ബിഗ്‌സ്‌ക്രീനിലും മിനിസ്ക്രീനിലുമായി ഒട്ടേറെ നല്ല കഥാപാത്രങ്ങൾ ചെയ്തിട്ടുള്ള വ്യക്തിയാണ് നടൻ ദിനേശ് പണിക്കർ .നടനെന്നതിലുപരി ഒരു നിർമ്മാതാവ് എന്ന നിലയിലും ദിനേശ് പണിക്കർ പ്രേക്ഷകർക്ക് സുപരിചിതനാണ്.താരം ഏറ്റവും പുതിയതായി അഭിനയിക്കുന്ന ചിത്രമാണ് ജോഷ്വ.പീറ്റർ സുന്ദര്‍ദാസിന്റെ സംവിധാനത്തിൽ ഈ മാസം 28 ന് പുറത്തിറങ്ങുന്ന ചിത്രത്തിൽ മലയാളത്തിലെ നിരവധി മുൻനിര താരങ്ങളും അണിനിരക്കുന്നു.ഇപ്പോളിതാ ചിത്രത്തിലെ തന്റെ കഥാപാത്രത്തിന്റെ വിശേഷങ്ങൾ പങ്കുവെക്കുകയാണ് ദിനേശ് പണിക്കർ .മെട്രോമാറ്റിനിക്ക് നൽകിയ അഭിമുഖത്തിലാണ് താരം ചിത്രത്തെക്കുറിച്ച് സംസാരിച്ചത്.

ഇതുവരെ ചെയ്തതിൽ നിന്നും വ്യത്യസ്തമായി ഒരു തമിഴന്റെ വേഷമാണ് താൻ ചെയ്യുന്നതെന്നും,ചിത്രത്തിൽ ഇങ്ങനെ ഒരു കഥാപാത്രം കിട്ടിയതിൽ ഒരുപാട് സന്തോഷമുണ്ടന്നും താരം പറയുന്നു.ജോഷ്വ എന്ന ഒരു കുട്ടിയുടെ കഥ പറയുന്ന ചിത്രത്തിൽ ജോഷ്വയുടെ മുത്തച്ഛന്റെ വേഷമാണ് ദിനേശ് പണിക്കർ അവതരിപ്പിക്കുന്നത്.ഒരു നഗറ്റീവ് കഥാപാത്രമാണ് ഇദ്ദേഹത്തിന്റേത്.സംവിധായകൻ പീറ്റർ സുന്ദര്‍ദാസിന്റെ മകൻ ഏബൽ പീറ്ററാണ് ചിത്രത്തിൽ ജോഷ്വയായി എത്തുന്നത് എന്ന പ്രത്യേകതയും സിനിമയ്ക്കുണ്ട്.കൂടാതെ പ്രിയങ്കാ നായര്‍, ഹേമന്ത് മേനോന്‍, ഫെബിന്‍, അനുട്രെസ്സ, ആനന്ദ്, ദിനേശ് പണിക്കര്‍, മങ്കാ മഹേഷ്, അനില്‍ പപ്പന്‍, രാജ്കുമാര്‍, തിരുമല രാമചന്ദ്രന്‍, രാജ്‌മോഹന്‍, സാബു വിക്രമാദിത്യന്‍, അഞ്ജു നായര്‍, അലക്‌സ് കോയിപ്പുറത്ത് എന്നിവര്‍ അഭിനയിക്കുന്നു.സിനിമ എത്രത്തോളം കുട്ടികളെ സ്വാധീനിക്കുന്നു എന്ന ഒരു ആശയം മുന്നോട്ട് വെക്കുന്ന ചിത്രത്തിലെ പല ഷോട്ടുകളും കടലിനടിയിലാണ് ചിത്രീകരിച്ചിരിക്കുന്നത്.ചിത്രംനല്ലൊരു ഫാമിലി ത്രില്ലർ എന്റർട്രെയ്നർ ആണെന്നാണ് ദിനേശ് പണിക്കർ പറയുന്നത്.

സംവിധാനത്തിന് പുറമെ കഥ, തിരക്കഥ, സംഭാഷനം എന്നിവയും നിർവഹിക്കുന്നത് പീറ്റര്‍ സുന്ദര്‍ദാസാണ്.ദി എലൈവ് മീഡിയയുടെ ബാനറില്‍ ദി എലൈവ് മീഡിയയാണ് ചിത്രം നിർമ്മിക്കുന്നത് .ബി.കെ. ഹരിനാരായണന്റെ വരികള്‍ക്ക് ഗോപീസുന്ദര്‍ ഈണം പകര്‍ന്നിരിക്കുന്നു. ഛായാഗ്രഹണം എസ്. ലോവലും എഡിറ്റിംഗ് രതീഷ് മോഹനും നിര്‍വഹിച്ചിരിക്കുന്നു. ദി എലൈവ് മീഡിയ നിര്‍മിച്ചിരിക്കുന്ന ചിത്രം വിതരണം ചെയ്യുന്നത് വൈശാലി ഫിലിംസ് ആണ്.