ശാസ്ത്രം ഏറെ വളര്‍ന്നിട്ടും ക്യാന്‍സര്‍ എന്ന രോഗത്തിന് പൂര്‍ണപരിഹാരം കണ്ടെത്താൻ ഇപ്പോഴും കഴിഞ്ഞിട്ടില്ല . തുടക്കത്തില്‍ കണ്ടുപിടിച്ചാല്‍ പൂര്‍ണമായും സുഖപ്പെടാൻ സാധ്യതയുണ്ട് എന്ന് മാത്രമാണ് ആകെയുള്ള ആശ്വാസം ..പക്ഷെ കണ്ടെത്താന്‍ വൈകിയാല്‍ ജീവന്‍ തന്നെ അപഹരിയ്ക്കുന്ന ഒരു രോഗമാണിത്. അതേസമയം പലപ്പോഴും യഥാസമയം കണ്ടെത്താൻ ആകുന്നില്ല എന്നതും ഇവിടെ വില്ലനാകുന്നു.

എന്നാല്‍ കൃത്യസയമത്ത് രോഗനിര്‍ണയം നടത്തിയാല്‍ രോഗത്തെ ഒരു പരിധി വരെ നമുക്ക് പിടിച്ച് നിര്‍ത്താന്‍ സാധിക്കുമെന്നത്തിനു എത്രയോ ഉദാഹരണങ്ങൾ നമുക്ക് ചുറ്റുമുണ്ട് ..നമ്മുടെ പ്രിയപ്പെട്ട സെലിബ്രിറ്റികൾ ഉൾപ്പടെ പലരും കാൻസർ എന്ന അവസ്ഥയെ അതിജീവിച്ചവരാണ്

അസാധാരണമായ കോശങ്ങള്‍ സൃഷ്ടിക്കുകയും അതിവേഗം വളരുകയും ക്രമേണ ശരീരത്തിന്റെ മറ്റ് ഭാഗങ്ങള്‍ / അവയവങ്ങള്‍ എന്നിവ ആക്രമിക്കുകയും ചെയ്യുന്ന തരത്തിലാണ് ക്യാന്‍സർ ശരീരത്തെ കീഴ്പ്പെടുത്തുന്നത് ..

സ്തനത്തിലുണ്ടാവുന്ന മാറ്റങ്ങള്‍,ആര്‍ത്തവ കാലത്ത് ഇടയ്ക്കിടെ ഉണ്ടാവുന്ന രക്ത സ്രാവം എന്നിവ സ്ത്രീകളിലുണ്ടാവുന്ന കാന്‍സര്‍ രോഗത്തിന് മുന്നോടിയായി ഉണ്ടാകുന്ന ലക്ഷണങ്ങള്‍ ആണ് .

സാധാരണയായി സ്തനത്തില്‍ കണ്ടുവരുന്ന വീക്കം കാന്‍സറല്ല. എന്തെങ്കിലും വിചിത്രമായി കാണുകയാണെങ്കില്‍ അപ്പോള്‍തന്നെ ഡോക്ടറെ സമീപിക്കുക.

സ്തനം ചുവന്ന രീതിയിലോ അല്ലെങ്കില്‍ ചര്‍മ്മത്തില്‍ എന്തെങ്കിലും മാറ്റമോ ഉണ്ടെങ്കില്‍ ഉടന്‍ ഡോക്ടറെ സമീപിച്ച് പരിശോധിക്കേണ്ടത് അത്യാവശ്യമാണ്. ബ്രസ്റ്റ് ക്യാന്‍സറുണ്ടോയെന്ന് കണ്ടുപിടിക്കുന്ന ബയോപ്സി അല്ലെങ്കില്‍ മെമ്മോഗ്രാം നടത്തി നോക്കുന്നതും നല്ലതാണ്.

