ഗൾഫ് രാഷ്ട്രങ്ങളിൽ ഖത്തർ ഒഴികെ മറ്റെല്ലായിടത്തും ഒമിക്രോൺ; ഭീതിക്കിടയിൽ നിയന്ത്രണങ്ങൾ കർശനമാക്കി അധികൃതർ! ഖത്തറിലേക്ക് പ്രവേശിക്കാന് അനുമതിയുള്ള രാജ്യങ്ങളുടെ പട്ടിക പുറത്തുവിട്ട് ഖത്തര് ആരോഗ്യ മന്ത്രാലയം, 176 രാജ്യങ്ങള് ഗ്രീന് ലിസ്റ്റിൽ
ഗൾഫ് രാഷ്ട്രങ്ങളിൽ ഖത്തർ ഒഴികെ മറ്റെല്ലായിടത്തും ഒമിക്രോൺ സ്ഥിരീകരിക്കുകയുണ്ടായി. ഇതിനുപിന്നാലെ കടുത്ത നിയന്ത്രണങ്ങളാണ് അധികൃതർ ഏർപ്പെടുത്തുന്നത്. നിലവിലെ കൊവിഡ് സാഹചര്യങ്ങളെ വിലയിരുത്തി ഖത്തറിലേക്ക് പ്രവേശിക്കാന് അനുമതിയുള്ള രാജ്യങ്ങളുടെ പട്ടിക ഖത്തര് ആരോഗ്യ മന്ത്രാലയം പുറത്തുവിട്ടിയിരിക്കുകയാണ്.
അതായത് പുതിയ വിവരങ്ങൾ അനുസരിച്ച് 176 രാജ്യങ്ങള് ഗ്രീന് ലിസ്റ്റിൽ ഉൾപ്പെട്ടിട്ടുണ്ട്. മിക്ക അറബ് രാജ്യങ്ങള് (പാലസ്തീന്, ഒമാന്, സൊമാലിയ, യുഎഇ, യെമന്, കുവൈറ്റ്, ഇറാഖ്, ലെബനന്, ലിബിയ, ടുണീഷ്യ, കുവൈറ്റ്, ബഹ്റൈന്, സൗദി അറേബ്യ, യുഎഇ, ജോര്ദാന്) ഉള്പ്പെടെയുള്ള രാജ്യങ്ങള് ഗ്രീന് പട്ടികയിൽ ഉൾപ്പെടുത്തിയിരിക്കുകയാണ് അധികൃതർ.
അതോടൊപ്പം തന്നെ എട്ട് രാജ്യങ്ങളാണ് റെഡ് ലിസ്റ്റില് ഉള്പ്പെടുത്തിയിട്ടുള്ളത്. അള്ജീരിയ, ഡെന്മാര്ക്ക്, ഡൊമിനിക, ജര്മനി, ഇറാന്, പോളണ്ട്, സ്വിറ്റ്സര്ലാന്ഡ്, യുകെ എന്നീ രാജ്യങ്ങളാണ് ഖത്തറില റെഡ് ലിസ്റ്റിലുള്ളത്. ജോര്ദാന്, ലാത്വിയ, മഗ്നോലിയ എന്നീ രാജ്യങ്ങള് ഗ്രീന് ലിസ്റ്റില് നിന്നും പുറത്താക്കിയിരിക്കുകയാണ്.
ഈ വര്ഷാദ്യം തന്നെ ട്രാഫിക് താനെ ലൈറ്റ് കാറ്റഗറൈസേഷന് സിസ്റ്റം ആരോഗ്യ മന്ത്രാലയം അപ്ഡേറ്റ് ചെയ്തിരുന്നു. മഞ്ഞ ലിസ്റ്റ് പൂര്ണമായും ഒഴിവാക്കുകയും പകരം ചുവന്ന രാജ്യങ്ങളുടെ പട്ടിക ഉള്പ്പെടുത്തുകയും ചെയ്തിരുന്നു. കൂടാതെ എ കാറ്റഗറിയ്ക്ക് കീഴിലുള്ള ബംഗ്ലാദേശ്, ഈജിപ്ത്, ഇന്ത്യ, ഇന്തോനേഷ്യ, നേപ്പാള്, പാകിസ്ഥാന്, ഫിലിപ്പീന്സ്, ശ്രീലങ്ക, സൗത്ത് സുഡാന് എന്നീ രാജ്യങ്ങള് എക്സപ്ഷണല് റെഡ് ലിസ്റ്റില് ഉൾപ്പെടുന്നുണ്ട്.
ബോട്സ്വാന, എസ്വറ്റിനി, ലെസോതോ, സൗത്ത് ആഫ്രിക്ക എന്നീ രാജ്യങ്ങളെല്ലാം ബി കാറ്റഗറിയിലാണ് ഉള്ളത്. റെഡ് ലിസ്റ്റ് രാജ്യങ്ങളില് നിന്ന് വരുന്ന യാത്രക്കാരില് നിന്ന് വ്യത്യസ്തമായി എക്സ്പ്ഷണല് രാജ്യങ്ങളില് നിന്ന് ഖത്തറിലേക്ക് വരുന്നവര് വാക്സിന് സ്വീകരിച്ചിട്ടില്ലെങ്കില് പ്രവേശനാനുമതി നിഷേധിക്കുകയും ചെയ്യുന്നതാണ്.
https://www.facebook.com/Malayalivartha