നാട്ടിലുള്ള ഇന്ത്യക്കാർക്കും ആനുകൂല്യം നൽകി സൗദി അറേബ്യ; ഇഖാമയുടെയും റീ എന്ട്രിയുടെയുംകാലാവധി സൗജന്യമായി ദീര്ഘിപ്പിക്കുന്ന ആനുകൂല്യം ഇന്ത്യയടക്കം 17 രാജ്യങ്ങളില് നിന്നുള്ളവര്ക്കും! പ്രവാസികൾക്ക് സന്തോഷ വാർത്ത
പ്രവാസികൾക്ക് സന്തോഷ വാർത്തയുമായി സൗദി അറേബ്യ. പ്രവാസികളായ വിവിധ രാജ്യക്കാർക്ക് സൗദി അനവദിച്ച ആനുകൂല്യം ഇനിമുതൽ നാട്ടിലുള്ള ഇന്ത്യക്കാർക്കും ലഭിക്കുമെന്ന് സൗദി പാസ്പോർട്ട് ഡയറക്ടറേറ്റ് അറിയിക്കുകയുണ്ടായി. ഇഖാമയുടെയും റീ എന്ട്രിയുടെയുംകാലാവധി സൗജന്യമായി ദീര്ഘിപ്പിക്കുന്ന ആനുകൂല്യം ഇന്ത്യയടക്കം 17 രാജ്യങ്ങളില് നിന്നുള്ളവര്ക്കും ലഭിക്കുന്നതായിരിക്കും.
ഇന്ത്യ, ബ്രസീല്, ഇന്തോനേഷ്യ, പാകിസ്താന്, തുര്ക്കി, ലബനാന്, ഈജിപ്ത്, എത്യോപ്യ, വിയറ്റ്നാം, അഫ്ഗാനിസ്താന്, ദക്ഷിണാഫ്രിക്ക, സിംബാവേ, നമീബിയ, മൊസാംബിക്ക്, ബോട്സ്വാന, ലിസോത്തോ, ഇസ്വാതിനി എന്നീ രാജ്യങ്ങളില് നിന്നുള്ളവര്ക്കാണ് ഈ ആനുകൂല്യം ലഭ്യമാകുക. ഇന്ത്യയടക്കമുള്ള ഏതാനും രാജ്യങ്ങളില് നിന്നുള്ളവര്ക്ക് യാത്രാ വിലക്ക് പിന്വലിച്ചതായി സൗദി അറേബ്യ അറിയിച്ചിട്ടുണ്ടെങ്കിലും ഒരിക്കല് കൂടി ആനുകൂല്യം ലഭിക്കുന്നത് പ്രവാസികൾക്ക് ഏറെ സന്തോഷം പകരുന്ന വാർത്തയാകുന്നു.
അതോടൊപ്പം തന്നെ യാത്രാവിലക്കുള്ള രാജ്യങ്ങളില് നിന്ന് സൗദിയിലെത്താന് സാധിക്കാത്തവരുടെ ഇഖാമയുടെയും റീ എന്ട്രിയുടെയും കാലാവധി രാജാവിന്റെ നിര്ദേശപ്രകാരം ദീര്ഘിപ്പിച്ചു നല്കുമെന്ന് ഇന്നലെയാണ് ജവാസാത്ത് അറിയിപ്പ് നൽകിയത്. ജനുവരി 31 വരെയാണ് കാലാവധി പുതുക്കുക. സൗജന്യമായി സ്വമേധയാ തന്നെ ഇവയുടെ കാലാവധി ദീര്ഘിപ്പിച്ച് നല്കുകയായിരിക്കും ചെയ്യുന്നത്. ആയതിനാൽ തന്നെ നാട്ടിൽ കുടുങ്ങിപ്പോയ പ്രവാസികൾക്ക് ഇത് സന്തോഷ വാർത്തയാകുന്നു.
https://www.facebook.com/Malayalivartha
