സെക്സ് സന്തോഷം മാത്രമല്ല നല്‍കുന്നത് അതിലുമുപരിയായി മറ്റു പലതുമുണ്ട്.ലൈംഗികമായ പൊരുത്തക്കേടുകള്‍ ജീവിതത്തിന്റെ മറ്റുതലങ്ങളിലേക്കും മറ്റു പ്രശ്‌നങ്ങള്‍ കിടപ്പുമുറിയിലേക്കും കടന്നുവരാറുണ്ട് .ലൈംഗികജീവിതം ആഹ്ലാദകരമാണെങ്കില്‍ മറ്റു മിക്ക പ്രശ്‌നങ്ങള്‍ക്കുമുള്ള പരിഹാരം അതുവഴി തന്നെ കണ്ടെത്താനാവും. അതു പോലെ, ജീവിതം ആഹ്ലാദകരമാണെങ്കില്‍ സെക്‌സും ആഹ്ലാദകരമാകും .
പങ്കാളികള്‍ തമ്മിലുള്ള വൈകാരികബന്ധത്തെ കൂടുതല്‍ ബലപ്പെടുത്തുന്നതിനു മാത്രമല്ല, ഓരോ ദിവസം കഴിയുന്തോറും ആ ബന്ധത്തിനു കൂടുതല്‍ യൗവനം നല്‍കുവാനും സെക്സിന് സാധിക്കും.
ദൈനംദിന ജീവിതത്തിലെ മാനസിക പിരിമുറക്കത്തിനുള്ള പരിഹാരം കൂടിയാണിത്.ആരോഗ്യമുള്ള ശരീരം, സന്തോഷമുള്ള മനസ്സ് എന്നിവയും ആരോഗ്യകരമായ ലൈംഗീക ബന്ധത്തിന്റെ ഫലങ്ങളാണ്. ഇത്രയും മാത്രമല്ല, പതിവായി സെക്സില്‍ ഏര്‍പ്പെടുന്നതില്‍ ഇനിയുമുണ്ട് കാര്യങ്ങള്‍.

1) ദീര്‍ഘായുസ്സ്:
ദിവസം കുറഞ്ഞത് ഒരു പ്രാവശ്യമെങ്കിലും രതിമൂര്‍ച്ഛയനുഭവിക്കുന്നവര്‍ രോഗം മൂലം മരണപ്പെടാനുള്ള സാധ്യതകള്‍ 50% ഇല്ലാതെയാകുന്നു എന്ന് ഒരു ഓസ്ട്രേലിയന്‍ ഗവേഷണത്തില്‍ പറയുന്നു.
2) പ്രത്യുല്‍പാദനശേഷി വര്‍ദ്ധിപ്പിക്കുന്നു:
നിരന്തരം ലൈംഗികബന്ധമുണ്ടാകുമ്പോൾ പുരുഷന്മാരില്‍ ആരോഗ്യമുള്ള ബീജങ്ങള്‍ ഉത്പാദിപ്പിക്കപ്പെടും. കുട്ടികളെ പ്രതീക്ഷിക്കുന്ന ദമ്പതികൾക്ക് ഇതൊരു അനുഗ്രഹമായിരിക്കും .
3) ആര്‍ത്തവം വേദനയില്ലാതെ:
ആര്‍ത്തവക്കാലത്ത് സ്ത്രീകള്‍ ഏറ്റവുമധികം പ്രയാസം നേരിടുന്നത് അടിവയറ്റിലെ ശക്തമായ വേദന മൂലമാണ്. സെക്സ് പതിവാകുമ്പോൾ ആര്‍ത്തവക്കാലത്തെ വേദനയും ഇല്ലാതാകും.
4) പേശികളുടെ നിയന്ത്രണത്തിന്:
വ്യായാമത്തിനു തുല്യമായ പ്രയോജനം സെക്സ് നല്‍കുന്നുണ്ട്. പ്രായം ചെല്ലുന്തോറും മൂത്രം തടഞ്ഞുനിര്‍ത്തുന്നതിനും മറ്റും ബുദ്ധിമുട്ടുണ്ടാകാറുണ്ട്. പ്രത്യേകിച്ച്‌, ആര്‍ത്തവവിരാമം സംഭവിച്ചവരില്‍ ഇതിനുള്ള സാധ്യതകള്‍ കൂടുതലാണ്. എന്നാല്‍ സെക്സ് ഇതിനൊരു പരിഹാരമാണ്.

