പ്രശസ്​ത തമിഴ്​ നടൻ പൊന്നമ്പലത്തിന്​ കൈത്താങ്ങുമായിതമിഴിലെ മുൻനിര താരങ്ങളായ കമൽഹാസനും രജനീകാന്തും രംഗത്ത്. ചെന്നൈയിലെ സ്വകാര്യ ആശുപത്രിയിൽ കിഡ്​നി സംബന്ധമായ രോഗം ബാധിച്ച്​ ഗുരുതരാവസ്ഥയിൽ ചികിത്സയിൽ കഴിയുകയാണ്​ പൊന്നമ്പലം.

സാമ്പത്തിക സഹായമാവശ്യപ്പെട്ടുകൊണ്ടുള്ള പൊന്നമ്പലത്തി​​െൻറ വീഡിയോ സമൂഹമാധ്യമങ്ങളിൽ വൈറലായിരുന്നു. ഇതിനു പിന്നാലെയാണ് സഹായഹസ്തവുമായി കമൽഹാസൻമുന്നോട്ട് വന്നത്​. മക്കളുടെ വിദ്യാഭ്യാസ ചിലവുകളും കമൽഹാസൻ ഏറ്റെടുക്കുമെന്ന് അറിയിച്ചിരുന്നു. കമൽഹാസന്റെ​ മൈക്കൽ മദന കാമരാജൻ എന്ന ചിത്രത്തിലൂടെയാണ് പൊന്നമ്പലം തമിഴ്​ സിനിമയിലേക്ക്​ ചുവടുവച്ചത്​. അതുവരെ സ്​റ്റണ്ട്​ മാസ്റ്ററായിരുന്നു പൊന്നമ്പലം.

കമലിന്​ പിന്നാലെ രജനീകാന്തും പൊന്നമ്പലത്തിന്​ സാമ്പത്തിക സഹായം പ്രഖ്യാപിച്ചു മുന്നോട്ട് വന്നിരിക്കുകയാണ്. പൊന്നമ്പലവുമായി സംസാരിച്ച അദ്ദേഹം തുടർ ചികിത്സക്കുള്ള സഹായം നൽകാമെന്നും വ്യക്തമാക്കി.​. രജനീകാന്തി​​െൻറ വക്​താവാണ്​ ഇത്​ അറിയിച്ചത്​.

രജനീകാന്തി​​െൻറ മുത്തു, അരുണാചലം, അപൂർവ്വ സഗോദരർഗൾ തുടങ്ങിയ ചിത്രങ്ങളിൽ പൊന്നമ്പലം അഭിനയിച്ചിട്ടുണ്ട്​. ജയം രവിയുടെ കോമാളി എന്ന ചിത്രത്തിലാണ്​ അദ്ദേഹം ഏറ്റവും ഒടുവിലായി അഭിനയിച്ചത്​. മിഥുൻ മാനുവൽ തോമസ്​ സംവിധാനം ചെയ്​ത ആട്​ 2 എന്ന ചിത്രത്തിലും അദ്ദേഹം അഭിനയിച്ചിട്ടുണ്ട്.