ദുബായിൽ വൻ തീപിടിത്തം; ഷെയ്ഖ് സയ്ദ് റോഡിലുളള ഒരു ജനവാസകേന്ദ്രത്തിൽ അൽ ഖദീർ ടവറിന്റെ 15ാം നിലയിൽ തീപിടിത്തം
ദുബായിലെ ഷെയ്ഖ് സയ്ദ് റോഡിലുളള ഒരു ജനവാസകേന്ദ്രത്തിൽ വൻ തീപിടിത്തം റിപ്പോർട്ട് ചെയ്തു. അൽ ഖദീർ ടവറിന്റെ 15ാം നിലയിലാണ് തീപിടിത്തമുണ്ടായിരിക്കുന്നത്. ദുബായ് സമയം രാത്രി 9.30ഓടെയാണ് (ഇന്ത്യൻ സമയം രാത്രി 11) തീപിടിത്തമുണ്ടായതെന്ന് ടവറിലെ താമസക്കാർ വ്യക്തമാക്കി.
അതേസമയം വിവരമറിഞ്ഞ് അടിയന്തരമായി തീയണയ്ക്കാൻ അഗ്നിരക്ഷാ സേനയും മറ്റ് ഉദ്യോഗസ്ഥരും സ്ഥലത്തേക്ക് പുറപ്പെട്ടിട്ടുണ്ട്. ഇന്ന് പകൽ സമയത്ത് രണ്ട് തീപിടിത്തം ദുബായിലുണ്ടായിട്ടുണ്ട്. രണ്ട് സംഭരണ ശാലകളിലുണ്ടായ തീപിടിത്തം അഗ്നിരക്ഷാ സേന കെടുത്തിയിട്ടുണ്ട്. ഷാർജയിൽ അൽ കസ്ബ പാലത്തിലൂടെ ആപ്പിളുമായി വന്ന ലോറിയും തീപിടിച്ചിരുന്നു. ലോറി നിന്നതിന് സമീപമുളള വാഹനങ്ങളിലേക്കും തീപടർന്ന് നാശനഷ്ടമുണ്ടായിരുന്നു.
അതോടപ്പം തന്നെ വീണ്ടും നിർണായ പ്രഖ്യാപനം നടത്തിക്കൊണ്ട് കയ്യടി നേടുകയാണ് യുഎഇ . ഗൾഫ് രാഷ്ട്രങ്ങളിൽ മാത്രമല്ല ലോകത്ത് തന്നെ ഇതാദ്യമായാണ് ഇത്തരത്തിൽ ഒരു പ്രഖ്യാപനം വന്നിരിക്കുന്നത്. അതായത് പൊതുമേഖല സ്ഥാപനങ്ങളിൽ പ്രവൃത്തി ദിവസങ്ങൾ നാലരദിവസമായി കുറച്ച് തൊഴിലാളി സൗഹൃദത്തിന്റെ പുതിയ അധ്യായം രചിച്ചുകൊണ്ട് ചരിത്രം കുറിക്കുകയാണ് യുഎഇ.
ആഗോള തൊഴിൽക്രമത്തിൽനിന്നു മാറി ഇതാദ്യമായാണ് ഒരു രാജ്യം പ്രവൃത്തിദിവസം അഞ്ചിൽനിന്നും കുറയ്ക്കുന്നത്. സ്വകാര്യ മേഖലകളിലും പുതിയ സമയക്രമം നടപ്പാക്കണമെന്നും യുഎഇ അധികൃതർ നിർദേശിച്ചിരിക്കുകയാണ്.
കഴിഞ്ഞ ദിവസം പുറത്തുവന്ന പ്രഖ്യാപനം അനുസരിച്ച് തിങ്കൾ മുതൽ വ്യാഴം വരെ രാവിലെ 7.30 മുതൽ വൈകീട്ട് 3.30 വരെ എട്ടു മണിക്കൂറായിരിക്കും പ്രവൃത്തിസമയം. വെള്ളിയാഴ്ച രാവിലെ 7.30 മുതൽ ഉച്ചയ്ക്ക് 12 വരെയും. വെള്ളിയാഴ്ച ഉച്ചമുതൽ ശനിയും ഞായറുമടക്കം രണ്ടര ദിവസമായിരിക്കും വാരാന്ത്യ അവധി എന്നത്. ഇതാദ്യമായി ആഗോള തൊഴിൽക്രമത്തിനനുസരിച്ച് വാരാന്ത്യ അവധിദിനം പുനക്രമീകരിക്കുകയും ചെയ്തിട്ടുണ്ട്.
https://www.facebook.com/Malayalivartha