ദാമ്പത്യ ജീവിതത്തില്‍ ഫോര്‍പ്ലേ പോലെ തന്നെ ആഫ്റ്റര്‍ പ്ലേയും പ്രധാനം; ആഫ്റ്റര്‍ പ്ലേ കൊണ്ടുള്ള ഗുണങ്ങള്‍ ഇതൊക്കെയാണ്!
ദാമ്പത്യ ജീവിതത്തില്‍ ഏറെ പ്രധാനപ്പെട്ട ഒന്നാണ് ലൈംഗികബന്ധം. ഇതില്‍ ഫോര്‍പ്ലേ ഏറെ പ്രധാനപ്പെട്ടതാണ്. എന്നാല്‍ ഫോര്‍പ്ലേ പോലെ തന്നെ ആഫ്റ്റര്‍ പ്ലേയും നല്ലൊരു കുടുംബബന്ധത്തിന് വേണമെന്നാണ് ആരോഗ്യ വിദഗ്ദര്‍ പറയുന്നത്. ആഫ്റ്റര്‍ പ്ലേ എന്നത് പൊതുവേ അവഗണിയ്ക്കപ്പെടുന്ന ഒന്നാണ്. എന്നാല്‍ ഇതിന് സ്ത്രീയെ സംബന്ധിച്ചിടത്തോളും പുരുഷനേക്കാള്‍ പ്രധാന്യമുള്ള ഒന്നാണ്. സ്ത്രീയെ കൂള്‍ഡൗണ്‍ ആക്കാന്‍ സഹായിക്കുന്ന ഒന്നാണ് ഇതെന്നു പറയാം.
ഇത്തരം ബന്ധത്തിനു ശേഷം പുരുഷന് ഏതാനും മിനിറ്റുകള്‍ക്കുള്ളില്‍ കൂള്‍ ഡൗണ്‍ ആകുമെങ്കിലും സ്ത്രീയ്ക്കിത് കൂടുതല്‍ സമയമെടുക്കും. അതായത് സ്ത്രീ വീണ്ടും ഇത്തരം കാര്യങ്ങള്‍ ആഗ്രഹിയ്ക്കും. ഇതിനുളള പരിഹാരമായി പറയുന്ന ഒന്നാണ് ആഫ്റ്റര്‍ പ്ലേ. കാരണം അടുപ്പിച്ചുള്ള സെക്സ് പലപ്പോഴും പുരുഷന് ശാരീരികമായ പ്രത്യേകതകളാല്‍ സാധ്യമാകാതെ വരുന്നു.
പങ്കാളികള്‍ തമ്മിലുളള ബന്ധം ഊട്ടിയുറപ്പിയ്ക്കുന്ന ഒന്നാണ് ആഫ്റ്റര്‍ പ്ലേ എന്നു പറയാം. ഇത് ഫിസിക്കല്‍ ബോണ്ടിംഗിനൊപ്പം ഇമോഷണല്‍ ബോണ്ടിംഗ് എന്ന ഘടകവും വര്‍ദ്ധിപ്പിയ്ക്കുന്നു. ഇത് മാനസികമായി കൂടുതല്‍ പങ്കാളികളെ അടുപ്പിയ്ക്കുന്നു. മാത്രവുമല്ല, ആരോഗ്യകരമായ ബന്ധത്തിന് വഴിയൊരുക്കുകയും ചെയ്യുന്നു.
പങ്കാളിയില്‍ നിന്നും ലാളന കൂടുതല്‍ ആഗ്രഹിക്കുന്ന സൈക്കോളജിയാണ് സ്ത്രീയുടേത്. സെക്സ് എന്നത് അവള്‍ക്ക് കൂടുതല്‍ മാനസികവുമായ ഘടകമാണ്. എന്നാല്‍ ഇത്തരമൊരു ബന്ധത്തിനു ശേഷം പുരുഷന് തിരിഞ്ഞു കിടന്നുറങ്ങുന്നത് പല സ്ത്രീകള്‍ക്കും തങ്ങള്‍ അവഗണിയ്ക്കപ്പെടുന്നുവെന്ന തോന്നലും തങ്ങളെ വെറും ഉപകരണമാക്കുന്നുവെന്ന തോന്നലുമുണ്ടാക്കുന്നതായി പഠനങ്ങള്‍ വെളിപ്പെടുത്തുന്നു.
ഇത് സ്ത്രീകളില്‍ ഇത്തരം ബന്ധത്തോട് തന്നെ താല്‍പര്യക്കുറവും സെക്സ് താല്‍പര്യക്കുറവുമെല്ലാമുണ്ടാക്കും. ഇത്തരം സ്ത്രീ പുരുഷ ബന്ധം ആസ്വാദ്യകരമാക്കുന്ന ഒന്നാണ് ഈ രീതിയിലെ ആഫ്റ്റര്‍ പ്ലേ എന്നത്. കാന്‍സസ് യുണിവേഴ്സിറ്റി നടത്തിയ പഠനത്തില്‍ സ്ത്രീകള്‍ സെക്സിനേക്കാള്‍ ഫോര്‍പ്ലേയും ആഫ്റ്റര്‍പ്ലേയും ആസ്വദിയ്ക്കുന്നുവെന്നു കണ്ടെത്തി. ഇത് വീണ്ടും ഇതെ ബന്ധത്തിലേയ്ക്കു വഴിയൊരുക്കുന്നു. സ്ത്രീയ്ക്ക് മള്‍ട്ടിപ്പില്‍ ഓര്‍ഗാസം പോലുള്ള ഘടകങ്ങള്‍ക്കും ആഫ്റ്റര്‍പ്ലേ വഴിയൊരുക്കുന്നു.
https://www.facebook.com/Malayalivartha
