വിവാഹ ശേഷം അഭിനയത്തിന് അവധി കൊടുത്ത നടി പത്മപ്രിയ തിരിച്ചുവരുന്നു. വിവാഹ ശേഷം താന്‍ അഭിനയത്തോട് വിട പറഞ്ഞെന്നാണ് പലരും കരുതിയിരിക്കുന്നത്. എന്നാല്‍ തനിക്ക് അതിന് ആകില്ലെന്ന് താരം പറഞ്ഞു. സിനിമയില്‍ നിന്ന് വിട്ട് നിന്നപ്പോഴെല്ലാം നഷ്ടബോധം വേട്ടയാടിയിട്ടുണ്ട്. ഈക്കൊല്ലം സിനിമയില്‍ കൂടുതല്‍ ശ്രദ്ധിക്കാനാണ് തീരുമാനം. അമേരിക്കയില്‍ പബ്ലിക്ക് റിലേഷന്‍സ് കോഴ്‌സിന് വേണ്ടി പഠിക്കുന്നതിന്റെ ഇടവേളയിലാണ് ഇയ്യോബിന്റെ പുസ്തകത്തില്‍ അഭിനയിച്ചത്. 

ജീവിതത്തിന്റെ തിരക്കിനിടയിലും സിനിമയിലെന്ന പോലെ എല്ലാ മേഖലയിലും താന്‍ പ്രവര്‍ത്തിച്ചിട്ടുണ്ടെന്നും താരം പറഞ്ഞു. നല്ല കഥാപാത്രങ്ങളും അണിയറപ്രവര്‍ത്തകരും വിളിച്ചാല്‍ താമസിക്കാതെ മലയാളത്തില്‍ അഭിനയിക്കും. അമല്‍നീരദിന്റെ പുതിയ ചിത്രത്തില്‍ ചിലപ്പോള്‍ അഭിനയിച്ചേക്കും. അക്കാര്യത്തില്‍ തീരുമാനമായില്ല. ശിവരഞ്ജിനിയും ഇനിയും ചില പെണ്‍കളും എന്ന തമിഴ്പടത്തിലാണ് ആദ്യം അഭിനയിക്കുന്നത്. കേളടി കണ്‍മണി എന്ന സിനിമയുടെ സംവിധായകന്‍ വസന്ത് ഒരുക്കുന്ന ചിത്രമാണ്.

കാഴ്ച എന്ന ചിത്രത്തിലൂടെയാണ് മോഡലായ പത്മപ്രിയ സിനിമയിലെത്തുന്നത്. പിന്നീട് തമിഴ്, തെലുങ്ക്, ബംഗാളി, കന്നട, ഹിന്ദി സിനിമകളില്‍ അഭിനയിച്ചു. മൃഗം എന്ന സിനിമയില്‍ അഭിനയിക്കുന്നതിനിടെ സംവിധായകന്‍ പത്മപ്രിയയുടെ കരണത്തടിച്ചത് വിവാദമയിരുന്നു. താരമായി നില്‍ക്കുന്ന സമയത്താണ് പത്മപ്രിയ സിനിമകള്‍ സെലക്ട് ചെയ്ത് അഭിനയിക്കാന്‍ തീരുമാനിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha