ലോകത്തെ വീണ്ടും അമ്പരപ്പിച്ച് യുഎഇ; ആദ്യമായി ആഴ്ചയിൽ നാലര ദിവസം മാത്രം ജോലി, പൊതുമേഖല സ്ഥാപനങ്ങളിൽ പ്രവൃത്തി ദിവസങ്ങൾ നാലരദിവസമായി കുറച്ച് തൊഴിലാളി സൗഹൃദത്തിന്റെ പുതിയ അധ്യായം രചിച്ചുകൊണ്ട് ചരിത്രം കുറിച്ച് യുഎഇ, സ്വകാര്യ മേഖലകളിലും പുതിയ സമയക്രമം നടപ്പാക്കണമെന്നും യുഎഇ അധികൃതർ
വീണ്ടും നിർണായ പ്രഖ്യാപനം നടത്തിക്കൊണ്ട് കയ്യടി നേടുകയാണ് യുഎഇ . ഗൾഫ് രാഷ്ട്രങ്ങളിൽ മാത്രമല്ല ലോകത്ത് തന്നെ ഇതാദ്യമായാണ് ഇത്തരത്തിൽ ഒരു പ്രഖ്യാപനം വന്നിരിക്കുന്നത്. അതായത് പൊതുമേഖല സ്ഥാപനങ്ങളിൽ പ്രവൃത്തി ദിവസങ്ങൾ നാലരദിവസമായി കുറച്ച് തൊഴിലാളി സൗഹൃദത്തിന്റെ പുതിയ അധ്യായം രചിച്ചുകൊണ്ട് ചരിത്രം കുറിക്കുകയാണ് യുഎഇ. ആഗോള തൊഴിൽക്രമത്തിൽനിന്നു മാറി ഇതാദ്യമായാണ് ഒരു രാജ്യം പ്രവൃത്തിദിവസം അഞ്ചിൽനിന്നും കുറയ്ക്കുന്നത്. സ്വകാര്യ മേഖലകളിലും പുതിയ സമയക്രമം നടപ്പാക്കണമെന്നും യുഎഇ അധികൃതർ നിർദേശിച്ചിരിക്കുകയാണ്.
കഴിഞ്ഞ ദിവസം പുറത്തുവന്ന പ്രഖ്യാപനം അനുസരിച്ച് തിങ്കൾ മുതൽ വ്യാഴം വരെ രാവിലെ 7.30 മുതൽ വൈകീട്ട് 3.30 വരെ എട്ടു മണിക്കൂറായിരിക്കും പ്രവൃത്തിസമയം. വെള്ളിയാഴ്ച രാവിലെ 7.30 മുതൽ ഉച്ചയ്ക്ക് 12 വരെയും. വെള്ളിയാഴ്ച ഉച്ചമുതൽ ശനിയും ഞായറുമടക്കം രണ്ടര ദിവസമായിരിക്കും വാരാന്ത്യ അവധി എന്നത്. ഇതാദ്യമായി ആഗോള തൊഴിൽക്രമത്തിനനുസരിച്ച് വാരാന്ത്യ അവധിദിനം പുനക്രമീകരിക്കുകയും ചെയ്തിട്ടുണ്ട്.
അതേസമയം മൊത്തം 36 മണിക്കൂറായിരിക്കും ഇനിമുതൽ യുഎഇയിലെ പ്രതിവാര പ്രവൃത്തിസമയം എന്നത്. നേരത്തെ സ്വീഡനും തൊഴിൽസമയം കുറച്ചിരുന്നു. എന്നാൽ, ഇത് 40 മണിക്കൂറായിരുന്നു. പ്രവൃത്തിസമയം വെട്ടിക്കുറച്ചും വാരാന്ത്യ അവധി സമയം കൂട്ടിയും തൊഴിലാളിക്ഷേമവും ആരോഗ്യവും ഉറപ്പിക്കുകയും അതുവഴി പ്രവർത്തനക്ഷമത കൂട്ടുകയുമാണ് ലക്ഷ്യമിടുന്നതെന്നാണ് യുഎഇ വൃത്തങ്ങൾ അറിയിച്ചിരിക്കുന്നത്.
