ഗള്ഫ് രാജ്യങ്ങളില് നിന്ന് എത്തുന്നവര്ക്ക് ഏഴ് ദിവസത്തെ ഹോം ക്വാറന്റൈന് നിർബന്ധമല്ല; ഹോം ക്വാറന്റൈനില് കഴിയേണ്ടത് കേന്ദ്ര സര്ക്കാര് റിസ്ക് വിഭാഗത്തില് പെടുത്തിയ രാജ്യങ്ങളില് നിന്ന് വരുന്നവര് മാത്രം!
കൊറോണ വൈറസിന്റെ പുതിയ വകഭേദമായ ഒമിക്രോൺ കണ്ടെത്തിയ സാഹചര്യത്തിൽ ഗള്ഫ് രാജ്യങ്ങളില് നിന്ന് എത്തുന്നവര്ക്ക് ഏഴ് ദിവസത്തെ ഹോം ക്വാറന്റൈന് ബാധകമല്ല എന്നാണ് അധികൃതർ വ്യക്തമാക്കുന്നത്. എന്നാൽ കേന്ദ്ര സര്ക്കാര് റിസ്ക് വിഭാഗത്തില് പെടുത്തിയ രാജ്യങ്ങളില് നിന്ന് വരുന്നവര് മാത്രമാണ് നെഗറ്റീവ് ആണെങ്കിലും ഹോം ക്വാറന്റൈനില് കഴിയേണ്ടത്.
കോവിഡ് വൈറസിന്റ് പുതിയ വകഭേദമായ ഒമിക്രോണ് പടരുന്ന പശ്ചാത്തലത്തിലാണ് അന്താരാഷ്ട്ര യാത്രികര്ക്കുള്ള മാര്ഗ രേഖ കേന്ദ്ര സര്ക്കാര് വീണ്ടും പുതുക്കിയിരിക്കുന്നത്. വിദേശത്ത് നിന്ന് വരുന്ന എല്ലാവരും 72 മണിക്കൂര് മുമ്പ് തന്നെ ആര്.ടി.പി.സി.ആര് പരിശോധന നടത്തി എയര് സുവിധ പോര്ട്ടലില് സത്യവാങ്ങ്മൂലം നല്കിയിരിക്കണം. ഇതില് അപകട സാധ്യതാ പട്ടികയിലുള്ള രാജ്യങ്ങളില് നിന്ന് വരുന്നവര് ഇന്ത്യയിലെ വിമാനത്താവളത്തില് വീണ്ടും ആര്.ടി.പി സി ആര് പരിശോധന നടത്തേണ്ടതാണ്.
കൂടത്തെ പോസിറ്റീവാണെങ്കില് സാംപിള് ജനിതിക ശ്രേണി പരിശോധനയ്ക്ക് അയക്കുകയും പ്രൊട്ടോകോള് പ്രകാരം ചികിത്സയ്ക്ക് വിധേയമാകുകയും ചെയ്യണം. നെഗറ്റീവ് ആകുന്നവര് 7 ദിവസത്തെ ഹോം ക്വാറന്റെയിന് പൂര്ത്തിയാക്കി എട്ടാം ദിവസം വീണ്ടും പരിശോധന നടത്തണം. നെഗറ്റീവ് ആണെങ്കില് 7 ദിവസം സ്വയം നിരീക്ഷണത്തില് കഴിയുകയും ചെയ്യണം. അപകട സാധ്യതയില്ലാത്ത രാജ്യങ്ങളില് നിന്ന് വരുന്നവരില് 5 ശതമാനം പേരെ തിരഞ്ഞെടുത്ത് പരിശോധിക്കുന്നതാണ്. അവരില് പോസിറ്റീവ് ആകുന്നവരുടെ സാംപിള് ജനിതിക ശ്രേണി പരിശോധനയ്ക്ക് അയക്കുകയും ചെയ്യും.
അതേസമയം ബ്രിട്ടന് ഉള്പ്പെടെയുള്ള യൂറോപ്യന് രാജ്യങ്ങള്, സൗത്ത് ആഫ്രിക്ക, ബ്രസീല്, ബംഗ്ലാദേശ്, ബോട്ട്സ്വാന, ചൈന, മൗറീഷ്യസ് , ന്യൂസ്ലാന്്റ്, സിംബാവേ, സിങ്കപ്പൂര്, ഹോങ്കോങ്, ഇസ്രേയില് എന്നീ രാജ്യങ്ങളാണ് ഇന്ത്യ അപകട സാധ്യതാ വിഭാഗത്തില് ഉള്പ്പെടുത്തിയിരിക്കുന്നത്. ഗള്ഫ് രാജ്യങ്ങളില് നിന്ന് വരുന്നവര്ക്ക് ക്വാന്്റയിന് നിര്ബദ്ധമാണന്ന അഭ്യൂഹം പടര്ന്നിരുന്നു. ആയതിനാൽ തന്നെ കേന്ദ്ര സര്ക്കാര് വ്യക്തത വരുത്തിയതോടെ സംസ്ഥാനവും ഗള്ഫില് നിന്ന് വരുന്നവര്ക്ക് ക്വാന്്റയിന് നിര്ബന്ധമാക്കില്ല.
https://www.facebook.com/Malayalivartha
