സെക്‌സിനെ കുറിച്ചുള്ള അബദ്ധ ധാരണകൾ ഏറെയാണ് . അതിൽ പ്രധാനമാണ് മികച്ച സെക്‌സ് എത്രസമയം എടുക്കും എന്ന ചോദ്യം. പോൺ വീഡിയോകളിൽ നിന്നും മറ്റും കിട്ടിയ അറിവ് വെച്ച് ഡോക്ടറെ സമീപിക്കുന്നവരും തങ്ങളുടെ കഴിവുകേടിൽ മനം നൊന്തു കഴിയുന്നവരുമുണ്ട്.
പോണ്‍ വീഡിയോകളില്‍ കാണുന്നതല്ല യഥാര്‍ത്ഥ സെക്‌സ് . ഈ വിഷയത്തിൽ
അമേരിക്കയിലെ പെന്‍ സ്റ്റേറ്റ് യൂണിവേഴ്‌സിറ്റിയിലെ ഗവേഷകരായ എറി കോര്‍ട്ടിയും ജെനേ ഗാര്‍ഡിയാനിയും ചേര്‍ന്നാണ് സെക്‌സും സമയവും എന്ന കാര്യത്തില്‍ ഗവേഷണം നടത്തിയത്. അമ്പത് പേരിലായിരുന്നു ഗവേഷണം നടത്തിയിരിക്കുന്നത്. ശരാശരി എത്ര സമയമാണ് മികച്ച സെക്‌സ് അനുഭവത്തിനു എന്ന് ഗവേഷകര്‍ കണ്ടെത്തി. അത് ശരാശരി 13 മിനിട്ടില്‍ കൂടുതലാകില്ലെന്നാണ് പഠനത്തില്‍ കണ്ടെത്തിയത്.

ചിലരില്‍ ഇത് ഒന്ന് മുതല്‍ രണ്ട് മിനിട്ടിനുള്ളില്‍ സംഭവിയ്ക്കും. ഏഴ് മിനിട്ട് വരെ നീണ്ടു നില്‍ക്കുന്ന സെക്‌സ് ആണെങ്കില്‍ അത് കഷ്ടിച്ച് കൊള്ളാം എന്നാണ് വിലയിരുത്തല്‍.
ഏഴ് മിനിട്ട് മുതല്‍ 13 മിനിട്ട് വരെ നീണ്ടു നില്‍ക്കുന്ന ലൈംഗിക ബന്ധം ആണ് അഭികാമ്യം എന്ന് പഠനം പറയുന്നു. ചിലരില്‍ ലൈംഗിക ബന്ധം പത്ത് മുതല്‍ 30 മിനിട്ട് വരെ നീണ്ടുനില്‍ക്കാറുണ്ട്. ഇത് വളരെ അപൂര്‍വ്വമാണെന്നാണ് സര്‍വ്വേ വിലയിരുത്തുന്നത്. ശരാശരി കണക്കെടുത്തുനോക്കുകയാണെങ്കില്‍ അഞ്ച് മിനിട്ടാണ് ഒരു ലൈംഗിക ബന്ധത്തിന്റെ ദൈര്‍ഘ്യം എന്നും ഗവേഷണത്തില്‍ കണ്ടെത്തിയിട്ടുണ്ട്.

ലൈംഗികബന്ധത്തില്‍ ഏറ്റവും പ്രധാനമായ പേശികളാണ് വസ്തി പ്രദേശത്തുള്ളത്. ഈ പേശികള്‍ ശക്തിപ്പെടുത്തുന്നത് ലൈംഗികബന്ധത്തിന് ദൈര്‍ഘ്യം നല്കും.
പതിവായി വ്യായാമം ചെയ്യുക വഴി നല്ല സ്റ്റാമിന നേടാനും രക്തയോട്ടം വര്‍ദ്ധിപ്പിക്കാനും സാധിക്കും. പേശികളുടെ വലിച്ചില്‍ ഒഴിവാക്കാന്‍ കാലും കയ്യും സ്ട്രെച്ച് ചെയ്യുക. പേശികളില്‍ വേദനയുണ്ടാകാതിരിക്കാനുള്ള ഏറ്റവും ലളിതമായ മാര്‍ഗ്ഗമാണ് സ്ട്രെച്ചിങ്ങ്.
ആരോഗ്യകരമായ ശരീരഭാരം നിലനിര്‍ത്തേണ്ടതും നല്ല സെക്സിനു ആവശ്യമാണ്. കൊഴുപ്പ് കുറഞ്ഞ ഭക്ഷണങ്ങള്‍ ഉള്‍പ്പെട്ട മികച്ച സന്തുലനമുള്ള ആഹാരക്രമം പിന്തുടരുക. ധാരാളം പഴങ്ങളും, പച്ചക്കറികളും, മാംസവും കഴിക്കുക
ഉറക്കക്കുറവും മാനസിക സംഘർഷവും ലൈംഗികശേഷി കെടുത്തും