ഇതിനുപിന്നാലെ പുതിയ വാരാന്ത്യ അവധിയും പുതുക്കിയ പ്രവൃത്തി സമയവും രാജ്യത്തെ സ്വകാര്യ സ്ഥാപനങ്ങളും പിന്തുടരണമെന്ന് യുഎഇ തൊഴിൽമന്ത്രി അബ്ദുറഹ്മാൻ അബ്ദുൽ മന്നാൻ അറിയിച്ചിട്ടുണ്ട്. കൂടുതൽ അവധിയുടെ പ്രയോജനം സ്വകാര്യ മേഖലയിലെ ജീവനക്കാർക്കും കുടുംബത്തിനും ലഭിക്കണമെന്നും തൊഴിൽമന്ത്രി പറയുകയായിരുന്നു. അബൂദബിയിലെ സ്വകാര്യ സ്കൂളുകളും പുതിയ സമയക്രമത്തിലേക്ക് മാറുമെന്ന് അറിയിച്ചിട്ടുണ്ട്. അബൂദബിയിലെ സ്വകാര്യ സ്കൂളുകളും പുതിയ അവധി രീതിയിലേക്ക് മാറും. സ്കൂളുകൾക്ക് ശനി, ഞായർ പൂർണ അവധിയും, വെള്ളി ഭാഗിക അവധിയും നൽകാൻ എഡിഇകെ തീരുമാനിച്ചിരിക്കുകയാണ്.
അതോടൊപ്പം തന്നെ നിലവിൽ പൊതുമേഖലയ്ക്ക് വെള്ളി, ശനി ദിവസങ്ങളിലും സ്വകാര്യ മേഖലയ്ക്ക് വെള്ളി മാത്രവുമാണ് അവധി ഉള്ളത്. സ്വകാര്യമേഖലയിൽ ചില കമ്പനികളും ഒാഫിസുകളും ശനിയാഴ്ച കൂടി അവധി നൽകിവരുന്നു. എന്നാൽ, തൊഴിലാളികൾക്ക് ഭൂരിഭാഗത്തിനും വെള്ളിയാഴ്ച ഒരു ദിവസം മാത്രമാണ് വാരാന്ത്യ അവധി. അന്ന് പോലും ജോലി ചെയ്യുന്നവരുണ്ട്. പക്ഷേ, ഇവർക്ക് ആ ദിവസത്തെ അധികശമ്പളം ലഭിക്കുകയും അവധി പിന്നീട് എടുക്കുകയും ചെയ്യാവുന്നതാണ്.
അങ്ങനെ രണ്ടര ദിവസം അവധി കിട്ടുകയാണെങ്കിൽ ഇടയ്ക്കിടെ നാട്ടിലേയ്ക്ക് പോലും പോയി വരാൻ ആഗ്രഹിക്കുന്നവരുണ്ട്. വിമാന ടിക്കറ്റ് നിരക്ക് മിതമായ മുൻ കാലങ്ങളിൽ, നാലു ദിവസം അടുപ്പിച്ചു പൊതു അവധി കിട്ടിയിരുന്നപ്പോള് ഇത്തരത്തിൽ യാത്ര ചെയ്തിരുന്നവർ മലയാളികളടക്കം ഒട്ടേറെ പേരാണ്. എന്നാൽ, തത്കാലം പൊതുമേഖലയ്ക്ക് മാത്രമാണ് രണ്ടര ദിവസത്തെ അവധി ലഭിക്കുക. സ്വകാര്യമേഖലയുടെ പ്രവൃത്തി ദിവസങ്ങളിൽ മാറ്റമുണ്ടാകുമോ എന്ന് വരും ദിവസങ്ങളിൽ അറിയാൻ സാധിക്കുന്നതെ. അതിനുള്ള കാത്തിരിപ്പിലാണ് പ്രവാസികൾ ഏവരും.
https://www.facebook.com/Malayalivartha