ശരീരത്തില്‍ സോഡിയത്തിന്റെ അളവ് കുറഞ്ഞാലും കൂടിയാലും അപകടമാണ്..ശരീരത്തില്‍ എത്തുന്ന ഭക്ഷണവും, പാനീയവും വഴിയാണ് ശരീരം വേണ്ടുന്ന സോഡിയം നേടിയെടുക്കുന്നത്. എന്നാല്‍ വിയര്‍പ്പിലൂടെയും, മൂത്രത്തിലൂടെയും ഇവ നഷ്ടപ്പെടുകയും ചെയ്യുന്നുണ്ട്..

ആരോഗ്യമുള്ള വൃക്കകള്‍ ശരീരത്തിന് ആവശ്യമായ സോഡിയത്തിന്റെ നില ക്രമീകരിച്ചുകൊണ്ട് മൂത്രത്തിലൂടെ നഷ്ടപ്പെടുന്ന സോഡിയത്തിന്റെ അളവ് നിയന്ത്രിക്കുന്നു...... എന്നാൽ വൃക്കയ്ക്ക് തകരാറുള്ളവരിലും പ്രായമായവരിലും സോഡിയത്തിന്റെ അസന്തുലിതാവസ്ഥ കൂടുതലായി കാണപ്പെടുന്നുണ്ട്.

രക്തത്തില്‍ ആവശ്യത്തിന് സോഡിയം ഇല്ലാതിരിക്കുന്നതാണ് ഹൈപ്പോനാട്രീമിയ (കുറഞ്ഞ സോഡിയം) എന്ന അവസ്ഥ.. ചില മെഡിക്കല്‍ അവസ്ഥകള്‍, നിങ്ങള്‍ കഴിക്കുന്ന ചില മരുന്നുകള്‍, അല്ലെങ്കില്‍ അമിതമായി വെള്ളം കുടിക്കുന്നത് എന്നിവ സോഡിയം അളവ് കുറയാൻ കാരണമാകാറുണ്ട്.

നിങ്ങളുടെ രക്തത്തിലെ സോഡിയത്തിന്റെ അളവ് ഒരു ലിറ്ററിന് 135 മുതല്‍ 145 മില്ലി അളവിലാണെങ്കിൽ സാധാരണമാണ്. ഇത് 135 mEq / L ന് താഴെയാണെങ്കില്‍, ഇത് ഹൈപ്പോനാട്രീമിയയാണ്.

ഹൈപ്പോനാട്രീമിയയുടെ തുടക്കത്തില്‍ ക്ഷീണം, തലവേദന എന്നിവയും, പിന്നീട് ചെറിയ രീതിയില്‍ സ്വഭാവത്തിലെ വ്യതിയാനങ്ങള്‍, ആശയക്കുഴപ്പം, സ്ഥിരമായി ചെയ്തിരുന്ന കാര്യങ്ങൾ മറന്നുപോകുക , ചിലപ്പോള്‍ ആരേയും തിരിച്ചറിയാതിരിക്കുക, ചിലരെ മാത്രം തിരിച്ചറിയുക തുടങ്ങിയ പ്രശ്‌നങ്ങള്‍ പ്രകടമാകാം.......
തൈറോയ്ഡ് ഹോര്‍മോണ്‍ വളരെ കുറവാണെങ്കില്‍, ഇത് നിങ്ങളുടെ സോഡിയം നിലയെയും ബാധിക്കും. അതുകൊണ്ട് തൈറോയ്ഡ് നിയന്ത്രണത്തിൽ ആയിരിക്കാനും ശ്രദ്ധിക്കണം

കൂടാതെ വൃക്കരോഗം, ഹൃദയസ്തംഭനം,പ്രമേഹം , ധാരാളം വെള്ളം കുടിക്കാന്‍ ആഗ്രഹിക്കുന്ന ഒരു മാനസികാവസ്ഥ എന്നിവയെല്ലാം അപകടം വരുത്തി വെക്കുന്നതാണ്.

