വന്ധ്യതയ്ക്ക് കാരണം ആര്‍ത്തവവും ഓവുലേഷനും മാത്രമല്ല; വന്ധ്യതയിലേയ്ക്ക് നയിക്കുന്ന കാരണങ്ങളിതാണ്!
വിവാഹം കഴിഞ്ഞ് വര്‍ഷങ്ങളായി കുഞ്ഞുങ്ങള്‍ ഇല്ലാതെ ദുഃഖിക്കുന്ന നിരവധി ദമ്പതിമാര്‍ നമുക്ക് ചുറ്റുമുണ്ട്. നിരവധി സര്‍ക്കാര്‍ ആശുപത്രികളും സ്വകാര്യ ആശുപത്രികളും ആയുര്‍വേദവും ഹോമിയോ എല്ലാ പരീക്ഷിക്കുന്നവരാണ് എല്ലാവരും. എന്നാല്‍ വന്ധ്യതാ പ്രശ്നങ്ങള്‍ക്ക് പിന്നിലെ കാരണങ്ങള്‍ പലര്‍ക്കും അറിയില്ല. ആര്‍ത്തവവും ഓവുലേഷനും മാത്രമല്ല പുരുഷന്മാരില് ബീജത്തിന്റെ ആരോഗ്യവും എണ്ണവും കൂടി ഇതിന്റെ പ്രശ്‌നങ്ങളില്‍പ്പെടുന്നു.
പുരുഷനില്‍ ഉണ്ടാവുന്ന ബീജ സംബന്ധമായ പ്രശ്നങ്ങള്‍ പലപ്പോഴും പല കാരണങ്ങള്‍ കൊണ്ടായിരിക്കാം. ബീജത്തിന്റെ എണ്ണക്കുറവും ഇതിന്റെ ചലനക്കുറവും ആരോഗ്യക്കുറവും എല്ലാം വന്ധ്യതയിലേക്ക് നയിക്കുന്നതാണ്. ബീജത്തിന്റെ എണ്ണം കുറയുന്നതിന്റെ പ്രധാനപ്പെട്ട ചില കാരണങ്ങള്‍ എന്തൊക്കെയാണെന്ന് നോക്കാം.
മരുന്നുകളുടെ ഉപയോഗം
ചില മരുന്നുകളുടെ ഉപയോഗം നേരിട്ട് ബീജങ്ങളുടെ എണ്ണവുമായി ബന്ധപ്പെട്ടിരിക്കുന്നു. ഇത് പേശികളുടെ ശക്തി ഉത്തേജിപ്പിക്കുകയും വൃഷണങ്ങള്‍ ചുരുങ്ങാന്‍ ഇടയാക്കുകയും ചെയ്യും. തത്ഫലമായി, ബീജത്തിന്റെ ഉത്പാദനം കുറയുകയും ഗുണനിലവാരത്തെ പോലും ബാധിക്കുകയും ചെയ്യുന്നു.അതുകൊണ്ടു തന്നെ ഡോക്ടര്‍ നിര്‍ദ്ദേശിക്കുമ്‌ബോള്‍ മാത്രം മരുന്നുകള്‍ കഴിക്കുക.
മദ്യപാനം
ബീജങ്ങളുടെ എണ്ണം കുറയാനുള്ള മറ്റൊരു കാരണം അമിത മദ്യപാനമാണ്. ഇത് ടെസ്റ്റോസ്റ്റിറോണ്‍ അളവിനെ നേരിട്ട് ബാധിക്കുകയും ബീജോത്പാദനം കുറയുകയും ചെയ്യുന്നു.
പുകയിലയുടെ ഉപയോഗം
പുകയിലയുടെ ഉപയോഗം പുരുഷന്മാരിലെ ബീജങ്ങളുടെ എണ്ണം കുറയ്ക്കുന്നതിനെ പ്രത്യേകിച്ച് പുകവലിക്കുന്ന സമയത്ത് വളരെയധികം ബാധിക്കുന്നു.
സമ്മര്‍ദ്ദം
ജീവിതശൈലിയിലും ജോലി സമയത്തിലുമുള്ള മാറ്റം നിരവധി ആളുകളുടെ ജീവിതത്തെ വളരെയധികം ബാധിക്കുന്നു. നീണ്ടുനില്‍ക്കുന്ന സമ്മര്‍ദ്ദകരമായ ജോലി സമയവും ഉറക്കമില്ലായ്മയും ബീജങ്ങളുടെ എണ്ണം കുറയ്ക്കാനുള്ള സാധ്യത കൂടുതലാണ്. മാത്രമല്ല, പ്രത്യുത്പാദന വ്യവസ്ഥയില്‍ ബീജ സാന്ദ്രതയെ പ്രതികൂലമായി ബാധിക്കും.
അമിതവണ്ണം
അമിതവണ്ണം വന്ധ്യതയ്ക്ക് കാരണമാകുന്നതായി അമേരിക്കന്‍ സൊസൈറ്റി ഫോര്‍ റിപ്രൊഡക്റ്റീവ് മെഡിസിന്‍ (എഎസ്ആര്‍എം) പറയുന്നു. ഭാരം കൂടുന്നത് ശരീരത്തിനുള്ളിലെ ഹോര്‍മോണ്‍ മാറ്റങ്ങള്‍ക്ക് ഇടയാക്കുകയും പുരുഷന്മാരില് ബീജോത്പാദനത്തിന് കാരണമാകുന്ന ടെസ്റ്റോസ്റ്റിറോണ്‍ അളവ് കുറയ്ക്കുകയും ചെയ്യുന്നു.
https://www.facebook.com/Malayalivartha
