ഒമാനിലേക്ക് മയക്കുമരുന്ന് കടത്താൻ ശ്രമം; രണ്ട് പ്രവാസികള് പിടിയില്, ഇവർ പോലീസിന്റെ പിടിയിലായത് കടൽമാർഗം അനധികൃതമായി രാജ്യത്തേക്ക് കടക്കാൻ ശ്രമിക്കുന്നതിനിടയിൽ
ഒമാനിലേക്ക് മയക്കുമരുന്ന് കടത്താന് ശ്രമിക്കുകയായിരുന്ന രണ്ട് പ്രവാസികളെ പൊലീസ് പിടികൂടിയതായി റിപ്പോർട്ട്. തെക്കൻ ബാത്തിന ഗവര്ണറേറ്റിന്റെ പുറംകടലില് എത്തിയ ഒരു ബോട്ടില് മയക്കുമരുന്ന് കടത്താനായിരുന്നു ഇവർ ശ്രമിച്ചത്. ഇത്തരത്തിൽ പിടിയിലായ രണ്ട് പേരും രാജ്യത്തേക്ക് അനധികൃതമായി പ്രവേശിച്ചവരുമാണെന്ന് റോയല് ഒമാന് പൊലീസ് അറിയിക്കുകയുണ്ടായി.
അതോടൊപ്പം തന്നെ കടൽമാർഗം അനധികൃതമായി രാജ്യത്തേക്ക് കടക്കാൻ ശ്രമിക്കുന്നതിനിടയിലാണ് ഇവർ പോലീസിന്റെ പിടിയിൽ അകപ്പെട്ടതെന്ന് റോയൽ ഒമാൻ പോലീസ് പുറത്തിറക്കിയ പ്രസ്താവനയിൽ വ്യക്തമാക്കുന്നു. ഇവർ സഞ്ചരിച്ചിരുന്ന ബോട്ടിൽ നിന്ന് 60 കിലോഗ്രാം ക്രിസ്റ്റൽ മയക്കുമരുന്ന് പൊലീസ് പിടിച്ചെടുത്തു. പിടിയിലായവര്ക്കെതിരായ നിയമനടപടികള് പൂര്ത്തീകരിച്ചു കഴിഞ്ഞുവെന്ന് റോയല് ഒമാന് പൊലീസ് പ്രസ്താവനയില് വ്യക്തമാക്കി.
https://www.facebook.com/Malayalivartha