അതുപോലെ ആര്‍ത്തവ ദിനങ്ങള്‍ കടന്നുപോയിട്ടും രക്ത സ്രാവമുണ്ടാവുകയാണെങ്കില്‍ തീര്‍ച്ചയായും പരിശോധന ആവശ്യമാണ്. ഗര്‍ഭാശയത്തിന് അകത്ത് ഉണ്ടാവുന്ന കാന്‍സറിന്റെ പ്രധാന ലക്ഷണമാണിത്.

മല,മൂത്ര വിസര്‍ജ്ജ്യ സമയത്ത് രക്തസ്രാവമുണ്ടെങ്കില്‍ ശ്രദ്ധിക്കുക. .വ്യക്തമായ കാരണങ്ങളില്ലാതെ് രക്തസ്രാവം, കടുത്ത വയറുവേദന എന്നിവ ചിലപ്പോള്‍ മൂത്ര സഞ്ചിയില്‍ ഉണ്ടാവുന്ന കാന്‍സറിന്റെ സൂചനകളും ആയേക്കാം

ഭക്ഷണം കഴിക്കുമ്പോഴുണ്ടാവുന്ന ബുദ്ധിമുട്ടുണ്ടെങ്കില്‍ ഉടന്‍ വൈദ്യപരിശോധന നടത്തി കാന്‍സര്‍ ഇല്ലെന്ന് ഉറപ്പു വരുത്തേണ്ടതാണ്. ഛര്‍ദ്ദി അല്ലെങ്കില്‍ ശരീര ഭാരം കുറയുകയാണെങ്കില്‍ തീര്‍ച്ചയായും പരിശോധനയ്ക്ക് വിധേയയാവണം. വയറിലുണ്ടാവുന്ന അര്‍ബുദത്തിന്റ ചില ലക്ഷണങ്ങളാണിവ.

അതുപോലെ തന്നെ വയറിലോ തൊണ്ടയിലോ അല്ലങ്കില്‍ അണ്ഡാശയത്തിലോ ഉണ്ടാവുന്ന കാന്‍സറിന്റെ പ്രധാന ലക്ഷണങ്ങളിലൊന്നാണ് നെഞ്ചെരിച്ചില്‍..അമിത ഭക്ഷണം , വെളളം കുടിക്കുന്നത് കുറയുന്നത് , ഗ്യാസ് ഉണ്ടാകാൻ സാധ്യതയുള്ള ഭക്ഷണങ്ങൾ എന്നിവയാണ് സാധാരണയായി നെഞ്ചെരിച്ചില്‍ അനുഭവപ്പെടുന്നതിനു കാരണമാകുന്നത് .. എന്നാൽ എന്തെങ്കിലും സംശയം തോന്നിയാൽ ഡോക്ടറെ കാണാൻ മടിക്കരുത്

ഭാരത്തിലുണ്ടാവുന്ന വ്യത്യാസം തീര്‍ച്ചയായും സ്ത്രീകളില്‍ സന്തോഷം ഉണ്ടാക്കുന്ന ഒന്നാണ്. എന്നാല്‍ പെട്ടെന്ന് ഭാരം കുറയുകയാണെങ്കില്‍ ശ്രദ്ധിക്കുക. ആഗ്‌നേയ ഗ്രന്ഥിയെ ബാധിക്കുന്ന അര്‍ബുദത്തിന്റെ ലക്ഷണമാണിത്.

മറുകുകളിൽ നിറവ്യത്യാസമോ വേദനയോ തോന്നുകയാണെങ്കില്‍ ഉടന്‍ തന്നെ വിദഗ്ദ നിര്‍ദ്ദേശങ്ങള്‍ തേടേണ്ടതാണ്. സ്‌കിന്‍ കാന്‍സറിനുള്ള ലക്ഷണമാണ് ഇത്തരത്തില്‍ തൊലിയിലുണ്ടാകുന്ന മാറ്റങ്ങളെന്നാണ് ഡോക്ടര്‍മാര്‍ പറയുന്നത്