കൊറോണ വ്യാപനവും തുടർന്നുവന്ന പ്രതിസന്ധികളും കടന്ന് ഇത്തവണ പുതുവര്‍ഷാഘോഷം യുഎഇയില്‍ പൊളിച്ചടുക്കും. പുതുവര്‍ത്തെ വരവേല്‍ക്കാന്‍ യുഎഇയിലെ പൊതുമേഖലാ സ്ഥാപനങ്ങളില്‍ ജോലി ചെയ്യുന്നവര്‍ക്ക് വെള്ളിയാഴ്ച ഉച്ചമുതല്‍ സാധിക്കുന്നതാണ്. ജനുവരി 1 ഇപ്രാവശ്യം ശനിയാഴ്ചയാണ് എന്നതാണ് പ്രത്യേകത.

അതായത് യുഎഇയിലെ പുതിയ സമയക്രമം അനുസരിച്ച്, വെള്ളിയാഴ്ച ഉച്ചകഴിഞ്ഞ്, ശനിയാഴ്ച. ഞായറാഴ്ച എന്നിങ്ങനെ രണ്ടര ദിവസം അവധിയാണ് ഉള്ളത്. ശനിയാഴ്ച പുതുവര്‍ഷത്തെ വരവേല്‍ക്കുമ്പോള്‍ രണ്ടര ദിവസം യുഎഇയിലെ സര്‍ക്കാര്‍ ജീവനക്കാര്‍ക്ക് തകര്‍ക്കാനാവുന്നതാണ്. രണ്ടരദിവസത്തെ ആഘോഷം കഴിഞ്ഞ തിങ്കളാഴ്ച മുതല്‍ ഓഫിസില്‍ പോയാല്‍ മതിയാകും. ആഴ്ചയില്‍ നാലരദിവസം പ്രവൃത്തി സമയമാക്കി മാറ്റി ശനി, ഞായര്‍ ദിവസങ്ങള്‍ വാരാന്ത്യ അവധി ദിനങ്ങളുമാക്കിയ ചരിത്രപരമായ തീരുമാനത്തിന്റെ ആദ്യ അനുഭവം പുതുവര്‍ഷത്തില്‍ തന്നെ യുഎഇയില്‍ ലഭിക്കുകയും ചെയ്യും.

അങ്ങനെ നാലര ദിവസം മാത്രം പ്രവൃത്തിദിവസമാക്കിയ ലോകത്തെ ആദ്യ രാഷ്ട്രമായിരിക്കുകയാണ് യുഎഇ. നിയമം ജനുവരി ഒന്നു മുതല്‍ പ്രാബല്യത്തില്‍വരുന്നതോടെ ഇത്തവണ പ്രവാസികൾക്ക് കൂടുതൽ അവധി ലഭിക്കും. എന്നാൽ വെള്ളിയാഴ്ച രാവിലെ 7.30 മുതല്‍ ഉച്ചക്ക് 12 വരെ ഓഫീസുകള്‍ ഉണ്ടായിരിക്കും. കൂടാതെ തിങ്കള്‍ മുതല്‍ വ്യാഴം വരെ രാവിലെ 7.30 മുതല്‍ വൈകുന്നേരം 3.30 വരെയാണ് പ്രവൃത്തി ദിവസം ആയിരിക്കും. ഇനി മുതല്‍ ആഴ്ചയില്‍ നാലര ദിവസം മാത്രമായിരിക്കും ഒഫീസുകള്‍ പ്രവൃത്തിക്കുക. ഈ രീതിയില്‍ ആണ് പുതിയ സജ്ജീകരണം ഉള്ളത്.

