സെക്‌സ് റോബോട്ടുകള്‍ക്ക് ദിനംപ്രതി ആവശ്യക്കാര്‍ ഏറുകയാണ്. ഓരോ സമയവും പുതിയ പുതിയ കണ്ടു പിടിത്തങ്ങളിലൂടെയാണ് സെക്‌സ് റോബോട്ട് കമ്പനികള്‍ ഞെട്ടിച്ചുകൊണ്ടിരിക്കുന്നത്. ഇതു തന്നെയാണ് ഓരോ ദിവസം കഴിയുന്തോറും സെക്‌സ് റോബോട്ടുകള്‍ക്ക് ആവശ്യക്കാര്‍ ഏറാന്‍ കാരണവും. ഇപ്പോള്‍ സെക്‌സ് റോബോട്ട് പ്രേമികളെ ഞെട്ടിച്ചിരിക്കുകയാണ് ഒരു കമ്പനി.

ലോകത്ത് ആദ്യമായി ഉഭയകക്ഷി സമ്മത പ്രകാരമുള്ള സെക്‌സ് റോബോട്ടുകളുടെ വേശ്യാലയം തുടങ്ങുന്നതായി അവകാശപ്പെട്ട് മുന്നോട്ട് വന്നിരിക്കുന്നത് ഈവ് റോബോര്‍ട്ട് ഡ്രീംസ് എന്ന കമ്പനിയാണ്. ഉപഭോക്താവിന് വേശ്യാലയത്തിലെ റോബോട്ടുകളുമായി ബന്ധം സ്ഥാപിക്കാന്‍ സാധിക്കുമെന്നും റോബോര്‍ട്ടിന്റെ സമ്മത പ്രകാരം ലൈംഗികബന്ധത്തില്‍ ഏര്‍പ്പെടാന്‍ സാധിക്കുമെന്നും കമ്പനി അവകാശപ്പെടുന്നു.

കാലിഫോര്‍ണിയ കേന്ദ്രമായ കമ്പനിയുടെ സ്ഥാപകയായ യുണികോള്‍ യുണികോണാണ് പുതിയ സംരംഭത്തെ കുറിച്ച് വാചാലയായത്. ലോകത്ത് സെക്‌സ് റോബോട്ടുകള്‍ക്ക് അവര്‍ അര്‍ഹിക്കുന്ന ബഹുമാനം നേടിക്കൊടുക്കയാണ് തങ്ങളുടെ ലക്ഷ്യമെന്നും അവര്‍ പറയുന്നു. കമ്പനിയുടെ റിയല്‍ ബോട്ടിക്‌സ് ആപ്ലിക്കേഷന്‍ ഡൗണ്‍ലോഡ് ചെയ്ത് അതിലൂടെ വേശ്യാലയത്തിലെ റോബോട്ടുകളുമായി ബന്ധം സ്ഥാപിക്കാം. അവരോട് കാര്യങ്ങള്‍ തിരക്കാം, മാനസികാവസ്ഥ മനസിലാക്കാം. മനസിലുള്ള കാര്യങ്ങള്‍ കൈമാറാം.

പിന്നീട് വേശ്യാലയത്തില്‍ എത്തുമ്പോള്‍ ഈ റോബോട്ടുമായി സംവിദിക്കുകയും ബന്ധത്തില്‍ ഏര്‍പ്പെടുകയും ചെയ്യാം. ലൈംഗികബന്ധത്തില്‍ ഏര്‍പ്പെടുന്നതിന് മുമ്പ് റോബോട്ടുമായി സംസാരിച്ച് ഉഭയകക്ഷി ബന്ധത്തോടെ തന്നെ സെക്‌സ് ചെയ്യാം.

122 ഡോളറാണ്(ഏകദേശം 9000 രൂപ) റോബോട്ടുമായി സെക്‌സില്‍ ഏര്‍പ്പെടാനുള്ള ഉപഭോക്താവിന്റെ ചിലവ്. റോബോര്‍ട്ടിനെ സ്വന്തമാക്കുന്നതിന് പതിനായിരം ഡോളര്‍ (ഏകദേശം 71765 രൂപയാണ്) വിലയായി നല്‍കണം.