത്യക്ഷപ്പെട്ടിരിക്കുന്നത്.
https://www.facebook.com/Malayalivartha