പുതിയ ഉത്തരവ് പുറപ്പെടുവിച്ച് യുഎഇ; ഫെഡറൽ സർക്കാർ സ്ഥാപനങ്ങളിൽ ഗ്രീൻപാസ് പ്രോട്ടോകോൾ നടപ്പിലാക്കുമെന്ന് ദേശീയ അടിയന്തര ദുരന്ത നിവാരണ വകുപ്പ്, എല്ലാ എമിറേറ്റുകളിലെയും ജീവനക്കാർക്കും സന്ദർശകർക്കും നിയമം ബാധകമായിരിക്കുമെന്നും അധികൃതർ
പുതിയ ഉത്തരവ് പുറപ്പെടുവിച്ച് യുഎഇ അധികൃതർ. യു.എ.ഇ ഫെഡറൽ സർക്കാർ സ്ഥാപനങ്ങളിൽ ഗ്രീൻപാസ് പ്രോട്ടോകോൾ നടപ്പിലാക്കുമെന്ന് ദേശീയ അടിയന്തര ദുരന്ത നിവാരണ വകുപ്പ് പ്രസ്താവനയിൽ അറിയിക്കുകയുണ്ടായി. ജനുവരി മൂന്നു മുതലാണ് മുഴുവൻ സർക്കാർ സ്ഥാപനങ്ങളിലും ഇത് നടപ്പിലാക്കാൻ തീരുമാനിച്ചിട്ടുള്ളത്.
എല്ലാ എമിറേറ്റുകളിലെയും ജീവനക്കാർക്കും സന്ദർശകർക്കും നിയമം ബാധകമായിരിക്കുമെന്നും അധികൃതർ ചൂണ്ടിക്കാട്ടി. ഗ്രീൻപാസ് പ്രോട്ടോകോൾ അനുസരിച്ച് വാക്സിൻ സ്വീകരിക്കുകയോ വാക്സിൻ സ്വീകരിക്കുന്നതിൽനിന്ന് ഒഴിവ് ലഭിക്കുകയോ ചെയ്തവർക്ക് മാത്രമായിരിക്കും ഓഫിസുകളിൽ പ്രവേശനം ലഭിക്കുക. വാക്സിൻ സ്വീകരിച്ചവർ ബൂസ്റ്റർ സ്വീകരിക്കുകയും 14 ദിവസത്തിനിടയിൽ പി.സി.ആർ പരിശോധന നടത്തി നെഗറ്റിവ് ലഭിക്കുകയും ചെയ്യേണ്ടതാണ്.
എന്നാൽ മാത്രമേ അൽ ഹുസ്ൻ ആപ്പിൽ ഗ്രീൻപാസ് ലഭിക്കുകയുള്ളു. ആപ്പിൽ ഗ്രീൻ പാസ് കാണിക്കാത്ത ജീവനക്കാരെ പ്രവേശിക്കാൻ അനുവദിക്കുന്നതല്ല. എല്ലാ ജീവനക്കാരുടെയും ഓഫിസുകളിലെത്തുന്നവരുടെയും സുരക്ഷ ഉറപ്പുവരുത്തുന്നതിനാണ് നടപടി സ്വീകരിച്ചതെന്ന് അധികൃതർ വ്യക്തമാക്കിയിട്ടുണ്ട്.
https://www.facebook.com/Malayalivartha