സോഡിയം കുറഞ്ഞതാണെന്നു ഉറപ്പായാൽ , ഡോക്ടറുടെ നിര്‍ദേശപ്രകാരം ക്ലോറൈഡ് ലായിനി ഡ്രിപ്പായി നല്‍കുകയോ, ഭക്ഷണം ക്രമീകരിക്കുകയോ, കഴിക്കുന്ന മരുന്നുകളില്‍ വ്യത്യാസം വരുത്തുകയോ ചെയ്യും.. സ്വയം രോഗം നിര്‍ണയിക്കുന്നതും, ചികിത്സ ചെയ്യുന്നതും അപകടങ്ങള്‍ ക്ഷണിച്ചു വരുത്തും. അതിനാല്‍ യോഗ്യരായ ഡോക്ടറുടെ നിര്‍ദേശം സ്വീകരിച്ച് അതിനനുസരിച്ച് ആവശ്യമായ ചികിത്സകൾ സ്വീ കരിക്കേണ്ടത് അത്യാവശ്യമാണ്

സോഡിയം കൂടിപ്പോകുന്ന അവസ്ഥയെയാണ് ഹൈപ്പര്‍നാട്രീമിയ (Hypernatraemia) എന്നു പറയുന്നത്. വാര്‍ധക്യത്തില്‍ മാത്രമല്ല ശിശുക്കളിലും കണ്ടു വരുന്ന ഒന്നാണിത്. ....ശരീരത്തില്‍ ജലാംശം കുറയുന്നതാണ് സോഡിയം കൂടുന്നതിന്റെ പ്രധാനം കാരണം. ശരീരത്തിന്റെ ദഹനസംവിധാനം വേണ്ടവിധം പ്രവര്‍ത്തിക്കാതെ വരുമ്പോഴും അമിതമായി ജലനഷ്ടം സംഭവിച്ചാലും സോഡിയം അളവ് കൊണ്ടാണ് സാധ്യതയുണ്ട്

ക്ഷീണം, ദാഹം ,നിര്‍ജലീകരണം, പരവേശം, മയക്കം എന്നീ ലക്ഷണങ്ങള്‍ കാണുകയാണെങ്കില്‍ തീര്‍ച്ചയായും വേണ്ട വൈദ്യസഹായം നേടേണ്ടതുണ്ട്.......

അതിസാരം കാരണം ശരീരത്തില്‍ നിന്ന് ജലാംശവും ഒപ്പം ലവണാംശവും നഷ്ടപ്പെടുമ്പോള്‍ കുടിക്കാനായി കുടിവെള്ളം മാത്രമായി നല്‍കുന്നതിന് പകരം തിളപ്പിച്ചാറ്റി തണുപ്പിച്ച വെള്ളത്തില്‍ ഉപ്പും പഞ്ചസാരയും ചേര്‍ത്ത് തയ്യാറാക്കുന്ന പാനീയം നല്‍കുന്നതാണ് ഉത്തമം.......

വെയിലത്ത് പണിയെടുക്കുമ്പോഴോ, അല്ലെങ്കില്‍ ജിമ്മില്‍ വ്യായാമം ചെയ്യുന്നതോ വഴി വിയര്‍പ്പിലൂടെ ജലാംശത്തോടൊപ്പം സോഡിയവും നഷ്ടപ്പെടാനിടയുണ്ട്. അങ്ങനെ ക്ഷീണം തോന്നുമ്പോൾ ഉപ്പ് ചേർത്ത നാരങ്ങാ വെള്ളമോ കഞ്ഞി വെള്ളമോ കുടിയ്ക്കുന്നത് നല്ലതാണ്

ശരീരത്തില്‍ അകാരണമായി നീര് കാണുകയാണെങ്കില്‍ തീര്‍ച്ചയായും വൈദ്യസഹായം തേടുക......സോഡിയം കുറയുന്ന അവസ്ഥ പലപ്പോഴും കണ്ടെത്താൻ താമസം ഉണ്ടാകാറുണ്ട് . അതിനാല്‍ നിങ്ങളുടെ പ്രിയപ്പെട്ടവര്‍ക്ക് പെട്ടെന്ന് ഓര്‍മക്കുറവ്, സ്വബോധമില്ലാത്ത അവസ്ഥ എന്നിവ കാണപെട്ടാൽ എത്രയും പെട്ടെന്ന് വൈദ്യസഹായം ലഭ്യമാകാൻ ശ്രദ്ധിക്കണം

ഉരുളക്കിഴങ്ങ് ,ചീസ്,വെജിറ്റബിൾ ജ്യൂസ്, അച്ചാറുകൾ,എന്നിവയിലെല്ലാം സോഡിയം ധാരാളം അടങ്ങിയിട്ടുണ്ട്. ശരീരത്തിൽ സോഡിയത്തിന്റെ അളവ് മനസ്സിലാക്കി അതനുസരിച്ച് ഇത്തരം ഭക്ഷണങ്ങൾ കഴിക്കുകയോ ഒഴിവാക്കുകയോ ചെയ്യാം