പ്രവാസികൾക്ക് ഉണർവേകി പുത്തൻ അവസരം നൽകി ദുബായ് ഒരുങ്ങുന്നു. ദുബായ് സര്‍ക്കാര്‍ വകുപ്പിന്റെ വിവിധ ഒഴിവുകളിലേക്ക്​ ഇപ്പോള്‍ അപേക്ഷിക്കാൻ അവസരം. 30,000 ദിര്‍ഹം (ആറ്​ ലക്ഷം രൂപ) വരെ ശമ്പളം ലഭിക്കുന്ന ഒഴിവുകളാണ്​ സര്‍ക്കാര്‍ ഇപ്പോൾ പ്രഖ്യാപിച്ചിരിക്കുന്നത്​.

ദുബൈ ഹെല്‍ത്ത്​ അതോറിറ്റി, മീഡിയ ഓഫിസ്​, ടൂറിസം- വകുപ്പ്​ തുടങ്ങിയവയിലാണ്​ ഒഴിവുകള്‍ ഉള്ളത്. dubaicareers.ae/en എന്ന വെബ്​സൈറ്റ്​ വഴി അപേക്ഷിക്കാവുന്നതാണ്. യു.എ.ഇ പൗരന്‍മാര്‍ക്കും പ്രവാസികള്‍ക്കും അപേക്ഷിക്കാന്‍ അവസരം ഒരുക്കിയിട്ടുണ്ട്​. ദുബായ് ഹെല്‍ത്ത്​ അതോറിറ്റിയില്‍ സ്​പെഷ്യലിസ്​റ്റ്​ രജിസ്​റ്റാര്‍ ഒഴിവിലേക്ക്​ അംഗീകൃത മെഡിക്കല്‍ സ്​ഥാപനങ്ങളില്‍ നിന്ന്​ ബിരുദവും ഫെലോഷിപ്പുമുള്ളവര്‍ക്ക്​ അപേക്ഷിക്കാവുന്നതാണ്. 20,000- 30,000 ദിര്‍ഹം (നാല്​ ലക്ഷം രൂപ മുതല്‍ ആറ്​ ലക്ഷം രൂപ വരെ) ആണ്​ ശമ്പളം.

ദുബായ് ഹോസ്​പിറ്റലിലെ സ്​റ്റാഫ്​ നഴ്​സിന്റെ ഒഴിവിലേക്ക്​ ബി.എസ്​സി നഴ്​സിങ്ങോ തത്തുല്യ യോഗ്യതയോ രണ്ട്​ വര്‍ഷം പരിചയസമ്പത്തോ ഉള്ളവര്‍ക്ക്​ ​അപേക്ഷിക്കാവുന്നതാണ്. ശമ്പളം 10,000 ദിര്‍ഹമില്‍ താഴെ (രണ്ട്​ ലക്ഷം രൂപ). ഇതേ ഹോസ്​പിറ്റലിലെ സീനിയര്‍ സ്​പെഷ്യലിസ്​റ്റ്​ രജിസ്​റ്റാര്‍​ (ജനറല്‍ സര്‍ജറി, ഇന്‍റേണല്‍ മെഡിസിന്‍) എന്നിവയിലേക്ക്​ 20,000- 30,000 ദിര്‍ഹം (നാല്​ ലക്ഷം രൂപ മുതല്‍ ആറ്​ ലക്ഷം രൂപ വരെ) ആണ്​ ശമ്പളം. അല്‍ ജലീലിയ ചില്‍ഡ്രന്‍ സ്​പെഷ്യാലിറ്റി ആശുപത്രിയില്‍ സൈക്കോളജിസ്​റ്റിന്റെ ഒഴിവുമുണ്ട്​.

ദുബായ് മീഡിയ ഓഫിസില്‍ അറബിക്​ എഡിറ്ററുടെ (അറബി) ഒഴിവിലേക്ക്​ ജേണലിസം, കമ്യൂണിക്കേഷന്‍, മള്‍ട്ടിമീഡിയ, മീഡിയ സ്​റ്റഡി എന്നിവയിലേതെങ്കിലും ബിരുദമുള്ളവര്‍ക്ക്​ അപേക്ഷിക്കാവുന്നതാണ്. ശമ്പളം 10000 ദിര്‍ഹമില്‍ (രണ്ട്​ ലക്ഷം രൂപ) താഴെ. സീനിയര്‍ എഡിറ്റര്‍ (അറബി) ഒഴിവിലേക്കും ഇതേ യോഗ്യതകളാണ്​ വേണ്ടത്​. ശമ്പളം 10000 ദിര്‍ഹം- 20000 ദിര്‍ഹം (രണ്ട്​ ലക്ഷം രൂപ- നാല്​ ലക്ഷം രൂപ).

അതോടപ്പം തന്നെ ദുബായ് ടൂറിസത്തില്‍ ഡാറ്റാ എഞ്ചിനീയറുടെ ഒഴിവിലേക്ക്​ ബന്ധപ്പെട്ട മേഖലയില്‍ ബിരുദമുള്ളവര്‍ക്ക്​ അപേക്ഷിക്കാം. വനിത ശാക്തീകരണ വകുപ്പില്‍ ഫിറ്റ്​നസ്​ സൂപ്പര്‍വൈസറുടെ ഒഴിവുണ്ട്​. ബന്ധപ്പെട്ട മേഖലയില്‍ ഡി​േപ്ലാമ ഉള്ളവര്‍ക്ക്​ അപേക്ഷിക്കാവുന്നതാണ്.