അഞ്ചു വയസ്സിനു മുകളിലുള്ളവരുടെ വാക്‌സിനേഷന്‍ ഫെബ്രുവരിയില്‍; ഫൈസര്‍ വാക്‌സിന്‍ നല്‍കുന്നതിന് ഫുഡ് ആന്‍ഡ് ഡ്രഗ് അഡ്മിനിസ്‌ട്രേഷന്‍ അനുമതി നല്‍കി
കുവൈത്തില്‍ അഞ്ചു വയസ്സിനു മുകളിലുള്ളവരുടെ കോവിഡ് പ്രതിരോധ കുത്തിവെപ്പ് ഫെബ്രുവരിയില്‍ നല്‍കും.
ജനുവരി അവസാനത്തോടെ ഇവര്‍ക്ക് നല്‍കാനുള്ള വാക്‌സിന്‍ കുവൈത്തിലെത്തിക്കുമെന്ന് ആരോഗ്യ മന്ത്രാലയ വൃത്തങ്ങള്‍ അറിയിച്ചു. പരിശോധനകള്‍ പൂര്‍ത്തിയാക്കി ഫെബ്രുവരി ആദ്യവാരം മുതല്‍ വിതരണം നടത്തും. ഈ പ്രായവിഭാഗത്തിലുള്ളവരുടെ വാക്‌സിനേഷന്‍ രജിസ്‌ട്രേഷന്‍ ആരംഭിച്ചിട്ടുണ്ട്.
അഞ്ചു വയസ്സിനു മുകളിലുള്ളവര്‍ക്ക് ഫൈസര്‍ വാക്‌സിന്‍ നല്‍കുന്നതിന് ഫുഡ് ആന്‍ഡ് ഡ്രഗ് അഡ്മിനിസ്‌ട്രേഷന്‍ അനുമതി നല്‍കിയതിനെ തുടര്‍ന്നാണ് കുവൈത്തിലും രജിസ്‌ട്രേഷന്‍ ആരംഭിച്ചത്. മുതിര്‍ന്നവര്‍ക്ക് നല്‍കുന്നതിന്റെ മൂന്നിലൊന്ന് ഡോസിലാണ് കുട്ടികള്‍ക്ക് നല്‍കുക.
ഇത് 90 ശതമാനം സുരക്ഷിതവും കാര്യക്ഷമവുമാണെന്ന് ഫൈസര്‍ ബയോണ്‍ടെകിന്റെ ക്ലിനിക്കല്‍ ട്രയല്‍സില്‍ വ്യക്തമായെന്ന് കമ്ബനി അറിയിച്ചിരുന്നു. കഴിഞ്ഞ വര്‍ഷം അവസാനത്തെ കണക്കുപ്രകാരം അഞ്ചിനും 11നും ഇടയില്‍ പ്രായമുള്ള 4,27,000 കുട്ടികളാണ് കുവൈത്തിലുള്ളത്. രജിസ്റ്റര്‍ ചെയ്ത മുതിര്‍ന്നവരുടെ കുത്തിവെപ്പ് ഏകദേശം പൂര്‍ത്തിയാക്കിയിട്ടുണ്ട്. ഇനിയും ബാക്കിയുള്ളവര്‍ക്ക് എപ്പോള്‍ വേണമെങ്കിലും ആരോഗ്യ മന്ത്രാലയം സജ്ജമാണ്.
https://www.facebook.com/Malayalivartha
