സൗദിയിലേക്കാണോ യാത്ര...? സന്ദർശക വിസക്കാർക്ക് ഇനിമുതൽ ഇങ്ങനെ; സൗദിയില് വിസിറ്റ് വിസയില് എത്തുന്നവര്ക്ക് തവക്കൽനാ ആപ്പില് അവരുടെ വാക്സിന് വിവരങ്ങള് ചേര്ക്കാന് പുതിയ സംവിധാനം നിലവില്! സൗദിയിലെത്തുന്ന കുടുംബ സന്ദർശക വിസക്കാർക്കും ഇഖാമയുള്ളവരുടേത് പോലെ തന്നെ തവക്കൽനായിൽ വിവരങ്ങൾ ചേർക്കാൻ അവസരം
ഗൾഫ് മേഖലയിൽ വച്ച് ആദ്യമായി കൊറോണ വൈറസിന്റെ പുതിയ വകഭേദമായ ഒമിക്രോൺ സ്ഥിരീകരിച്ച രാഷ്ട്രമാണ് സൗദി അറേബ്യ. മാസങ്ങളോളമുള്ള വിലക്കും കടുത്ത നിബന്ധനകളും ഉണ്ടായിട്ടും സൗദി തലയിൽ കൈവച്ചുപോയ നിമിഷമായിരുന്നു അത്. ഇപ്പോഴിതാ ഖത്തർ ഒഴികെ മറ്റെല്ലാ ഗൾഫ് രാഷ്ട്രങ്ങളിലും ഒമിക്രോൺ സ്ഥിരീകരിച്ചുകഴിഞ്ഞിരിക്കുകയാണ്.
എടുത്തുപറഞ്ഞാൽ സൗദിക്ക് പിന്നാലെ യുഎഇ, കുവൈറ്റ്, ബഹ്റൈൻ, ഒമാൻ എന്നിങ്ങനെയാണ് വൈറസ് സ്ഥിരീകരിച്ച രാഷ്ട്രങ്ങൾ. ഇതിനുപിന്നാലെ നടപടികൾ കടുപ്പിക്കാൻ ഓരോ രാഷ്ട്രങ്ങളും തയ്യാറായിരിക്കുകയാണ്. ഇപ്പോഴിതാ പുതിയ നിർദ്ദേശമാണ് സൗദി അധികൃതർ നൽകുന്നത്.
അതായത് സൗദിയില് വിസിറ്റ് വിസയില് എത്തുന്നവര്ക്ക് തവക്കൽനാ ആപ്പില് അവരുടെ വാക്സിന് വിവരങ്ങള് ചേര്ക്കാന് പുതിയ സംവിധാനം നിലവില് വന്നിരിക്കുകയാണ്. സൗദിയിലെത്തുന്ന കുടുംബ സന്ദർശക വിസക്കാർക്കും ഇഖാമയുള്ളവരുടേത് പോലെ തന്നെ തവക്കൽനായിൽ വിവരങ്ങൾ ചേർക്കാൻ സാധിക്കുകയും ചെയ്യും. ഇത് ചെയ്യാനായി അബ്ഷിർ റജിസ്ട്രേഷൻ നിർബന്ധമാക്കിയിട്ടുണ്ട്. പുതിയ സംവിധാനം നിലവില് വന്നു. ഒരു പ്രമുഖ മാധ്യമമാണ് വാർത്ത റിപ്പോർട്ട് ചെയ്തിരിക്കുന്നത്.
ആരോഗ്യ മന്ത്രാലയത്തിന്റെ https://eservices.moh.gov.sa/CoronaVaccineRegistration എന്ന ലിങ്കിൽ കയറിയാല് വിസിറ്റർ തെരഞ്ഞെടുക്കാനുള്ള ഓപ്ഷൻ നൽകിയിട്ടുണ്ട്. ഇതിൽ തന്നെ വിസിറ്റ് വിസക്കാര്ക്ക് പ്രത്യേക ഓപ്ഷന് നല്കിയിട്ടുണ്ട്. നേരത്തെ ഇഖാമ മാത്രമായിരുന്നു ഇതില് ഉണ്ടായിരുന്നത്. വിസിറ്റർ തിരഞ്ഞെടുക്കുമ്പോൾ ആഭ്യന്തര മന്ത്രാലയത്തിന്റെ പൊതു ഓൺലൈൻ സംവിധാനമായ iam.gov.sa എന്ന സൈറ്റിലേക്ക് പ്രവേശിക്കാനും സാധിക്കും. ഇതില് യൂസർ നെയിം, പാസ് വേര്ഡ് നൽകി പ്രവേശിക്കേണ്ടതാണ്. തുടര്ന്ന് വാക്സിന് വിവരങ്ങള് നല്കണം. പുതിയ സംവിധാനത്തില് വാക്സിന് വിവരങ്ങള് നല്കാനുള്ള സൗകര്യം ഒരുക്കിയിട്ടുണ്ട്. വിത്യസ്ത വാക്സിന് ഡോസുകള് സ്വീകരിച്ചതിന്റ വിവരങ്ങള് നല്കാന് സാധിക്കുകയും ചെയ്യും.
അതേസമയം സൗദിയിൽ 65 പേര്ക്കാണ് കഴിഞ്ഞ ദിവസം കൊവിഡ് സ്ഥിരീകരിച്ചത്. 82 പേര് രോഗമുക്തി നേടി. ഇന്നലെ വരെയുള്ള കണക്കുകള് പരിശോധിക്കുമ്പോള് 550,550,369 പേര് രോഗമുക്തി നേടിയിട്ടുണ്ട്. കഴിഞ്ഞ ദിവസം ഒരാള് ആണ് കൊവിഡ് ബാധിച്ച് മരിച്ചത്. ഇതോടെ രാജ്യത്ത് കൊവിഡ് ബാധിച്ച് മരിക്കുന്നവരുടെ എണ്ണം 539,636 ആയി ഉയർന്നു.
രാജ്യത്ത് ഇപ്പോള് കൊവിഡ് ബാധിച്ച് ചികിത്സയിലുള്ളവരിൽ 33 പേർ ഗുരുതരാവസ്ഥയിലാണ് ഉള്ളത്. ഇവർ രാജ്യത്തെ വിവിധ ആശുപത്രികളിൽ ചികിത്സയിലാണ് കഴിയുന്നത്. ബാക്കിയുള്ളവരുടെ നില തൃപ്തികരമാണ്.
https://www.facebook.com/Malayalivartha