5) രോഗപ്രതിരോധത്തിനുള്ള ഒറ്റമൂലി:
ലൈംഗികമായി ബന്ധപ്പെടുമ്പോൾ ശരീരത്തില്‍ ഇമ്മ്യുണോഗ്ലോബിന്‍ ഉത്പാദിപ്പിക്കപ്പെടുന്നുണ്ട്. കൂടാതെ ഈ അവസരത്തില്‍ DHEA എന്ന സ്റ്റീറോയ്ഡും അഞ്ചിരട്ടിയാണ് ശരീരത്തില്‍ ഉത്പാദിക്കപ്പെടുന്നതത്രേ. ജലദോഷം മുതല്‍ തലവേദന വരെ പ്രതിരോധിക്കാന്‍ പതിവായി സെക്സില്‍ ഏര്‍പ്പെട്ടാല്‍ മതിയാകും.
6) ഹൃദ്രോഗങ്ങള്‍ക്ക് കുറഞ്ഞ സാധ്യത:
ആഴ്ചയില്‍ മൂന്നു തവണയെങ്കിലും രതിമൂര്‍ച്ഛ അനുഭവിക്കുന്നവരില്‍ ഹൃദ്രോഗമുണ്ടാകാനുള്ള സാധ്യത കുറവാണെന്നു സര്‍വ്വെയിലൂടെ കണ്ടെത്തിയിട്ടുണ്ട്.
7) അമിതഭാരം ഇല്ലാതാക്കുന്നു:
വ്യായാമത്തിന് തുല്യമായ പ്രയോജനം ലഭിക്കുന്നതിനാല്‍ ഒരു തവണ ബന്ധപ്പെടുമ്പോൾ മാത്രം 100 കാലറി വരെ നഷ്ടപ്പെടുന്നുണ്ട് എന്നാണ് വിലയിരുത്തപ്പെടുന്നത്.
8)ആത്മവിശ്വാസം വര്‍ദ്ധിപ്പിക്കുന്നു:
ടെക്സാസ് സര്‍വ്വകലാശാലയാണ് ഇത് സംബന്ധിച്ച സര്‍വ്വേ നടത്തിയത്. ആരോഗ്യകരമായ സെക്സ് ആത്മവിശ്വാസം വര്‍ദ്ധിപ്പിക്കുന്നു.
9) ആകര്‍ഷകമായ വ്യക്തിത്വം:
ആള്‍ക്കൂട്ടത്തില്‍ ആകര്‍ഷകമായ വ്യക്തിത്വം ഉണ്ടാകണോ? ലൈംഗിക ജീവിതത്തില്‍ സംതൃപ്തിയുണ്ടെങ്കില്‍ ഇത് സാധ്യമാകും. ഇണയെ ആകര്‍ഷിക്കുവാനുള്ള ഹോര്‍മോണ്‍ കൂടുതലായി ഉത്പാദിക്കപ്പെടുന്നത് കൊണ്ടാണിത്.

10 ) യുവത്വം നിലനിര്‍ത്താന്‍:
പതിവായി സെക്സില്‍ ഏര്‍പ്പെടുന്ന മുതിര്‍ന്ന ദമ്പതികള്‍ക്ക് അവരുടെ യഥാര്‍ത്ഥ പ്രായത്തെക്കാള്‍ 5 മുതല്‍ 7 വയസു കുറവായിരിക്കും കാഴ്ചയില്‍ തോന്നിപ്പിക്കുകയെന്നു റോയല്‍ എഡിന്‍ബര്‍ഗ് ഹോസ്പിറ്റലിലെ ഡോ: ഡേവിഡ് വീക്സ് പറയുന്നു. വിപണിയില്‍ ലഭിക്കുന്ന ഏതു ആന്‍റി-ഏജിംഗ് ക്രീമിനെക്കാള്‍ ഫലപ്രദമായ തന്ത്രമാണിത്. കൂടാതെ ഇവര്‍ക്ക്ച ര്‍മ്മത്തിനു നല്ല തിളക്കവും ലഭിക്കുമത്രേ.
11) നല്ല ഉറക്കം:
ആവശ്യത്തിന് ഉറക്കം ഇല്ലെന്നു തോന്നുന്നുണ്ടോ? പങ്കാളിയോടൊപ്പം നല്ല നിമിഷങ്ങള്‍ ചെലവിടുകയാണ് മികച്ച പോംവഴി.

എല്ലാ ലൈംഗികബന്ധങ്ങളും ഒരേ പോലെ ആഹ്ലാദകരമാവണമെന്നില്ല. എല്ലായ്‌പോഴും രതിമൂര്‍ച്ഛയുണ്ടാവണമെന്നുമില്ല. മനസ്സിലുണ്ടാവുന്ന നിറവാണ് രതിമൂര്‍ച്ഛ. അതിനുവേണ്ടി കാത്തിരിക്കേണ്ടതില്ല. തികഞ്ഞ തൃപ്തിയോടെസുഖകരമായ ഒരാലസ്യത്തിലേക്കു നയിക്കുന്ന ലൈംഗികവേഴ്ച ആഹ്ലാദകരം തന്നെയായിരിക്കും.ഇണയുടെ, പ്രത്യേകിച്ചു സ്ത്രീയുടെ, ശാരീരിക മാനസിക വിഷമതകള്‍ മനസ്സിലാക്കി സ്നേഹത്തോടെയും കരുതലോടെയും ഉള്ള ബന്ധങ്ങൾ ജീവിതത്തിനു പുത്തനുണർവ് നൽകും