ആമാശയത്തിന്റെ വക്കിലും ചെറുകുടലിന്റെ തുടക്കത്തിലുമായി കാണുന്ന വ്രണങ്ങളെ അല്ലെങ്കില്‍ വിള്ളലുകളാണ് അള്‍സര്‍
കുടലിനെ ഏറ്റവും അധികം ബാധിക്കുന്ന അസുഖങ്ങളിൽ ഒന്നാണ് അൾസർ. സാധാരണഗതിയില്‍ ആമാശയത്തിന്റെ വക്കിലും ചെറുകുടലിന്റെ തുടക്കത്തിലുമായി കാണുന്ന വ്രണങ്ങളെ അല്ലെങ്കില്‍ വിള്ളലുകളെയാണ് അള്‍സര്‍ എന്ന് പറയുന്നത്. പൊതുവെ കുടലിനെയാണ് ഇത് ബാധിക്കാറുള്ളതെങ്കിലും ഇത് വായിലും ദഹനവ്യവസ്ഥയില്‍ ഉള്‍പ്പെടുന്ന മറ്റേത് അവയവങ്ങളിലും കണ്ടേക്കാം
ആഹാരം സമയാസമയത്തു കഴിക്കാതിരിക്കുകയോ വേണ്ടത്ര കഴിക്കാതിരിക്കുകയോ ചെയ്യുന്നവർക്കാണ് സാധാരണ ഗതിയിൽ അൾസർ (ആമാശയ പുണ്ണ്) വരുന്നത് . നാം കഴിക്കുന്ന ഭക്ഷണം ആമാശയത്തിലെത്തുമ്പോൾ അതു ദഹിപ്പിക്കാനുള്ള ദഹന രസം ആമാശയത്തിൽ ഉണ്ടാകും . അധികമായുള്ള ദഹനരസം ആമാശയത്തിന്റെ ഉൾഭാഗത്തെ മൃദുലമായ മാംസപേശികളെ ദഹിപ്പിക്കും. ആ ഭാഗങ്ങളിൽ ഉപ്പോ മുളകോ പുളിയോ സ്പർശിച്ചാൽ വ്രണങ്ങളും മറ്റിനം പുണ്ണുകളുമുണ്ടാകും അതാണ് അൾസർ
ലക്ഷണങ്ങള്‍ ഇവയൊക്കെ...
1. അള്‍സറിന്റെ ഏറ്റവും പ്രധാനപ്പെട്ട ലക്ഷണങ്ങളില്‍ ഒന്നാണു വയറുവേദന. വയറില്‍ കത്തുന്ന പോലെ വേദന വന്നാല്‍ ഒന്ന് സൂക്ഷിക്കുക.
2. ഭക്ഷണശേഷം വയറ്റില്‍ അസ്വസ്ഥത.
3. വയറു വീര്‍ക്കലും അസാധാരണമായ വേദനയും അള്‍സറിന്റെ ലക്ഷണമാണ്. ഇതു വയറ്റിലെ ക്യാന്‍സറിന്റെയും ലക്ഷണമാകാം. അതുകൊണ്ടുതന്നെ ഒരിക്കലും ഇത് അവഗണിക്കാതിരിക്കുക.
4. ദഹനം ശരിയല്ലാതെ നടക്കുന്നതും നിസാരമായി കാണരുത്.
5. ഉറങ്ങുന്ന സമയത്ത് വയറ്റില്‍ വേദന.
6. മനംപുരട്ടല്‍, ഛര്‍ദ്ദി, നെഞ്ചരിച്ചില്‍, തലചുറ്റല്‍, വിശപ്പില്ലായ്മ.
7. മലബന്ധവും പെട്ടന്നുള്ള വയറു വേദനയും ശ്രദ്ധിക്കുക.
8. കൊഴുപ്പുള്ള ഭക്ഷണങ്ങള്‍ കഴിക്കുമ്പോൾ വയറ്റില്‍ ബുദ്ധിമുട്ട്.
9. അകാരണമായി ശരീരഭാരം കുറയുന്നതും സൂക്ഷിക്കുക.
അൾസർ ബാധിച്ചവർക്കു ഭക്ഷണം കഴിച്ചാലുടനെ വേദന വരുന്നുണ്ടെങ്കിൽ അതു ആമാശയ അൾസർ, ദഹിച്ചയുടനെയാണ് വയറുവേദനയെങ്കിൽ അൾസർ കുടലിലാകും. ചിലർക്കു ഛർദി വരാം. അപൂർവം ചിലർക്കു ഛർദിയോടൊപ്പം രക്തവും വരും. കാഴ്ചക്കുറവ്, ഹൃദയഭിത്തിയുടെ പിന്നാമ്പുറത്തു വേദന എന്നിവയുണ്ടാകാം. സൂക്ഷിച്ചില്ലെങ്കിൽ ഇതു കാൻസറായി മാറാം
ചിലരുടെ മലം രക്തം കലർന്ന ടാർ നിറവുമാകും. പച്ചക്കായയാണെങ്കിലും നേന്ത്രക്കായയാണെങ്കിലും അതിലെ കറുത്ത മണി ഒഴിവാക്കി കറിയാക്കി കഴിക്കാം. ചേമ്പിന്റെയും ചേനയുടെയും തണ്ടും കറിയാക്കി കഴിക്കാം. വാഴപ്പിണ്ടിയോ വാഴക്കിഴങ്ങോ കറി വച്ചു കഴിക്കുന്നത് ഉത്തമം. കട്ടൻ ചായ, ഉപ്പ്, മുളക്, പുളി എന്നിവ കുറയ്ക്കാം. അമിത മദ്യപാനം അൾസർ കൂട്ടും. അമിത വ്യായാമവും നല്ലതല്ല. ശുദ്ധജലം ധാരാളം കുടിക്കണം
ജീവിതചര്യ തന്നെയാണ് അള്‍സര്‍ പിടിപെടുന്നതിനുള്ള പ്രധാന കാരണമെന്ന് ഡോക്ടര്‍മാര്‍ വിശദീകരിക്കുന്നു. സമയം തെറ്റിയുള്ള ആഹാരം, ധാരാളം മസാല ചേര്‍ത്ത ഭക്ഷണം കഴിക്കുന്നത്, ജങ്ക് ഫുഡുകള്‍ അമിതമായി കഴിക്കുന്നത്, കാര്‍ബണേറ്റഡ് ഡ്രിംഗുകള്‍ കഴിക്കുന്നത്- എന്നിവയെല്ലാം അള്‍സര്‍ ഉണ്ടാക്കിയേക്കും.
ഇവയ്ക്ക് പുറമെ മാനസികമായ വിഷമതകളും വയറിനെ ബാധിച്ചേക്കാമെന്ന് ഡോക്ടര്‍മാര്‍ മുന്നറിയിപ്പ് നല്‍കുന്നു. ഉറക്കമില്ലായ്മ, മാനസിക സമ്മര്‍ദ്ദം എന്നിവയും അള്‍സറിന് കാരണമാകുമത്രേ
https://www.facebook.com/Malayalivartha
