യു.എ.ഇയിലെ സര്‍ക്കാര്‍ ജീവനക്കാരുടെ വാരാന്ത്യ അവധിദിനങ്ങളില്‍ മാറ്റം വരുത്തിയതായി അധികൃതർ അറിയിച്ചു. ഇനി മുതല്‍ ശനി, ഞായര്‍ ദിവസങ്ങളിലായിരിക്കും അവധി എന്നാണ് അറിയാൻ കഴിയുന്നത്.

വെള്ളി ഉച്ചവരെ പ്രവൃത്തിദിനമായിരിക്കുന്നതാണ്. വെള്ളി രാവിലെ 7.30 മുതല്‍ ഉച്ചക്ക് 12 വരെയായിരിക്കും പ്രവൃത്തി സമയം. തിങ്കള്‍ മുതല്‍ വ്യാഴം വരെ രാവിലെ 7.30 മുതല്‍ വൈകീട്ട് 3.30 വരെ ഓഫീസുകള്‍ പ്രവര്‍ത്തിക്കുകയും ചെയ്യുമെന്ന് അധികൃതർ അറിയിക്കുകയും ചെയ്തിട്ടുണ്ട്.

അതോടൊപ്പം തന്നെ ആഴ്ചയില്‍ നാലരദിവസമായിരിക്കും പ്രവൃത്തിദിനങ്ങള്‍. ജനുവരി ഒന്നുമുതല്‍ തീരുമാനം പ്രാബല്യത്തിലാകും. നേരത്തെ വെള്ളി, ശനി ദിവസങ്ങളിലായിരുന്നു അവധി. ഇതോടെ യുഎഇ ദേശീയ പ്രവൃത്തി ദിനം അഞ്ചുദിവസത്തിലും താഴെയാക്കുന്ന ലോകത്തെ ആദ്യ രാജ്യമായി മാറും. പ്രവൃത്തി ദിനങ്ങളില്‍ എട്ടര മണിക്കൂര്‍ വീതമാണ് പ്രവര്‍ത്തന സമയം ഉള്ളത്. വെള്ളിയാഴ്ച നാലര മണിക്കൂറും പ്രവര്‍ത്തന സമയമുണ്ട്.

അങ്ങനെ വെള്ളിയാഴ്ച ജീവനക്കാര്‍ക്ക് വര്‍ക്ക് ഫ്രം ഹോമടക്കം തിരഞ്ഞെടുക്കാനും പുതിയ നയത്തിലൂടെ സാധിക്കുന്നതായിരിക്കും. ദൈര്‍ഘ്യമേറിയ വാരാന്ത്യം ഉല്‍പ്പാദനക്ഷമത വര്‍ദ്ധിപ്പിക്കുന്നതിനും തൊഴില്‍-ജീവിത ബാലന്‍സ് മെച്ചപ്പെടുത്തുന്നതിനും ലക്ഷ്യമിട്ടാണെന്ന് അധികൃതര്‍ അറിയിക്കുകയും ചെയ്തിട്ടുണ്ട്.

അതേസമയം കോവിഡ് വ്യാപനം തുടങ്ങിയ ശേഷം ലോകം കണ്ട ഏറ്റവും വലിയ മേളയായ എക്സ്പോ 2020 ഇതുവരെ 56.6 ലക്ഷം പേർ സന്ദർശിച്ചതായി അധികൃതർ അറിയിച്ചു. ഓൺലൈൻ വഴി (Live@Expo) രണ്ടരക്കോടി പേർ എക്സ്പോ കാണുകയും ചെയ്തിട്ടുണ്ട്. ഒക്ടോബർ ഒന്നു മുതൽ ഡിസംബർ അഞ്ചുവരെ 5,66,39,60 പേരാണ് സന്ദർശനം നടത്തിയത്.

ലഭ്യമാകുന്ന വിവരം അനുസരിച്ച് ഒരു ദിവസം കൊണ്ട് എക്സ്പോ മുഴുവൻ കണ്ടുതീരില്ലെന്നു മനസ്സിലാക്കി സന്ദർശകരിൽ പത്തിൽ ആറുപേർ സീസണൽ പാസും വാങ്ങി. ആദ്യ രണ്ടുമാസത്തിനുള്ളിൽ 12 ലക്ഷം പേർ (57%) വീണ്ടും എക്സ്പോ കാണുകയുണ്ടായി. രാഷ്ട്രത്തലവന്മാർ ഉൾപ്പടെ 5383 പേർ ഔദ്യോഗിക സന്ദർശകരായി. ആദ്യ രണ്ടുമാസത്തിനുള്ളിൽ 10461 പരിപാടികളും എക്സ്പോയിൽ അരങ്ങേറിയിരുന്നു.