അതോടൊപ്പം തന്നെ ശനി-ഞായര്‍ ദിവസങ്ങളില്‍ വാരാന്ത്യ അവധി പിന്തുടരുന്ന രാജ്യങ്ങളുമായുള്ള സുഗമമായ വ്യാപാര, സാമ്പത്തിക ഇടപാടുകള്‍ ഉറപ്പിക്കാന്‍ വേണ്ടിയാണ് പുതിയ തീരുമാനം. ശക്തമായ അന്താരാഷ്ട്ര ബിസിനസ് സൗഹൃദം ഉറപ്പിക്കാന്‍ ഇതിലൂടെ സാധിക്കും. കൂടാതെ യുഎഇ ആ സ്ഥാനമായുള്ള ബഹുരാഷ്ട്ര കമ്പനികള്‍ക്ക് കര്യങ്ങളുടെ നടത്തിപ്പിന് ഇത് വളരെ എളുപ്പമാകും എന്ന് സര്‍ക്കാര്‍ പുറത്തിറക്കിയ പ്രസ്ഥാവനയില്‍ വ്യക്തമാക്കുന്നു.

വാരാന്ത്യ അവധികള്‍ മുമ്പ് പലതവണ മാറിയിട്ടുണ്ടെങ്കിലും ഞായറാഴ്ച കൂടി അവധിയാക്കി ആഗോള തലത്തിലേക്ക് മാറ്റുന്നത് ഇതാദ്യമാണ് എന്നതാണ് ശ്രദ്ധേയം. 1971 മുതല്‍ 1999 വരെ വെള്ളിയാഴ്ച വാരാന്ത്യ അവധിയായിരുന്നു. പിന്നീട് 2006 വരെ വ്യാഴം കൂടി വാരാന്ത്യ അവധിയാക്കി മാറ്റുകയായിരുന്നു. 2006 മുതലാണ് വെള്ളി, ശനി ദിവസങ്ങള്‍ അവധിയാക്കിയത്. മൊറോക്കോ, തുര്‍ക്കി, മലേഷ്യ, ഇന്തോനേഷ്യ എന്നീ ഇസ്ലാമിക രാഷ്ട്രങ്ങള്‍ വെള്ളിയാഴ്ച പ്രവൃത്തി ദിനമാക്കി ഞായര്‍ അവധിയാക്കാനുള്ള സമയക്രമമാണ് പാലിച്ചുപോരുന്നത്.

അതേസമയം, ഷാര്‍ജയിലെ പൊതുമേഖലാ ജീവനക്കാര്‍ക്ക് ആഴ്ചയില്‍ മൂന്ന് ദിവസത്തെ വാരാന്ത്യ അവധി പ്രഖ്യാപിക്കുകയുണ്ടായി. ബാക്കി നാല് ദിവസങ്ങളില്‍ പ്രവൃത്തി ദിവസം ആയിരിക്കുന്നതാണ്. കഴിഞ്ഞ ദിവസം യുഎഇയില്‍ പ്രഖ്യാപിച്ച മൂന്നര ദിവസത്തേക്കാള്‍ അര ദിവസത്തെ അവധി കൂടുതല്‍ ഷാര്‍ജയിലെ ഗവണ്‍മെന്റ് ഉദ്യോഗസ്ഥര്‍ക്ക് ലഭിക്കുകയും ചെയ്യും. 2022 ജനുവരി 1 മുതല്‍ ഈ തീരുമാനം പ്രാബല്യത്തില്‍ വരും. തിങ്കള്‍ മുതല്‍ വ്യാഴം വരെ ജീവനക്കാര്‍ രാവിലെ 7.30 മുതല്‍ വൈകിട്ട് 3.30 വരെ പ്രവര്‍ത്തിക്കുന്നതായിരിക്കും. ഇത് ഇപ്പോഴത്തെ സമയത്തെക്കാള്‍ 60 മുതല്‍ 90 മിനിറ്റ് വരെ ദൈര്‍ഘ്യം ഉള്ളതാണ്. ശനി, ഞായര്‍ വാരാന്ത്യത്തിലേക്കുള്ള ഫെഡറല്‍ ഗവണ്‍മെന്റിന്റെ മാറ്റത്തെ തുടര്‍ന്നാണ് ഈ തീരുമാനം കൈകൊണ്ടത്.