സൗദി അറേബ്യയില്‍ വീണ്ടും ഹൂതി ആക്രമണം. അബഹ അന്താരാഷ്ട്ര വിമാനത്താവളം ലക്ഷ്യമിട്ട് യെമനിലെ ഹൂതികള്‍ നടത്തിയ വ്യോമാക്രമണ ശ്രമം അറബ് സഖ്യ സേനയെ പരാജയപ്പെടുത്തിയിരിക്കുകയാണ്. ആക്രമണത്തിനെത്തിയ ഡ്രോണുകള്‍ പ്രതിരോധ സേന തകര്‍ത്തെറിഞ്ഞു.

വിമാനത്താവളത്തിലെ യാത്രക്കാരെ ലക്ഷ്യം വെച്ചായിരുന്നു ആക്രമണം ഉണ്ടായിരിക്കുന്നത്. അതിര്‍ത്തി കടന്നുള്ള ആക്രമണങ്ങള്‍ നടത്താനുള്ള കേന്ദ്രമായി സന്‍ആ അന്താരാഷ്ട്ര വിമാനത്താവളത്തെ ഹൂതി വിമതര്‍ ഉപയോഗിക്കുകയാണെന്നാണ് സഖ്യസേന ഉന്നയിക്കുന്ന വിമര്‍ശനം.

അതേസമയം നേരത്തെ സൗദി അറേബ്യയിലെ ഖമീസ് മുശൈത്ത് ലക്ഷ്യം വെച്ചും ഹൂതികള്‍ ആക്രമണം നടത്തിയിരുന്നു. ഇറാന്റെ പിന്തുണയോടെ ഹൂതികള്‍ സൗദി അറേബ്യയിലെ സാധാരണക്കാരെയും അവരുടെ വസ്തുവകകളും ലക്ഷ്യം വെച്ച്‌ ആക്രമണം തുടരുകയാണെന്നും സഖ്യസേന ആരോപിക്കുകയായിരുന്നു.